ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«Լեռնային Ղարաբաղի Հանրապետությունում հաշմանդամների սոցիալական պաշտպանության մասին» Լեռնային Ղարաբաղի Հանրապետության օրենքում լրացումներ և փոփոխություն կատարելու մասին

Հոդված 1. «Լեռնային Ղարաբաղի Հանրապետությունում հաշմանդամների սոցիալական պաշտպանության մասին» Լեռնային Ղարաբաղի Հանրապետության օրենքի 13 հոդվածի վերջին մասը լրացնել հետևյալ նախադասությամբ.

«Օգնության ֆինանսավորումը կատարվում է պետական բյուջեի միջոցների հաշվին՝ Լեռնային Ղարաբաղի Հանրապետության կառավարության սահմանած կարգով և ժամկետներով»:

Հոդված 2. Օրենքի 14 հոդվածի վերջին մասը լրացնել հետևյալ նախադասությամբ.

«Ֆինանսավորումը կատարվում է պետական բյուջեի միջոցների հաշվին՝ Լեռնային Ղարաբաղի Հանրապետության կառավարության սահմանած կարգով և ժամկետներով»:

Հոդված 3. Օրենքի 15 հոդվածի առաջին մասը լրացնել հետևյալ նախադասությամբ.

«Ուսումնական պարապմունքների ֆինանսավորումը կատարվում է պետական բյուջեի միջոցների հաշվին՝ Լեռնային Ղարաբաղի Հանրապետության կառավարության սահմանած կարգով և ժամկետներով»:

Հոդված 4. Օրենքի 23 հոդվածի առաջին մասը շարադրել հետևյալ խմբագրությամբ.

«Տրանսպորտի, կապի, տեղեկատվության միջոցները և սոցիալական ենթակառուցվածքի մյուս օբյեկտները պետք է հարմարեցվեն հաշմանդամների պահանջմունքների բավարարմանը՝ Լեռնային Ղարաբաղի Հանրապետության կառավարության սահմանած կարգով, պայմաններով և ժամկետներով»:

Հոդված 5. Օրենքի 31 հոդվածը «կարգով» բառից հետո լրացնել «և ժամկետներում» բառերով:

Հոդված 6. Սույն օրենքն ուժի մեջ է մտնում հրապարակման պահից: