ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2012 թվականի մայիսի 14-ի «Լեռնային Ղարաբաղի Հանրապետության պետական և ոչ պետական բարձրագույն ուսումնական հաստատությունների և Հայաստանի Հանրապետության պետական բուհերում Լեռնային Ղարաբաղի Հանրապետությանը հատկացված տեղերի ընդունելության (ըստ բակալավրի կրթական ծրագրի) կարգը հաստատելու և Լեռնային Ղարաբաղի Հանրապետության կառավարության 2011 թվականի մայիսի 31-ի N 336-Ն որոշումն ուժը կորցրած ճանաչելու մասին» N 301-Ն որոշմամբ հաստատված հավելվածում՝

1) 5-րդ կետը լրացնել նոր նախադասությամբ. «Բուհեր ընդունվելու համար դիմորդները բուհերի ընդունելության մրցույթին կարող են մասնակցել նաև միջնակարգ կրթության ատեստատի կամ միջին մասնագիտական կամ նախնական մասնագիտական ուսումնական հաստատության ավարտական փաստաթղթի` պետական ավարտական քննությունների գնահատականներով, իսկ պետական ավարտական քննական գնահատականի բացակայության դեպքում` տարեկան գնահատականով, եթե տվյալ մասնագիտության քննական առարկան բուհերի ընդունելության քննությունների ցանկում նշված է երկու աստղանիշով:».

2) 6-րդ կետը լրացնել նոր նախադասությամբ. «Բուհերի ընդունելության մրցույթում ընդունելության քննությունների գնահատականներն առավելություն ունեն միջնակարգ կրթության ատեստատի կամ միջին մասնագիտական կամ նախնական մասնագիտական ուսումնական հաստատության ավարտական փաստաթղթի` պետական ավարտական քննությունների գնահատականների կամ տարեկան գնահատականների նկատմամբ:».

3) 11-րդ կետը շարադրել նոր խմբագրությամբ.

«11. Կենտրոնացված է «Ստեղծագործական աշխատանք» գրավոր քննությունը:».

4) 14-րդ կետը շարադրել նոր խմբագրությամբ.

«14. Ներբուհական են՝ Արցախի պետական համալսարանի «Կերպարվեստ և գծագրություն», «Ֆիզիկական կուլտուրա և սպորտ», «Նախազորակոչային և ֆիզիկական պատրաստություն»,Երևանի ճարտարապետության և շինարարության պետական համալսարանի «Ճարտարապետություն և դիզայն» մասնագիտության «Նկարչություն» և «Գծագրություն» առարկաների, Ստեփանակերտի «Գրիգոր Նարեկացի» համալսարանի «Նախազորակոչային և ֆիզիկական պատրաստություն» մասնագիտության, Ստեփանակերտի «Գյուրջյան» կիրառական արվեստի ինստիտուտի «Հագուստի մոդելավորում» և «Դիզայն» մասնագիտությունների մասնագիտական առարկաների քննությունները:».

5) 24-րդ կետում «նույն տարվա գարնանային զորակոչից զորացրված» բառերից հետո լրացնել «կամ մինչև հուլիսի 31-ը զորացրվող» բառերը.

6) 31-րդ կետում, 32-րդ կետի 2-րդ ենթակետում «դիմորդը» բառից հետո լրացնել «կամ մինչև հուլիսի 31-ը զորացրվող դիմորդի կողմից տրված լիազորագրում նշված անձը» բառերը.

7) 36-րդ կետի 4-րդ ենթակետում «անձնագիր,» բառից հետո լրացնել «նույնականացման քարտ,» բառերը.

8) 40-րդ կետը շարադրել նոր խմբագրությամբ.

«40. Մինչև հուլիսի 31-ը զորացրվող զինծառայողները կարող են դիմել նույն տարվա ընդունելության մրցույթին` մինչև զորակոչվելը ստացած միասնական քննությունների վկայագրով մասնակցելու համար: Մինչև հուլիսի 31-ը զորացրվող զինծառայողները զորամասի հրամանատարի կողմից տրված տեղեկանք են ներկայացնում այն մասին, որ նրանց զորացրումը տեղի է ունենալու մինչև նույն տարվա հուլիսի 31-ը: Սույն տեղեկանքը մինչև հուլիսի 31-ը զորացրվող զինծառայողի կողմից տրված լիազորագրում նշված անձը ներկայացնում է բուհի ընդունող հանձնաժողովին: Լիազորագրում մինչև հուլիսի 31-ը զորացրվող զինծառայողը նշում է բուհերի ընդունելության մրցույթին մասնակցության մասնագիտությունները, որոնք լիազորագրում նշված անձը ընդունելության դիմում-հայտում հայտագրում է լիազորագրում նշված հերթականությամբ: Մինչև հուլիսի 31-ը զորացրվող զինծառայողների վրա տարածվում են սույն կարգի 100-րդ կետով սահմանված դրույթները:».

9) 91-րդ կետում «առաջին» բառից հետո ավելացնել «տողով» բառը.

10) լրացնել նոր՝ 93.1-ին կետ՝ հետևյալ բովանդակությամբ.

«93.1. Արցախի պետական համալսարանի և «Հայաստանի Ազգային Ագրարային Համալսարան» հիմնադրամի Ստեփանակերտի մասնաճյուղի «*» նշանով նշված մասնագիտությունների անվճար ուսուցման համակարգի մրցույթին կարող են մասնակցել նաև այն դիմորդները, ովքեր մասնագիտությունների և քննությունների ցանկում երկու աստղանիշերով նշված առարկաների համար որպես մրցութային գնահատական ընդունելության դիմում-հայտում նախապես հայտագրել են միջնակարգ կրթության ատեստատի կամ միջին մասնագիտական կամ նախնական մասնագիտական ուսումնական հաստատության ավարտական փաստաթղթի` պետական ավարտական քննությունների գնահատականները, իսկ պետական ավարտական քննական գնահատականի բացակայության դեպքում` տարեկան գնահատականը: Անվճար համակարգում առաջնահերթ ընդունվելու արտոնությունից օգտվում են այն դիմորդները, ովքեր մրցութային երկու առարկաներից հանձնում են միասնական քննություն:».

11) 94-րդ կետը շարադրել նոր խմբագրությամբ.

«94. Անվճար տեղերի մրցույթին դիմորդները կարող են մասնակցել միայն ընդունելության քննությունների արդյունքներով՝ բացառությամբ Արցախի պետական համալսարանի և «Հայաստանի Ազգային Ագրարային Համալսարան» հիմնադրամի Ստեփանակերտի մասնաճյուղի «*» նշանով նշված մասնագիտությունների: Վճարովի տեղերի մրցույթին դիմորդները կարող են մասնակցել և´ միասնական քննությունների արդյունքներով, և´ բուհերի ընդունելության քննությունների ցանկում 2 աստղանիշով նշված առարկաների համար որպես մրցութային գնահատական ընդունելության դիմում-հայտում հայտագրած միջնակարգ կրթության ատեստատի կամ միջին մասնագիտական կամ նախնական մասնագիտական ուսումնական հաստատության ավարտական փաստաթղթի` պետական ավարտական քննությունների գնահատականներով, իսկ պետական ավարտական քննական գնահատականի բացակայության դեպքում` տարեկան գնահատականով՝ բացառությամբ «Հայաստանի Ազգային Ագրարային Համալսարան» հիմնադրամի Ստեփանակերտի մասնաճյուղի «*» նշանով նշված մասնագիտությունների, որոնց դիմորդները, որպես մրցութային առարկաների գնահատական, կարող են դիմում-հայտում նախապես հայտագրել միջնակարգ կրթության ատեստատի կամ համապատասխան ավարտական փաստաթղթի՝ այդ առարկաների պետական ավարտական քննությունների գնահատականը, իսկ պետական ավարտական քննական գնահատականի բացակայության դեպքում՝ տարեկան գնահատականը: Վճարովի տեղերի մրցույթում առաջնահերթությունը տրվում է առավել թվով միասնական քննություններ հանձնած դիմորդներին:».

12) 99-րդ կետի 1-ին ենթակետը շարադրել հետևյալ խմբագրությամբ.

«1) 1-ին և 2-րդ խմբի հաշմանդամություն ունեցող անձինք և մինչև 18 տարեկան հաշմանդամ երեխաները.»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: