ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ԼՂՀ պետական արբիտրաժի գործունեությունը ժամանակավորապես կասեցնելու մասին
ԼՂՀ պետական արբիտրաժը առաջիկայում ԼՂՀ արբիտրաժային դատարանի վերակազմավորվելու առնչությամբ որոշում եմ.
1. 1995 թվականի ապրիլի 1-ից, ժամանակավորապես, մինչև համապատասխան օրենսդրական բազայի ընդունումը, կասեցնել ԼՂՀ պետական արբիտրաժի գործունեությունը:
2. ԼՂՀ պետական արբիտրաժին ենթակա տնտեսական վեճերի քննարկումը, որոնք կազմակերպությունների, հիմնարկությունների, ինչպես նաև իրավաբանական այլ անձանց միջև ծագում են տնտեսական, առևտրական և առևտրային (կոմերցիոն) գործունեության ոլորտներում ժամանակավորապես փոխանցել ԼՂՀ գերագույն դատարանի ենթադատությանը: Այդ վեճերի լուծումն իրականացնել քաղաքացիական դատավարության կարգով:
3. ԼՂՀ կառավարությանը` մինչև 1995 թվականի ապրիլի 1-ը համապատասխան միջոցներ ձեռնարկել` ուղղված ԼՂՀ պետական արբիտրաժի գույքի ընդունմանն ու պահպանմանը, նրա աշխատողների հետ վերջնահաշվարկ կատարելուն, նրանց աշխատանքի տեղավորման հարցի լուծմանը և բանկային հիմնարկներում նրա ֆինանսական հաշիվների փակմանը:
|
|
Ռ. Քոչարյան |
| 14 մարտի 1995թ.
ք. Ստեփանակերտ
ՆՀ-39 |
|