ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«ԵԿԱՄՏԱՀԱՐԿԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Եկամտահարկի մասին» Լեռնային Ղարաբաղի Հանրապետության օրենքի 9 հոդվածի «ժէ» ենթակետում «դրամական շահումները՝ յուրաքանչյուր վճարման դեպքում տաս հազար դրամի շրջանակներում» բառերը փոխարինել «դրամական և իրային շահումները» բառերով:

Հոդված 2. Օրենքի 14 հոդվածի 1-ին կետը լրացնել «գ» ենթակետով.

«գ) 2001 թվականի հունվարի 1-ից՝ 10 հազար դրամի չափով»:

Հոդված 3. Օրենքի 15 հոդվածի 3-րդ կետը հանել:

Հոդված 4. Օրենքի 18 հոդվածը շարադրել հետևյալ խմբագրությամբ՝

«Հոդված 18. Եկամտահարկի դրույքաչափը

Հարկվող եկամուտներից եկամտահարկը վճարվում (գանձվում) է 5 տոկոս դրույքաչափով»:

Հոդված 5. Օրենքի 31 հոդվածի 2-րդ կետի «դ» ենթակետից հանել «և հարկային տարվա ընթացքում հարկվող եկամուտը չի գերազանցել հարյուր քսան հազար դրամը» բառերը:

Հոդված 6. Սույն օրենքն ուժի մեջ է մտնում 2001 թվականի հունվարի 1-ից: