ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
ք.Ստեփանակերտ
Լեռնային Ղարաբաղի Հանրապետության կառավարության 2002 թվականի նոյեմբերի 26-ի թիվ 61 որոշման մեջ փոփոխություններ և լրացումներ կատարելու մասին
Լեռնային Ղարաբաղի Հանրապետության կառավարությունը ո ր ո շ ու մ է.
1. Լեռնային Ղարաբաղի Հանրապետության կառավարության 2002 թվականի նոյեմբերի 26-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» թիվ 61 որոշման մեջ կատարել հետևյալ փոփոխությունները և լրացումները.
որոշմամբ հաստատված`
ա/ «Գյուղատնտեսական գործունեություն ծավալելու նպատակով հողամասերը վարձակալության հանձնելու մասին» պայմանագրի ձևում.
5.3-րդ կետում «Վարձակալական ընթացիկ վճարումները» բառերը փոխարինել «Համայնքների վարչական սահմաններում գտնվող վարձակալված հողամասերի վարձակալական ընթացիկ վճարումները» բառերով.
5.3-րդ կետից հետո լրացնել հետևյալ բովանդակությամբ 5.31-րդ կետ.
«5.31. Համայնքների վարչական սահմաններից դուրս գտնվող վարձակալված հողամասերի հաշվետու տարվա վարձակալական վճարումները վարձակալի կողմից վճարվում է մինչև հաշվետու տարվա հոկտեմբերի 1-ը (ներառյալ):
Մինչև սույն կետի 1-ին պարբերությամբ սահմանված ժամկետի լրանալը համայնքների վարչական սահմաններից դուրս գտնվող վարձակալված հողամասերի պայմանագրերի դադարման (լուծման) դեպքում, հաշվետու տարվա վարձակալական վճարումները վարձակալի կողմից վճարվում է ոչ ուշ, քան մինչև պայմանագրի գործողության ժամկետի վերջին ամսվա 20-ը:
Հաշվետու տարվա հոկտեմբերի 1-ից հետո կնքված համայնքների վարչական սահմաններից դուրս գտնվող վարձակալված հողամասերի պայմանագրերի մասով այդ ժամկետից մինչև դեկտեմբերի 31-ը (ներառյալ) ընկած ժամանակաշրջանի օրացուցային օրերի փաստացի թվին համապատասխան վճարման ենթակա վարձավճարը վճարվում է հաջորդ տարվա համար վճարվելիք վարձավճարի համար սահմանված ժամկետում:
Հաշվետու տարվա հոկտեմբերի 1-ից մինչև դեկտեմբերի 31-ը (ներառյալ) ընկած ժամանակաշրջանում համայնքների վարչական սահմաններից դուրս գտնվող վարձակալված հողամասերի պայմանագրերի դադարման (լուծման) դեպքում կատարվում է այդ ժամանակաշրջանի համար հաշվարկված (վճարված) գումարների վերահաշվարկ:
Վերահաշվարկի արդյունքում վարձակալին վերադարձման ենթակա գումարը վերադարձվում է ոչ ուշ, քան վերադարձման մասին վարձակալի դիմումը ստանալուց հետո 30 օրվա ընթացքում:».
5.5-րդ կետում «եռամսյակի» բառից հետո ավելացնել «(տարվա)» բառը.
բ/ «Հողամասերի վարձակալության» պայմանագրի ձևում.
11-րդ կետում «Վարձակալական ընթացիկ վճարումները» բառերը փոխարինել «Համայնքների վարչական սահմաններում գտնվող վարձակալված հողամասերի վարձակալական ընթացիկ վճարումները» բառերով.
11-րդ կետից հետո լրացնել հետևյալ բովանդակությամբ 111-րդ կետ.
«111. Համայնքների վարչական սահմաններից դուրս գտնվող վարձակալված հողամասերի հաշվետու տարվա վարձակալական վճարումները վարձակալի կողմից վճարվում է մինչև հաշվետու տարվա հոկտեմբերի 1-ը (ներառյալ):
Մինչև սույն կետի 1-ին պարբերությամբ սահմանված ժամկետի լրանալը համայնքների վարչական սահմաններից դուրս գտնվող վարձակալված հողամասերի պայմանագրերի դադարման (լուծման) դեպքում, հաշվետու տարվա վարձակալական վճարումները վարձակալի կողմից վճարվում է ոչ ուշ, քան մինչև պայմանագրի գործողության ժամկետի վերջին ամսվա 20-ը:
Հաշվետու տարվա հոկտեմբերի 1-ից հետո կնքված համայնքների վարչական սահմաններից դուրս գտնվող վարձակալված հողամասերի պայմանագրերի մասով այդ ժամկետից մինչև դեկտեմբերի 31-ը (ներառյալ) ընկած ժամանակաշրջանի օրացուցային օրերի փաստացի թվին համապատասխան վճարման ենթակա վարձավճարը վճարվում է հաջորդ տարվա համար վճարվելիք վարձավճարի համար սահմանված ժամկետում:
Հաշվետու տարվա հոկտեմբերի 1-ից մինչև դեկտեմբերի 31-ը (ներառյալ) ժամանակաշրջանում համայնքների վարչական սահմաններից դուրս գտնվող վարձակալված հողամասերի պայմանագրերի դադարման (լուծման) դեպքում կատարվում է այդ ժամանակաշրջանի համար հաշվարկված (վճարված) գումարների վերահաշվարկ: Վերահաշվարկի արդյունքում վարձակալին վերադարձման ենթակա գումարը վերադարձվում է ոչ ուշ, քան վերադարձման մասին վարձակալի դիմումը ստանալուց հետո 30 օրվա ընթացքում:».
13-րդ կետում «եռամսյակի» բառից հետո ավելացնել «(տարվա)» բառը:
2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը:
|
ԼՂՀ ՎԱՐՉԱՊԵՏ |
Ա. ՀԱՐՈՒԹՅՈՒՆՅԱՆ |