ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ

ՊԵՏԱԿԱՆ ԿՈՄԻՏԵ

Ո Ր Ո Շ ՈՒ Մ

ք.Ստեփանակերտ

ԼՂՀ ՊՊԿ որոշում է.

1. Սահմանել պարտադիր պետական ապահովագրություն ԼՂՀ Պաշտպանական բանակի բոլոր զինծառայողների նկատմամբ:

2. Ապահովել պետական ապահովագրական վճարումների կատարումը զինծառայողների զոհվելու /մահանալու/ դեպքում` տվյալ պահին ԼՂՀ տարածքում գործող օրենսդրությամբ սահմանված նվազագույն աշխատավարձի հիսնապատիկ գումարի, իսկ ԼՂՀ պաշտպանության ժամանակ մարտական գործողությունների ընթացքում զոհվելու /մահանալու/ դեպքում` նվազագույն աշխատավարձի հարյուրապատիկ գումարի չափով:

3. Պարտադիր պետական ապահովագրությունը տարածել զինվորական ծառայության ընթացքում ստացած վնասվածքների, խեղումների և առաջացած հիվանդությունների հետևանքով բժշկաաշխատանքային փորձաքննական հանձնաժողովների կողմից հաշմանդամ ճանաչված զինծառայողների վրա` աշխատունակության կորստի չափին համամասնական, ընդ որում 1-ին խմբի հաշմանդամներին` 50, 2-րդ խմբի հաշմանդամներին` 40 և 3-րդ խմբի հաշմանդամներին` 30 տոկոսային հարաբերությամբ` զոհվելու /մահանալու/ դեպքերից ապահովագրվելու համապատասխան ընդհանուր գումարների նկատմամբ:

4. Սույն որոշման իրագործման համար ղեկավարվել ՀՀ կառավարության 1994թ. փետրվարի 28-ի հ. 95 որոշմամբ սահմանված ապահովագրության և ապահովագրական գումարների վճարման կարգով և պայմաններով: