ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Հիմք ընդունելով «Լեռնային Ղարաբաղի Հանրապետության կառավարության կառուցվածքի մասին» Լեռնային Ղարաբաղի Հանրապետության օրենքում փոփոխություն կատարելու մասին» Լեռնային Ղարաբաղի Հանրապետության օրենքի (25 հունիսի, 2008 թվականի, ՀՕ-35-Ն) 2-րդ հոդվածը և ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 7-րդ և 11-րդ հոդվածներով, «Քաղաքացիական ծառայության մասին» Լեռնային Ղարաբաղի Հանրապետության օրենքի 29-րդ հոդվածով` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության մշակույթի և երիտասարդության հարցերի նախարարության աշխատակազմի պատմության և մշակութային հուշարձանների ուսումնասիրման և պահպանման բաժինը միացման ձևով վերակազմակերպել Լեռնային Ղարաբաղի Հանրապետության կառավարությանն առընթեր զբոսաշրջության վարչության կազմում գործող պատմամշակութային հուշարձանների ուսումնասիրման և պահպանման բաժնի` հիմնարկի կառուցվածքային ստորաբաժանման կարգավիճակով:

2. Լեռնային Ղարաբաղի Հանրապետության կառավարության 2007 թվականի հոկտեմբերի 23-ի «Լեռնային Ղարաբաղի Հանրապետության մշակույթի և երիտասարդության հարցերի նախարարության կանոնադրությունը և աշխատակազմի կառուցվածքը, գույքի կազմն ու չափը հաստատելու մասին» թիվ 440 որոշման թիվ 2 հավելվածից հանել «-Պատմության և մշակութային հուշարձանների ուսումնասիրման և պահպանման բաժին» պարբերությունը:

3. Որոշման թիվ 1 հավելվածով հաստատված կանոնադրության մեջ կատարել հետևյալ փոփոխությունները`

1) 1-ին կետից հանել «հուշարձանների պահպանության և ուսումնասիրման» բառերը.

2) 7-րդ կետի «ա» ենթակետից հանել «ու հուշարձանների պահպանության» բառերը.

3) 8-րդ կետում`

ա. «դ», «ե» և «ժթ» ենթակետերից հանել «թանգարանային» բառը.

բ. «է» և «ը» ենթակետերից հանել «թանգարաններում» բառը.

գ. «ը» ենթակետից հանել «թանգարանային առարկաներին և թանգարանային հավաքածուներին,» բառերը.

դ. հանել «ժա-ժե» ենթակետերը:

4. Լեռնային Ղարաբաղի Հանրապետության մշակույթի և երիտասարդության հարցերի նախարարին և Լեռնային Ղարաբաղի Հանրապետության կառավարությանն առընթեր զբոսաշրջության վարչության պետին` ապահովել սույն որոշման 1-ին կետով վերակազմակերպված Լեռնային Ղարաբաղի Հանրապետության մշակույթի և երիտասարդության հարցերի նախարարության աշխատակազմի պատմության և մշակութային հուշարձանների ուսումնասիրման և պահպանման բաժնի աշխատողների` օրենքով սահմանված իրավունքներն ու երաշխիքները:

5. Լեռնային Ղարաբաղի Հանրապետության ֆինանսների նախարարին` սույն որոշման 4-րդ կետում նշված աշխատանքներն ավարտելուց հետո 10-օրյա ժամկետում Լեռնային Ղարաբաղի Հանրապետության կառավարություն առաջարկություն ներկայացնել Լեռնային Ղարաբաղի Հանրապետության պետական բյուջեում սույն որոշումից բխող վերաբաշխումներ կատարելու վերաբերյալ:

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: