ք. Ստեփանակերտ

Ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 11-րդ հոդվածի 1-ին մասի «ժգ» ենթակետով` ո ր ո շ ո ւ մ եմ`

Հաստատել`

ա) «Լեռնային Ղարաբաղի Հանրապետության վերաքննիչ դատարանի աշխատակազմ «Լեռնային Ղարաբաղի Հանրապետության դատական դեպարտամենտ» պետական կառավարչական հիմնարկի առանձնացված ստորաբաժանման կանոնադրությունը` համաձայն հավելված 1-ի.

բ) «Լեռնային Ղարաբաղի Հանրապետության վերաքննիչ դատարանի աշխատակազմ «Լեռնային Ղարաբաղի Հանրապետության դատական դեպարտամենտ» պետական կառավարչական հիմնարկի առանձնացված ստորաբաժանման կառուցվածքը` համաձայն հավելված 2-ի:

Կ Ա Ն Ո Ն Ա Դ Ր ՈՒ Թ Յ ՈՒ Ն

1. Լեռնային Ղարաբաղի Հանրապետության վերաքննիչ դատարանի աշխատակազմը (այսուհետ` Աշխատակազմ) «Լեռնային Ղարաբաղի Հանրապետության դատական դեպարտամենտ» պետական կառավարչական հիմնարկի առանձնացված ստորաբաժանում է, որն իր լիազորությունների շրջանակներում ապահովում է Լեռնային Ղարաբաղի Հանրապետության Սահմանադրությամբ, միջազգային պայմանագրերով, օրենքներով և իրավական այլ ակտերով Լեռնային Ղարաբաղի Հանրապետության վերաքննիչ դատարանին (այսուհետ` Դատարան) վերապահված լիազորությունների լիարժեք ու արդյունավետ իրականացումը և քաղաքացիական իրավահարաբերություններին նրա մասնակցությունը:

2. Աշխատակազմն իրավունք ունի իրականացնել միայն այնպիսի գործունեություն, որը նպատակաուղղված է Դատարանի լիազորությունները լիարժեք և արդյունավետ իրականացնելուն, ինչպես նաև քաղաքացիական իրավահարաբերություններին նրա մասնակցությունն ապահովելուն:

3. Աշխատակազմի իրավական վիճակն ու գործունեության կարգը սահմանվում է Լեռնային Ղարաբաղի Հանրապետության օրենքներով, սույն կանոնադրությամբ, հիմնադրի որոշումներով (հրամաններով) և այլ իրավական ակտերով:

4. Աշխատակազմը չի կարող իրականացնել ձեռնարկատիրական գործունեություն: Աշխատակազմի կատարած գործառնությունների և մատուցած ծառայությունների համար կարող է գանձվել միայն պետական տուրք` օրենքով սահմանված չափով և կարգով:

5. Աշխատակազմն ունի Լեռնային Ղարաբաղի Հանրապետության զինանշանի պատկերով և իր հայերեն անվանմամբ կլոր կնիք: Աշխատակազմն ունի Լեռնային Ղարաբաղի Հանրապետության դատարանների նախագահների խորհրդի կողմից հաստատված ձևաթղթեր և անհատականացման այլ միջոցներ:

6. ՙԱշխատակազմի անվանում է` ՙԼեռնային Ղարաբաղի Հանրապետության վերաքննիչ դատարանի աշխատակազմ ՙԼեռնային Ղարաբաղի Հանրապետության դատական դեպարտամենտ՚ պետական կառավարչական հիմնարկի առանձնացված ստորաբաժանում:

7. Աշխատակազմի գտնվելու վայրն է Լեռնային Ղարաբաղի Հանրապետություն, ք. Ստեփանակերտ, Դավիթ Բեկ 40:

8. Աշխատակազմն իր խնդիրների իրականացման համար կառուցվածքային ստորաբաժանման և պաշտոնատար անձանց միջոցով իրականացնում է հետևյալ գործառույթները.

ա) ապահովում է Լեռնային Ղարաբաղի Հանրապետության Սահմանադրությամբ, միջազգային պայմանագրերով, օրենքներով, Լեռնային Ղարաբաղի Հանրապետության դատական դեպարտամենտի (այսուհետ` Դեպարտամենտ) կանոնադրությամբ և սույն կանոնադրությամբ Դատարանին վերապահված լիազորությունների լիարժեք և արդյունավետ իրականացումը, ինչպես նաև քաղաքացիական իրավահարաբերություններին նրանց մասնակցությունը.

բ) սահմանված կարգով վարում է տեխնիկական սպասարկում իրականացնող աշխատակիցների անձնական գործերը.

գ) տնօրինում է Դատարանի, Աշխատակազմի գործունեության արդյունքում ձևավորված տեղեկատվությունը.

դ) օժանդակում է դատական պրակտիկայի ամփոփման աշխատանքներին, վարում դատական վիճակագրություն.

ե) իրականացնում է օրենքով և իրավական այլ ակտերով իրեն վերապահված այլ գործառույթներ:

9. Աշխատակազմը կառավարում են Լեռնային Ղարաբաղի Հանրապետության դատարանների նախագահների խորհուրդը և հիմնադիրը` օրենքով և իրավական այլ ակտերով իրենց վերապահված լիազորությունների սահմաններում:

10. Աշխատակազմի գործունեության նկատմամբ վերահսկողությունն իրականացնում է Դատարանի նախագահը, իսկ դատական ծառայության իրականացման նկատմամբ հսկողությունն իրականացնում է Դեպարտամենտի ղեկավարը:

11. Աշխատակազմի անմիջական ղեկավարումն իրականացնում է Աշխատակազմի ղեկավարը:

12. Աշխատակազմի ղեկավարը`

ա) իրեն վերապահված լիազորությունների սահմաններում առանց լիազորագրի հանդես է գալիս Լեռնային Ղարաբաղի Հանրապետության անունից, ներկայացնում նրա շահերը.

բ) Աշխատակազմի առանձին գործառույթներն իրականացնելու համար տալիս է լիազորագրեր.

գ) ներկայացնում է Աշխատակազմն այլ մարմինների, կազմակերպությունների և քաղաքացիների հետ հարաբերություններում.

դ) ապահովում է Աշխատակազմի բնականոն գործունեությունը.

ե) Դատարանի նախագահին և Դեպարտամենտի ղեկավարին ներկայացնում է առաջարկություններ` Աշխատակազմի գործունեության հիմնական ուղղությունների, մասնավորապես` աշխատանքային ծրագրերի մասին.

զ) պարբերաբար ուսումնասիրում է Աշխատակազմի գործունեությունը, բացահայտում հիմնախնդիրները, գնահատում կարիքները, դրանց հիման վրա մշակում համապատասխան առաջարկություններ և ներկայացնում Դատարանի նախագահին ու Դեպարտամենտի ղեկավարին.

է) ղեկավարում է Աշխատակազմի աշխատանքները.

ը) իր լիազորությունների սահմաններում արձակում է հրամաններ, տալիս պարտադիր կատարման ցուցումներ, վերահսկում և ստուգում դրանց կատարումը.

թ) Աշխատակազմի անունից ներկայացնում է հաշվետվություններ.

ժ) Դեպարտամենտի կենտրոնական մարմին է ներկայացնում Աշխատակազմի տարեկան հաշվետվությունները.

ժա) ապահովում է Աշխատակազմում դատական ծառայության արդյունավետ իրականացումը.

ժբ) Լեռնային Ղարաբաղի Հանրապետության օրենսդրության համաձայն տրամադրում է արձակուրդ Աշխատակազմի դատական ծառայողներին և տեխնիկական սպասարկում իրականացնող անձանց.

ժգ) սահմանված կարգով նշանակում և ազատում է Աշխատակազմի տեխնիկական սպասարկումն իրականացնող աշխատակիցներին.

ժդ) ապահովում է Աշխատակազմի օգտագործմանը հանձնված գույքի արդյունավետ շահագործումը.

ժե) Դեպարտամենտի կենտրոնական մարմնին ներկայացնում է բյուջետային հայտ.

ժզ) Դեպարտամենտի ղեկավարին ներկայացնում է հաղորդումներ դատական կարգադրիչների և Աշխատակազմի դատական ծառայողների կողմից թույլ տրված կարգապահական, վարքագծի կանոնների խախտումների մասին, ինչպես նաև դատական կարգադրիչներին խրախուսելու մասին.

ժէ) օրենքով և այլ իրավական ակտերով սահմանված կարգով դատական ծառայության թափուր պաշտոն առաջանալու դեպքում հաղորդում է ուղարկում Դեպարտամենտի ղեկավարին.

ժը) իրականացնում է օրենքով, սույն կանոնադրությամբ և այլ իրավական ակտերով իրեն վերապահված այլ լիազորություններ և պարտականություններ:

13. Աշխատակազմի ղեկավարի բացակայության դեպքում նրան փոխարինում է պաշտոնի անձնագրով նման լիազորություն ունեցող դատական ծառայող:

14. Գրասենյակն օրենքով և իրավական այլ ակտերով սահմանված կարգով`

ա) ստանում է Դատարան ներկայացվող բոլոր փաստաթղթերը և դատական գործերը.

բ) ապահովում է փաստաթղթերի և գործերի գրանցումները և հանձնում հասցեատերերին.

գ) ստանում է Դատարանից առաքվող բոլոր փաստաթղթերը և դատական գործերը, գրանցում ու առաքում դրանք.

դ) ապահովում է Դատարանում գործավարության իրականացումը.

ե) ապահովում է փաստաթղթաշրջանառության արդյունավետ կազմակերպումը.

զ) պահպանում է փաստաթղթերը, գրասենյակում վարվող մատյանները և սահմանված կարգով ներկայացնում արխիվացման.

է) վարում է պետական տուրքի հաշվառում.

ը) կազմում է վիճակագրական հաշվետվություններ.

թ) կրում է պատասխանատվություն գործավարության իրականացման արդյունքում ստացված տեղեկատվության ամբողջականության, հավաստիության և ճշգրտության համար:

15. Դատարանի դատավորի օգնականը`

ա) դատավորի հանձնարարությամբ նախապատրաստում է անհրաժեշտ նյութեր և տեղեկատվություններ.

բ) ուսումնասիրում և վերլուծում է իրավական խնդիրներն ու հարցերը, նախապատրաստում առաջարկություններ.

գ) կազմում է դատական ակտերի, նամակագրության և այլ փաստաթղթերի նախագծեր.

դ) դատավորի կողմից քննված և քննվող գործերի շրջանակում իրականացնում է անհրաժեշտ տեղեկությունների գրանցումները, վիճակագրական հաշվառումները և պատասխանատվություն է կրում այդ տեղեկությունների ճշտության և ամբողջականության համար.

ե) կազմում է դատական ծանուցագրերը և հետևում դրանց իրականացման աշխատանքներին.

զ) դատական նիստի ավարտից հետո ստուգում է դատական նիստի արձանագրության պատշաճ կազմումը.

է) ուսումնասիրում է բողոքները, ներկայացված բոլոր փաստաթղթերը, ապացույցներն ու դրանց նկատմամբ կիրառելի իրավական ակտերը.

ը) դատավորի հանձնարարությունների կատարման հետ կապված դժվարությունների կամ մեծածավալության դեպքերում Աշխատակազմի ղեկավարի համաձայնությամբ ներգրավում է այլ դատական ծառայողների.

թ) կատարում է դատավորի այլ հանձնարարություններ.

ժ) իրականացնում է օրենքով, իրավական այլ ակտերով նախատեսված իր լիազորություններից բխող այլ գործառույթներ:

16. Դատական նիստերի քարտուղարը`

ա) ապահովում է գործավարության իրականացումը` կապված դատավորի վարույթում գտնվող դատական գործերի հետ.

բ) նիստերի ժամանակ կատարում է դատավորների հանձնարարությունները.

գ) զեկուցում է դատարանին` գործին մասնակցող անձանց և դատավարության այլ մասնակիցների` նիստին ներկա լինելու մասին.

դ) վարում է դատական նիստի արձանագրությունը պարզ թղթային կամ հատուկ համակարգչային ձայնագրման միջոցով.

ե) դատական նիստի արձանագրությունը սահմանված ժամկետում ներկայացնում է դատավորներին` ստորագրության.

զ) իրականացնում է օրենքով, իրավական այլ ակտերով նախատեսված իր լիազորություններից բխող այլ գործառույթներ:

17. Աշխատակազմն իրականացնում է Լեռնային Ղարաբաղի Հանրապետության Սահմանադրությամբ, միջազգային պայմանագրերով, օրենքներով, կանոնադրությամբ, հիմնադրի հրամաններով, Լեռնային Ղարաբաղի Հանրապետության դատարանների նախագահների խորհրդի որոշումներով, Դատարանի նախագահի հրամաններով և այլ իրավական ակտերով Աշխատակազմին վերապահված այլ գործառույթներ:

18. Աշխատակազմն իրավունք ունի Լեռնային Ղարաբաղի Հանրապետության օրենսդրությամբ և սույն կանոնադրությամբ նախատեսված դեպքերում և կարգով, իր գործունեության նպատակներին և գույքի նշանակության համապատասխան, օգտագործել իրեն հանձնված գույքը (գույքային իրավունքները):

19. Աշխատակազմի կարիքների համար գնումները կատարվում են ՙԳնումների մասին՚ Լեռնային Ղարաբաղի Հանրապետության օրենքով և այլ իրավական ակտերով սահմանված կարգով` Դեպարտամենտի կենտրոնական մարմնի կողմից:

20. Աշխատակազմի վերակազմակերպումը և գործունեության դադարումն իրականացվում են օրենքով սահմանված կարգով:

Գրասենյակ