ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ
Ո Ր Ո Շ ՈՒ Մ
П О С Т А Н О В Л Е Н И Е
|
,,25,, ՀՈՒԼԻՍԻ 1995թ. |
N 165 |
ք.Ստեփանակերտ
г.Степанакерт
ԼՂՀ կառավարության 1995թ. մարտի 14-ի թիվ 30 որոշման մեջ փոփոխություններ և լրացումներ կատարելու մասին
Լեռնային Ղարաբաղի Հանրապետության կառավարության 1995 թվականի մարտի 14-ի «Լեռնային Ղարաբաղի Հանրապետության ձեռնարկությունների պետական ռեգիստրի մասին» թիվ 30 որոշման մեջ կատարել հետևյալ փոփոխությունները և լրացումները.
1. Որոշման մեջ` 5-րդ կետի «բ» ենթակետում «չորսամսյա ժամկետում» բառերը փոխարինել «մինչև 1995 թվականի դեկտեմբերի 31-ը» բառերով:
6-րդ կետում` «չորսամսյա ժամկետում» բառերը փոխարինել «մինչև 1995 թվականի դեկտեմբերի 31-ը» բառերով:
2. Որոշմամբ հաստատված ԼՂՀ ձեռնարկությունների պետական ռեգիստրի կանոնադրության (որոշման հավելված թիվ 2) մեջ` 4-րդ կետի ,,ե,, ենթակետը շարադրել հետևյալ խմբագրությամբ.
,,ե/ պետական ռեգիստրի շրջանային ներկայացուցչություններից ձեռնարկությունների մասին ստացվող տեղեկությունների դասակարգումը, կոդավորումը և ամփոփումն ըստ ձեռնարկությունների կազմակերպական-իրավական տեսակների, սեփականության ձևերի և գործունեության բնույթի.,,:
Այդ կապակցությամբ կետի «ե», «զ», «է», և «ը» ենթակետերը համապատասխանաբար համարել «զ», «է», «ը» և «թ», ենթակետեր.
7-րդ կետը շարադրել հետևյալ խմբագրությամբ.
«7. ԼՂՀ պետռեգիստրը չունի իրավաբանական անձի կարգավիճակ, ունի իրեն անվամբ կնիք, դրոշմակնիք:».
8-րդ կետը շարադրել հետևյալ խմբագրությամբ.
«8. Պետական ռեգիստրի շրջանային ներկայացուցիչները իրենց գործունեությունը իրականացնում են ԼՂ Հանրապետության օրենսդրությամբ իրենց վերապահված լիազորությունների շրջանակներում` համագործակցելով շրջանային վարչակազմերի, ֆինանսական և իրավապահ մարմինների հետ:».
9-րդ կետը շարադրել հետևյալ խմբագրությամբ.
«9. ԼՂՀ պետռեգիստրը ղեկավարում է բաժնի պետը, որը նշանակվում է պաշտոնի և ազատվում պաշտոնից ԼՂ Հանրապետության կառավարության կողմից, որպես ԼՂ Հանրապետության տարածքում ձեռնարկությունների և անհատ ձեռներեցների պետական գրանցումն իրականացնող լիազորված պետական մարմնի ղեկավար (ԼՂՀ պետռեգիստր)` ԼՂ Հանրապետության վիճակագրության, պետական ռեգիստրի և վերլուծության պետական վարչության պետի ներկայացմամբ:»:
Այդ կապակցությամբ որոշման 8, 9, 10, 11-րդ կետերը համապատասխանաբար համարել 10, 11, 12, 13-րդ կետեր:
10-րդ կետի «գ» ենթակետը շարադրել հետևյալ խմբագրությամբ.
«գ/ ԼՂ Հանրապետության վիճակագրության, պետական ռեգիստրի և վերլուծության պետական վարչության պետի հաստատմանն է ներկայացնում շրջանային ներկայացուցիչների և բաժնի աշխատողների թեկնածությունները»:
Այդ կապակցությամբ կետի «գ» և «դ» ենթակետերը համապատասխանաբար համարել «դ» և «ե» ենթակետեր:
| ԼՂՀ վարչապետ |
Լ. ՊԵՏՐՈՍՅԱՆ |
|
ԼՂՀ կառավարության
գործերի կառավարիչ |
Ս. ԳՐԻԳՈՐՅԱՆ |