ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

Մինչև մեկ տարեկան երեխաներին մանկական սննդով ապահովելու նպատակով ԼՂՀ կառավարությունը որոշում է.

1. ԼՂՀ կառավարության 1997թ. հուլիսի 24-ի «Առանձին խմբերի երեխաներին, միայնակ մայրերին և մինչև 2 տարեկան երեխա խնամող անձանց տրվող պետական նպաստների նշանակման և վճարման կարգի մասին» թիվ 126 որոշման մեջ (ԼՂՀ կառավարության 1998թ. փետրվարի 4-ի թիվ 15 որոշման խմբագրությամբ) կատարել հետևյալ փոփոխություններն ու լրացումները.

ա) ավելացնել նոր կետ` հետևյալ բովանդակությամբ.

«4. Մինչև մեկ տարեկան երեխաներին մանկական սննդով ապահովելու համար սահմանել ամենամսյա պետական նպաստ` 1500 դրամի չափով:

Սույն կետով սահմանված նպաստը տրվում է լրացուցիչ առանձին` ի հավելումն 3-րդ կետով սահմանված նպաստների:

Մինչև 1999թ. հունվարի 1-ը ծնված երեխաներին պետական նպաստը նշանակվում և վճարվում է մինչև երեխայի մեկ տարին լրանալը մնացած ամիսների համար:».

բ) 5-րդ և 6-րդ կետերի «2-րդ» բառից հետո ավելացնել «և 4-րդ» բառերը.

գ) 6-րդ կետի «ԼՂՀ էկոնոմիկայի և ֆինանսների նախարարությանը» բառերը փոխարինել «ԼՂՀ ֆինանսների նախարարությանը» բառերով.

դ) որոշման 4-րդ, 5-րդ, 6-րդ, 7-րդ, 8-րդ կետերը համարել համապատասխանաբար` 5-րդ, 6-րդ, 7-րդ, 8-րդ, 9-րդ:

2. Որոշմամբ հաստատված կարգում կատարել հետևյալ փոփոխություններն ու լրացումները.

ա) երկրորդ բաժնի 7-րդ կետում ավելացնել նոր ենթակետ` հետևյալ բովանդակությամբ.

«ա) մինչև մեկ տարեկան երեխաների համար`

դիմում

երեխայի ծննդյան վկայականի պատճենը

տեղեկանք նպաստառուի բնակության վայրից:»

բ) երկրորդ բաժնի 7-րդ կետի «ա», «բ» և «գ» ենթակետերը համարել համապատասխանաբար` «բ», «գ» և «դ»:

3. Սույն որոշումն ուժի մեջ է մտնում 1999թ. հունվարի 1-ից: