ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2002 թվականի

հունիսի 20-ին

«ԴԱՏԱՎՈՐԻ ԿԱՐԳԱՎԻՃԱԿԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Դատավորի կարգավիճակի մասին» Լեռնային Ղարաբաղի Հանրապետության օրենքի (այսուհետ՝ օրենք) 16-րդ հոդվածի 2-րդ մասը շարադրել հետևյալ խմբագրությամբ.

«Առաջին ատյանի դատարանի դատավորի աշխատավարձը չի կարող պակաս լինել առաջին ատյանի դատարանի նախագահի աշխատավարձից ավելի, քան տասը տոկոսով:»:

Հոդված 2. Օրենքի 18-րդ հոդվածի 1-ին մասը լրացնել հետևյալ նախադասությամբ.

«Այդ իրավունքը վերապահվում է նաև նախկինում կենսաթոշակի անցած դատավորներին:»:

Հոդված 3. Օրենքի 24-րդ հոդվածում «միջոցառումները» բառը փոխարինել «միջոցները» բառով:

Հոդված 4. Օրենքի 29-րդ հոդվածը հանել:

Հոդված 5. Օրենքի 32-րդ հոդվածի՝

ա)1-ին մասը շարադրել հետևյալ խմբագրությամբ.

«Դատավորի կարգապահական հարցը քննելիս դատական մագիստրատուրայի խորհուրդը կարող է դատավորի նկատմամբ կիրառել հետևյալ կարգապահական տույժերը՝

1) դիտողություն.

2) նկատողություն.

3) խիստ նկատողություն:».

բ) 3-րդ մասում «կարճում է» բառից հետո ավելացնել «նաև» բառը:

Հոդված 6. Օրենքի 35-րդ հոդվածի 1-ին մասը շարադրել հետևյալ խմբագրությամբ.

«Որակավորման դասերը, որպես կանոն, շնորհվում են՝

1) բարձրագույն որակավորման դասը, առաջին, երկրորդ և երրորդ որակավորման դասերը՝ Լեռնային Ղարաբաղի Հանրապետության գերագույն դատարանի դատավորներին.

2) չորրորդ և հինգերորդ որակավորման դասերը՝ Լեռնային Ղարաբաղի Հանրապետության առաջին ատյանի դատարանի դատավորներին:»:

Հոդված 7. Սույն օրենքն ուժի մեջ է մտնում հրապարակման պահից: