ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՐՏԻ 16-Ի ԹԻՎ 85 ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը՝ Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2004 թվականի մարտի 16-ի «Լեռնային Ղարաբաղի Հանրապետությունում սոցիալական ապահովության քարտերի համակարգ ներդնելու մասին» թիվ 85 որոշման մեջ կատարել հետևյալ լրացումները`

ա. որոշման 2-րդ կետը լրացնել հետևյալ բովանդակությամբ նոր` «է» ենթակետով.

«է) սոցիալական քարտ չունենալու մասին տեղեկանքի տրամադրման կարգը` համաձայն թիվ 7 հավելվածի:».

բ. որոշումը լրացնել նոր` թիվ 7 հավելվածով` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

1. Սույն կարգով սահմանվում է սոցիալական քարտից հրաժարվող Լեռնային Ղարաբաղի Հանրապետության քաղաքացիներին, Լեռնային Ղարաբաղի Հանրապետությունում բնակության իրավունք ունեցող և բնակվող օտարերկրյա քաղաքացիներին, քաղաքացիություն չունեցող անձանց ու փախստականի կարգավիճակ ունեցող անձանց (այսուհետ՝ քաղաքացիներ) սոցիալական քարտ չունենալու մասին տեղեկանքի (այսուհետ՝ տեղեկանք, ձև N 1) տրամադրման կարգը:

2. Տեղեկանքի տրամադրումն իրականացնում է Լեռնային Ղարաբաղի Հանրապետության սոցիալական ապահովության նախարարությունը (այսուհետ՝ նախարարություն):

3. Տեղեկանք ստանալու համար քաղաքացին անձամբ կամ փոստային ծառայության միջոցով դիմում (ձև N 2) է ներկայացնում նախարարություն, դիմումին կցելով`

1) Լեռնային Ղարաբաղի Հանրապետության մինչև 16 տարեկան քաղաքացիների համար` ծննդյան վկայականի պատճենը, իսկ 16 տարին լրացած քաղաքացիների համար` անձնագրի պատճենը,

2) օտարերկրյա քաղաքացիների և քաղաքացիություն չունեցող անձանց համար` Լեռնային Ղարաբաղի Հանրապետությունում կացության կարգավիճակը հավաստող փաստաթղթի պատճենը,

3) Լեռնային Ղարաբաղի Հանրապետությունում բնակվելու իրավունք ունեցող և բնակվող, սակայն կացության կարգավիճակ չունեցող օտարերկրյա քաղաքացիների համար՝ անձնագրի կամ ծննդյան վկայականի պատճենը և դրանց` նոտարական կարգով վավերացված թարգմանությունը,

4) փախստականի կարգավիճակ ունեցողների համար` փախստականի վկայականի պատճենը:

4. Դիմումն ստորագրում է անձամբ քաղաքացին:

5. Մինչև 16 տարեկան քաղաքացու համար ներկայացված դիմումն ստորագրում է նրա ծնողը (որդեգրողը) կամ օրինական ներկայացուցիչը (խնամակալը, հոգաբարձուն): Դատարանի վճռով անգործունակ կամ սահմանափակ գործունակ ճանաչված քաղաքացու համար դիմումն ստորագրում է նրա խնամակալը կամ հոգաբարձուն:

6. Ներկայացված տվյալները համադրվում են պետական կառավարման մարմիններից ստացված` անձնագրերի և ծննդյան վկայականների տվյալների հիման վրա ձևավորված` տեղեկատվական բազայի ու սոցիալական քարտերի տեղեկատվական բազայում կուտակված տվյալների հետ, և քաղաքացուն հատկացվում է տեղեկանքը կամ մերժվում է` քաղաքացուն տեղեկանք հատկացնելը:

7. Քաղաքացուն տեղեկանք հատկացնելը մերժվում է, եթե`

1) քաղաքացուն հատկացվել է սոցիալական քարտ և քաղաքացին չի դիմել դրանից հրաժարվելու համար.

2) դիմումը թերի է լրացված.

3) դիմումին կցված չէ դիմումատուի` սույն կարգի 2-րդ կետով նշված փաստաթղթի պատճենը.

4) դիմումում նշված գործառնության համար, Լեռնային Ղարաբաղի Հանրապետության օրենսդրության համաձայն, կիրառելի չէ տեղեկանքը:

8. Քաղաքացուն տեղեկանքի տրամադրումը մերժելու դեպքում դրա մասին գրավոր տեղեկացվում է նրան` նշելով մերժման պատճառը:

9. Կնքված տեղեկանքը կամ մերժման մասին պատասխանը տրվում է քաղաքացուն կամ նրան է ուղարկվում փոստային ծառայության միջոցով` պատվիրված նամակով:

Տրվում է քաղաքացի _______________________________________________________________

                                                                     (քաղաքացու անունը, ազգանունը)

_______________________________________________ առ այն, որ նա չունի սոցիալական քարտ:  

(ծննդյան օրը, ամիսը, տարին, ԱՀՓ-ի սերիան ու համարը)

Տեղեկանքը տրվում է _______________________________________________________________

                                                          (նշվում է գործառնության անվանումը` ըստ դիմումի)

ԼՂՀ սոցիալական ապահովության նախարար ____________________________________________

                                                                                           (ստորագրությունը, ազգանունը)

                                                                                                                                               Կ.Տ.

__________________________________________________________________________________

                                                          Կիրառելի է միայն բնօրինակը

  Դիմում

Խնդրում եմ ինձ հատկացնել տեղեկանք` սոցիալական քարտ չունենալու մասին:

Տեղեկանքն անհրաժեշտ է`