ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

Լեռնային Ղարաբաղի Հանրապետության գործադիր իշխանության հանրապետական և տարածքային մարմինների ղեկավար աշխատողների պաշտոնում նշանակման և պաշտոնից ազատման գործընթացը կանոնակարգելու, այն գործող օրենսդրության պահանջներին համապատասխանեցնելու նպատակով Լեռնային Ղարաբաղի Հանրապետության կառավարությունը որոշում է.

1. Հաստատել Լեռնային Ղարաբաղի Հանրապետության գործադիր իշխանության հանրապետական և տարածքային մարմինների` ղեկավար աշխատողների անվանացուցակը (կցվում է):

2. Սահմանել, որ անվանացուցակում նշված ղեկավար աշխատողներին պաշտոնում նշանակման ներկայացնելիս համապատասխան գրությանը կցվում է թեկնածուի կենսագրական հիմնական տեղեկությունները, իսկ նշանակումից հետո` նրա անձնական գործը:

3. Ուժը կորցրած ճանաչել ԼՂՀ կառավարության 1995 թվականի մարտի 2-ի ‹‹ԼՂՀ կառավարության աշխատակազմի կառուցվածքային ստորաբաժանումների ղեկավարների, ԼՂՀ նախարարների և ԼՂՀ պետական վարչությունների պետերի տեղակալների, ԼՂՀ գերատեսչությունների և հանրապետական ենթակայության ձեռնարկությունների, հիմնարկների և կազմակերպությունների ղեկավարների պաշտոնում նշանակման և պաշտոնից ազատման կարգի մասին›› թիվ 6 որոշումը (ԼՂՀ կառավարության 1995 թվականի հունիսի 20-ի թիվ 115 որոշման խմբագրությամբ):

Անվանացուցակ

1. Լեռնային Ղարաբաղի Հանրապետության կառավարության կողմից նշանակվող.

- ԼՂՀ շրջանի վարչակազմի ղեկավար.

- ԼՂՀ նախարարի (բացառությամբ` ԼՂՀ պաշտպանության նախարարի), ԼՂՀ պետական վարչության պետի տեղակալ:

2. Լեռնային Ղարաբաղի Հանրապետության վարչապետի կողմից նշանակվող.

- ԼՂՀ վարչության, գերատեսչության ղեկավար.

- ԼՂՀ հանրապետական ենթակայության ձեռնարկության, հիմնարկի և կազմակերպության ղեկավար.

- ԼՂՀ կառավարության աշխատակազմի ղեկավարի տեղակալ, հիմնական բաժնի վարիչ, ծառայության պետ: