ք.Ստեփանակերտ

Համաձայն «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի և «Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի 13-րդ հոդվածի 2-րդ մասի «դ» կետի` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2003 թվականի օգոստոսի 26-ի «Ստեփանակերտի տուն-ինտերնատ» պետական ոչ առևտրային կազմակերպություն ստեղծելու մասին» N 248 որոշման մեջ կատարել հետևյալ լրացումները և փոփոխությունը.

1) որոշման 4-րդ կետի «ա)» ենթակետը լրացնել հետևյալ բովանդակությամբ` նոր պարբերությամբ.

«-կյանքի դժվարին իրավիճակում հայտնված անձանց ժամանակավոր օթևանի տրամադրումը.».

2) որոշման հավելվածի 2.1. կետը լրացնել հետևյալ բովանդակությամբ` «գ» ենթակետով.

«գ) ժամանակավոր օթևանի տրամադրում 18 տարին լրացած` մշտական կամ ժամանակավոր կամ փաստացի բնակության վայր չունեցող անօթևան, ինչպես նաև ընտանիքում բռնության ենթարկված կամ թրաֆիքինգի հետևանքով կյանքի դժվարին իրավիճակում հայտնված անձանց, իսկ անհրաժեշտության դեպքում` նաև բռնության ենթարկված անձի երեխային:».

3) որոշման հավելվածի 2.2. կետն ուժը կորցրած ճանաչել:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: