ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2005 թվականի հոկտեմբերի 11-ի «Անվան փոխման կարգն ու պայմանները հաsտատելու մաuին» N 400 որոշման հավելվածում կատարել հետևյալ փոփոխությունները և լրացումները`

1) 6-րդ կետի «գ», «է» և «ը» ենթակետերն ուժը կորցրած ճանաչել,

2) 6-րդ կետի «դ» ենթակետը «մասին» բառից հետո լրացնել «, եթե անձնագրում բացակայում է հաշվառման մասին նշումը» բառերը,

3) 9-րդ կետը լրացնել հետևյալ բովանդակությամբ նոր` «թ» ենթակետով.

«թ) եթե անձը փաստացի կրում է իր ծննդյան գրանցման մեջ նշված անունից տարբերվող անուն:».

4) 19-րդ կետից հանել «, ինչպես նաև, եթե անձը այն փոխում է երկրորդ անգամ, բացառությամբ 16 տարին չլրացած անձի անվան փոխումը» բառերը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: