ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք. Ստեփանակերտ

«Ճանապարհային երթևեկության անվտանգության ապահովման մասին» Լեռնային Ղարաբաղի Հանրապետության օրենքի 9-րդ հոդվածի «իէ» կետին համապատասխան` Լեռնային Ղարաբաղի Հանրապետության կառավարությունը որոշում է.

1. Սահմանել՝

1) Լեռնային Ղարաբաղի Հանրապետության բնակավայրերի` բեռնատար ավտոմոբիլների երթևեկությունն արգելված փողոցներում բեռնափոխադրումների իրականացման նպատակով բեռնատար ավտոմոբիլների երթևեկությունը թույլատրող ժամանակավոր թույլտվության տրման կարգը` համաձայն N 1 հավելվածի.

2) Լեռնային Ղարաբաղի Հանրապետության բնակավայրերի` բեռնատար ավտոմոբիլների երթևեկությունն արգելված փողոցներում բեռնափոխադրումների իրականացման նպատակով բեռնատար ավտոմոբիլների երթևեկությունը թույլատրող ժամանակավոր թույլտվության ձևը` համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Սույն կարգով սահմանվում է Լեռնային Ղարաբաղի Հանրապետության բնակավայրերի` բեռնատար ավտոմոբիլների երթևեկությունն արգելված փողոցներում բեռնափոխադրումների իրականացման նպատակով բեռնատար ավտոմոբիլների երթևեկությունը թույլատրող ժամանակավոր թույլտվության (այսուհետ` ժամանակավոր թույլտվություն) տրման ընթացակարգը:

2. Ժամանակավոր թույլտվություն ստանալու համար ավտոմոբիլի սեփականատերը (լիազորված անձը) Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության «Ճանապարհային ոստիկանություն» ծառայություն (այսուհետ` Ճանապարհային ոստիկանություն) է ներկայացնում դիմում, որում նշվում է սեփականատիրոջ ազգանունը, անունը, հայրանունը, ավտոմոբիլի մակնիշը, հաշվառման համարանիշը, բեռնափոխադրում իրականացնելու նպատակը, ժամկետը, վայրը` սկիզբնակետն ու վերջնակետը, երթուղին, ինչպես նաև ժամանակավոր թույլտվություն ստանալը հիմնավորող այլ տեղեկություններ:

3. Դիմումին կից ներկայացվում են ավտոմոբիլի հաշվառման վկայագրի պատճենը, ինչպես նաև այլ փաստաթղթեր (եթե այդպիսիք առկա են), որոնք հիմնավորում են բեռնատար ավտոմոբիլների երթևեկությունն արգելված փողոցներում բեռնափոխադրում իրականացնելու անհրաժեշտությունը:

4. Պահանջվող տեղեկությունները կամ փաստաթղթերը թերի ներկայացնելու դեպքում անձին տրվում է 5-օրյա ժամկետ` փաստաթղթերն ամբողջությամբ ներկայացնելու համար:

5. Դիմումն ստանալու օրվանից 5 աշխատանքային օրվա ընթացքում Ճանապարհային ոստիկանությունը կատարում է հետևյալ գործողություններից որևէ մեկը`

1) տալիս է ժամանակավոր թույլտվություն.

2) կայացնում է որոշում ժամանակավոր թույլտվություն տալը մերժելու մասին:

6. Եթե դիմողի առաջարկած երթուղով կամ ժամանակահատվածում բեռնափոխադրում իրականացնելու ժամանակավոր թույլտվություն տալը հնարավոր չէ, ապա Ճանապարհային ոստիկանությունը այդ մասին տեղեկացնում է դիմողին` նրան առաջարկելով նոր երթուղի կամ այլ ժամանակահատված:

7. Ժամանակավոր թույլտվություն տալը մերժվում է, եթե`

1) բեռնափոխադրման ժամանակ կարող է վտանգվել ճանապարհային երթևեկության մասնակիցների կյանքն ու առողջությունը կամ ճանապարհային երթևեկությունը.

2) անձը սույն կարգով սահմանված ժամկետում չի ներկայացնում կամ թերի է ներկայացնում պահանջվող տեղեկությունները կամ փաստաթղթերը.

3) դիմողի առաջարկած երթուղով կամ ժամանակահատվածում բեռնափոխադրում իրականացնելու ժամանակավոր թույլտվություն տալը հնարավոր չէ, և նա հրաժարվում է Ճանապարհային ոստիկանության կողմից առաջարկված նոր երթուղով կամ այլ ժամանակահատվածում փոխադրում իրականացնելու ժամանակավոր թույլտվություն ստանալուց.

4) բեռնափոխադրումները կարող են իրականացվել առանց ժամանակավոր թույլտվություն ստանալու` այլ երթուղով:

8. Տրված ժամանակավոր թույլտվությունները գրանցվում են Լեռնային Ղարաբաղի Հանրապետության բնակավայրերի` բեռնատար ավտոմոբիլների երթևեկությունն արգելված փողոցներում բեռնափոխադրումների իրականացման նպատակով բեռնատար ավտոմոբիլների երթևեկության ժամանակավոր թույլտվությունների հաշվառման մատյանում:

9. Ժամանակավոր թույլտվությունը փակցվում է բեռնատար ավտոմոբիլի խցիկի դիմապակու վերևի մեջտեղի մասում:

10. Մինչև յուրաքանչյուր ամսվա 5-ը Ճանապարհային ոստիկանությունը Լեռնային Ղարաբաղի Հանրապետության համայնքներին տեղեկատվություն է տրամադրում իրենց տարածքներում երթևեկելու համար նախորդ ամսվա ընթացքում մեկ ամսից ավելի ժամկետով տրված ժամանակավոր թույլտվությունների վերաբերյալ: Եթե տեղեկատվությունը ստանալուց հետո 5-օրյա ժամկետում համայնքի ղեկավարը առարկություն չի ներկայացնում Ճանապարհային ոստիկանություն, ապա ժամանակավոր թույլտվությունը համարվում է գործող, իսկ եթե ներկայացնում է առարկություն, ապա ժամանակավոր թույլտվությունը համարվում է ուժը կորցրած և Ճանապարհային ոստիկանությունը հետ է պահանջում թույլտվությունը:

11. Uույն կարգի 5-րդ կետի 2-րդ ենթակետով նախատեսված որոշման և 8-րդ կետով նախատեսված մատյանի ձևերը հաստատում է Լեռնային Ղարաբաղի Հանրապետության կառավարությանն առընթեր Լեռնային Ղարաբաղի ոստիկանության պետը:

ՁԵՎ

ՍՏԵՓԱՆԱԿԵՐՏ ՔԱՂԱՔԻ` ԲԵՌՆԱՏԱՐ ԱՎՏՈՄՈԲԻԼՆԵՐԻ ԵՐԹԵՎԵԿՈՒԹՅՈՒՆՆ ԱՐԳԵԼՎԱԾ ՓՈՂՈՑՆԵՐՈՒՄ ԲԵՌՆԱՓՈԽԱԴՐՈՒՄՆԵՐԻ ԻՐԱԿԱՆԱՑՄԱՆ ՆՊԱՏԱԿՈՎ ԲԵՌՆԱՏԱՐ ԱՎՏՈՄՈԲԻԼՆԵՐԻ ԵՐԹԵՎԵԿՈՒԹՅՈՒՆԸ ԹՈՒՅԼԱՏՐՈՂ ԺԱՄԱՆԱԿԱՎՈՐ ԹՈՒՅԼՏՎՈՒԹՅԱՆ

(ամսական, օրական)

Դիմերես

Դարձերես

Ձ ԵՎ

(տարեկան)

Դիմերես

Դարձերես

ՁԵՎ

(ամսական, օրական)

Դիմերես

Չափը` 220 x 155 մմ

Դարձերես

ՁԵՎ

Դիմերես

Չափը` 220 x 155 մմ

Դարձերես