ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՀՈՒԼԻՍԻ 31-Ի N 152 ԵՎ 2006 ԹՎԱԿԱՆԻ ՀՈՒԼԻՍԻ 31-Ի N 400 ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2000 թվականի հուլիսի 31-ի «ԼՂՀ տարածք ներմուծվող և արտահանվող ապրանքանյութական արժեքների հաշվառման միջոցառումների մասին» N 152 որոշման 1-ին կետում «և Գետավան-Վարդենիս-Քարվաճառ խաչմերուկ (կամրջի մոտ)» բառերը փոխարինել «, Գետավան-Վարդենիս-Քարվաճառ խաչմերուկ (կամրջի մոտ) և Սանասար-Խնձորեսկ ճանապարհահատված» բառերով:

2. Լեռնային Ղարաբաղի Հանրապետության կառավարության 2006 թվականի հուլիսի 31-ի «Հարկային մարմնի կողմից հարկ վճարողների (ապահովադիրների) վերաբերյալ տվյալների հրապարակման կարգը հաստատելու մասին» N 400 որոշմամբ հաստատված N 1 հավելվածի 2-րդ կետի «բ» ենթակետում «(չվճարված հարկի գումար)» բառերը փոխարինել «(չվճարված հարկերի, տուրքերի և այլ պարտադիր վճարների գումար)» բառերով:

3. Սույն որոշումն ուժի մեջ է մտնում 2012 թվականի ապրիլի 2-ից: