ք. Ստեփանակերտ

ՈՍՏԻԿԱՆՈՒԹՅԱՆ ԾԱՌԱՅՈՂԻՆ ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ՀԱՇՎԵՑՈՒՑԱԿԱՅԻՆ ԶԵՆՔ ԵՎ ՌԱԶՄԱՄԹԵՐՔ ՀԱՏԿԱՑՆԵԼՈՒ, ԻՆՉՊԵՍ ՆԱԵՎ ՀԱՏԿԱՑՎԱԾ ԶԵՆՔԸ ՊԱՀԵԼՈՒ ԵՎ ԿՐԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

«Ոստիկանության մասին» Լեռնային Ղարաբաղի Հանրապետության օրենքի 32-րդ հոդվածի 6-րդ մասին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Սահմանել ոստիկանության ծառայողին պահելու և կրելու իրավունքով հաշվեցուցակային զենք և ռազմամթերք հատկացնելու, ինչպես նաև հատկացված զենքը պահելու և կրելու կարգը` համաձայն հավելվածի։

2. Սույն որոշումն ուժի մեջ է մտնում պաշտոնական հրապարակմանը հաջորդող oրվանից։

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության (այսուհետ` ոստիկանություն) ծառայողներին (այսուհետ` ծառայող) պահելու և կրելու իրավունքով հաշվեցուցակային զենք և ռազմամթերք (այսուհետ` զենք) հատկացնելու, ինչպես նաև հատկացված զենքը պահելու, կրելու և հանձնելու հետ կապված հարաբերությունները:

2. Ծառայողին պահելու և կրելու իրավունքով հատկացվում է ոստիկանության սպառազինության մեջ ընդգրկված հաշվեցուցակային ատրճանակ:

3. Ծառայողին հատկացվող զենքի հետ միասին տրվում են համապատասխան հարմարանքներ` զենքը բացահայտ կամ քողարկված կրելու համար, ինչպես նաև զենքի խնամքի համար նախատեսված պարագաներ:

4. Ոստիկանության բարձրագույն և գլխավոր խմբերի պաշտոններ զբաղեցնող ծառայողներին` պահելու և կրելու իրավունքով զենք հատկացվում է նրանց պաշտոնի նշանակելու պահից:

5. Ոստիկանության կենտրոնական ապարատի (բացառությամբ քրեակատարողական վարչության ծառայողների) և պետական պահպանության վարչության (այսուհետ` ոստիկանության կենտրոնական ապարատ) ավագ, միջին և կրտսեր խմբերի պաշտոններ զբաղեցնող ծառայողներին` պահելու և կրելու իրավունքով զենք հատկացնելու իրավունքը վերապահվում է ոստիկանության պետին, իսկ ոստիկանության քրեակատարողական վարչության և տարածքային ստորաբաժանումների ավագ, միջին և կրտսեր խմբերի պաշտոններ զբաղեցնող ծառայողներին` քրեակատարողական վարչության և տարածքային ստորաբաժանումների պետերին:

6. Պահելու և կրելու իրավունքով հատկացված զենքը ծառայողի կողմից գործադրվում (կիրառվում) և օգտագործվում է «Ոստիկանության մասին» Լեռնային Ղարաբաղի Հանրապետության օրենքով սահմանված դեպքերում և կարգով:

II. ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ԶԵՆՔ ՀԱՏԿԱՑՆԵԼՈՒ ՊԱՅՄԱՆՆԵՐԸ

7. Պահելու և կրելու իրավունքով զենք հատկացվում է ոստիկանության ուսումնական հաստատությունն ավարտած ծառայողներին և հատուկ պատրաստություն կամ վերապատրաստում անցած` ոստիկանության ավագ, միջին և կրտսեր խմբերի պաշտոններ զբաղեցնող այն ծառայողներին, ովքեր հանձնել են սույն կարգի 11-րդ կետով նախատեսված ստուգարքը:

8. Ստուգարքներն ընդունվում են ոստիկանության, ոստիկանության քրեակատարողական վարչության և տարածքային ստորաբաժանումների (այսուհետ` ստորաբաժանումներ) պետերի հրամանով ստեղծված մշտական գործող հանձնաժողովի (այսուհետ` հանձնաժողով) կողմից:

9. Հանձնաժողովի կազմում ընդգրկվում են`

1) հանձնաժողովի նախագահը (ոստիկանության կենտրոնական ապարատում` ոստիկանության շտաբի պետը, քրեակատարողական վարչությունում և տարածքային ստորաբաժանումներում` քրեակատարողական վարչության և տարածքային ստորաբաժանումների պետերի տեղակալները).

2) հանձնաժողովի նախագահի տեղակալը.

3) հանձնաժողովի անդամները.

4) հանձնաժողովի քարտուղարը:

10. Հանձնաժողովի կազմում, որպես հանձնաժողովի նախագահի տեղակալ և անդամներ, կարող են ընդգրկվել տվյալ ստորաբաժանման ծառայությունների պետեր, սպառազինության համար պատասխանատու և այլ ծառայողներ:

11. Պահելու և կրելու իրավունքով զենք հատկացնելու համար ստուգարքն ընդունվում է` պարզելու ծառայողի`

1) զենքի նյութական մասի, մարտավարատեխնիկական բնութագրի, ինչպես նաև զենքի հետ վարվելու անվտանգության կանոնների իմացությունը.

2) զենքի գործադրման (կիրառման) և օգտագործման իրավական հիմքերը կանոնակարգող` Լեռնային Ղարաբաղի Հանրապետության օրենսդրական և այլ իրավական ակտերի իմացությունը.

3) կրակային պատրաստության հրաձգության ստուգարքային գործնական վարժության կատարման ունակությունը:

III. ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ԶԵՆՔ ՀԱՏԿԱՑՆԵԼՈՒ ԿԱՐԳԸ

12. Ոստիկանության ավագ, միջին և կրտսեր խմբերի պաշտոններ զբաղեցնող ծառայողներից պահելու և կրելու իրավունքով զենք հատկացնելու համար ստուգարքն ընդունելու հիմք է հանդիսանում ծառայողի զեկուցագիրը` համաձայն N 1 ձևի, ուղղված ստորաբաժանման պետին` իր անմիջական պետի միջնորդությամբ:

13. Հանձնաժողովի եզրակացությունը, համաձայն N 3 ձևի, հիմք է հանդիսանում ստուգարքը հանձնած ծառայողին պահելու և կրելու իրավունքով զենք հատկացնելու համար: Հանձնաժողովի եզրակացությունը գրանցվում է հաշվեցուցակային զենք հատկացնելու թույլտվությունների հաշվառման մատյանում` համաձայն N 2 ձևի, որից հետո ուղեկցող գրությամբ ուղարկվում է ոստիկանության կադրերի բաժին` ծառայողի անձնական գործին կցելու համար: Հատկացված զենքը հաշվառվում է ծառայողի ծառայության վայրի (ստորաբաժանման) հերթապահ մասում:

14. Հաշվեցուցակային զենք հատկացնելու թույլտվությունների հաշվառման մատյանը վարում է հանձնաժողովի քարտուղարը: Այն կարվում և համարակալվում է ոստիկանության պետի հրամանով սահմանված կարգով:

15. Պետական կառավարման այլ մարմիններ գործուղված ծառայողին զենք հատկացվում է գործուղման վայրի ղեկավարի հիմնավորված միջնորդագրի հիման վրա:

16. Գործուղված ծառայողի զեկուցագիրը և հիմնավորված միջնորդագիրը քննարկման համար ուղարկվում է ծառայողի հիմնական ծառայության վայր:

17. Պետական կառավարման այլ մարմիններ գործուղված ծառայողին պահելու և կրելու իրավունքով զենքը հատկացվում է, ինչպես նաև ծառայողի կողմից զենքի պահելու և կրելու կարգի պահպանման վերահսկողությունն իրականացվում է սույն կարգի համաձայն:

IV. ԶԵՆՔԸ ՊԱՀԵԼՈՒ ԵՎ ԿՐԵԼՈՒ ԿԱՐԳԸ

18. Պահելու և կրելու կամ ծառայության ընթացքում կրելու իրավունքով զենք ստացած ծառայողը պարտավոր է սարքին, անվտանգ և մաքուր պահել ստացած զենքը:

19. Զենքի կորուստը բացառելու նպատակով այն պետք է համապատասխան ամրակապով հուսալիորեն ամրացված լինի ծառայողի հագուստին:

20. Արգելվում է ծառայողի կողմից զենք կրելն առանց համապատասխան հարմարանքների (ատրճանակի պատյան, ամրակապ, ինքնաձիգի գոտի և այլն):

21. Զենքը ծառայողի բնակության վայրում պետք է պահվի փականով ամրացված պահարանում կամ արկղում` միջոցներ ձեռնարկելով զենքին այլ անձանց հասանելիությունը բացառելու համար:

22. Քաղաքացիական հագուստ կրող ծառայողը զենքը կրում է քողարկված:

23. Ծառայողին արգելվում է մերկացնել զենքը, փոխանցել այլ անձանց կամ թողնել առանց հսկողության` բացառությամբ Լեռնային Ղարաբաղի Հանրապետության օրենսդրությամբ սահմանված դեպքերի:

24. Ծառայողի` մարտական զենքով ծառայողական գործուղման մեկնելու դեպքում գործուղման վկայականում նշվում են զենքի տեսակը, համարը, արտադրության տարեթիվը, փամփուշտների թիվը և հաստատվում տվյալ ստորաբաժանման պետի կնիքով:

25. Լեռնային Ղարաբաղի Հանրապետության տարածքից դուրս ծառայողը զենքով գործուղվում է միջպետական պայմանագրերով սահմանված դեպքերում և կարգով:

26. Լեռնային Ղարաբաղի Հանրապետության տարածքում գործուղման դեպքում` ժամանման վայրում զենքն անվտանգ պահելու հնարավորության բացակայության դեպքում գործուղված ծառայողը զենքն ի պահ է հանձնում մոտակա ոստիկանության բաժնի հերթապահ մաս:

27. Ծառայողին հատկացված զենքի, դրա տեխնիկական վիճակի, ինչպես նաև հատուկ պարագաների առկայության նկատմամբ վերահսկողությունն իրականացվում է`

1) ծառայողի անմիջական պետի կողմից` յուրաքանչյուր շաբաթը մեկ անգամ` ծառայողի ծառայության մեջ գտնվելու ժամանակ.

2) տվյալ ստորաբաժանման պետի կողմից` յուրաքանչյուր եռամսյակը մեկ անգամ.

3) համապատասխան պլան-առաջադրանքներով` ենթակա ստորաբաժանումներ գործուղված ոստիկանության կենտրոնական ապարատի սպառազինության համար պատասխանատու մարմնի (անձի) կողմից.

4) շարային ստուգատես անցկացնելու ժամանակ` ստուգատես անցկացնող անձի կողմից:

28. Այլ ստորաբաժանում տեղափոխվելու, ծառայությունից ազատվելու (պահեստազոր) դեպքերում ծառայողը պարտավոր է զենքը հանձնել ստորաբաժանման հերթապահ մաս:

29. Ծառայողն ստացիոնար բուժման, ուսման կամ արձակուրդ մեկնելիս, ինչպես նաև զենքը պահելու համար հուսալի պայմանների չապահովման դեպքում զենքը ժամանակավորապես ի պահ է հանձնում ստորաբաժանման հերթապահ մաս:

30. Ծառայողը, ստորաբաժանման պետի կարգադրությամբ, պարտավոր է զենքը հանձնել, եթե`

1) ծառայողի կողմից խախտվել են սույն կարգով նախատեսված զենքը պահելու և կրելու պայմանները.

2) ծառայողը ժամանակավորապես մեկուսացվել է ծառայողական պարտականությունների կատարումից.

3) ծառայողն ազատվել է ոստիկանությունում ծառայությունից.

4) ծառայողին արգելվել է զենք կրել` բժշկական եզրակացությամբ:

31. Ստորաբաժանման հերթապահ մաս հանձնած զենքի վերաբերյալ համապատասխան գրառում է կատարվում զենքի և հատուկ միջոցների հանձնման և ընդունման գրքում:

32. Զենքը գործադրելու և օգտագործելու, ինչպես նաև զենքը կորցնելու կամ փչացնելու դեպքերում ծառայողն անմիջապես զեկուցում է վերադասության

կարգով և ձեռնարկում Լեռնային Ղարաբաղի Հանրապետության օրենսդրությամբ նախատեսված միջոցներ:

Լեռնային Ղարաբաղի Հանրապետության կառավարությանն առընթեր

Լեռնային Ղարաբաղի Հանրապետության ոստիկանության

_____________________

^{(ստորաբաժանման անվանումը)}

 ______________________

^{(անունը, ազգանունը, կոչումը)} 

Զ Ե Կ ՈՒ Ց Ա Գ Ի Ր

Խնդրում եմ Ձեր թույլտվությունը` պահելու և կրելու իրավունքով հաշվեցուցակային զենք ստանալու համար համապատասխան տեսական և գործնական ստուգարքներ հանձնելու համար:

Զենքի նյութական մասը, պահելու և կրելու կարգը, գործադրելու (կիրառելու) և օգտագործելու իրավական հիմքերն ուսումնասիրել եմ:

Հաշվեցուցակային զենքը պահելու անվտանգության պայմաններն աշխատավայրում և բնակության վայրում ապահովում եմ:

Տեղյակ եմ զենքի անօրինական գործադրման (կիրառման) կամ օգտագործման հետևանքների մասին:

________________________________________

^{(պաշտոնը, կոչումը)}

«Միջնորդում եմ

հատկացնել հաշվեցուցակային զենք»

_________________________________

Հ Ա Շ Վ Ա Ռ Մ Ա Ն  Մ Ա Տ Յ Ա Ն

ՀԱՇՎԵՑՈՒՑԱԿԱՅԻՆ ԶԵՆՔ ՀԱՏԿԱՑՆԵԼՈՒ ԹՈՒՅԼՏՎՈՒԹՅՈՒՆՆԵՐԻ

«Թույլատրում եմ

հատկացնել հաշվեցուցակային զենք»

Լեռնային Ղարաբաղի Հանրապետության կառավարությանն առընթեր

Լեռնային Ղարաբաղի Հանրապետության ոստիկանության

_______________________________

^{(ստորաբաժանման անվանումը)}

_______________________________

^{(պետի կոչումը)} 

Ե Զ Ր Ա Կ Ա Ց ՈՒ Թ Յ ՈՒ Ն N _______

Լեռնային Ղարաբաղի Հանրապետության կառավարությանն առընթեր Լեռնային Ղարաբաղի

Հանրապետության ոստիկանության ____________________________________________________

                                                                            ^{(ստորաբաժանման, ծառայության անվանումը)}

________________________________________________________________________________

                                                                                   ^{(պաշտոնը, կոչումը, անունը, ազգանունը)}

______________________________________________հաշվեցուցակային զենք հատկացնելու վերաբերյալ:

Հաշվեցուցակային զենքի նյութական մասի, մարտավարատեխնիկական բնութագրի, պահելու և կրելու անվտանգության, ինչպես նաև գործադրման (կիրառման) և օգտագործման իրավական հիմքերի վերաբերյալ ստուգարքը հանձնել է:

Հաշվեցուցակային զենքից հրաձգության ծրագրով նախատեսված N___ գործնական վարժությունը կատարել է:

Հանձնաժողովը որոշեց _________________________________________-ին հատկացնել

                                                             ^{(անունը, ազգանունը)}

հաշվեցուցակային զենք` պահելու և կրելու կամ ծառայության ընթացքում կրելու իրավունքով:

Հանձնաժողովի նախագահ ______________________________________ 

                                                              ^{(պաշտոնը, կոչումը)}

Հանձնաժողովի նախագահի տեղակալ _______________________________ 

                                                                          ^{(պաշտոնը, կոչումը)}

Հանձնաժողովի անդամներ _______________________________________ 

                                                                         ^{(պաշտոնը, կոչումը)}

Հանձնաժողովի քարտուղար ______________________________________ 

                                                                          ^{(պաշտոնը, կոչումը)}