ք.Ստեփանակերտ

Ղեկավարվելով «Լեռնային Ղարաբաղի Հանրապետության կառավարության կառուցվածքի մասին» Լեռնային Ղարաբաղի Հանրապետության օրենքով և «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 11-րդ և 18-րդ հոդվածներով, «Իրավական ակտերի մասին» Լեռնային Ղարաբաղի Հանրապետության օրենքի 73-րդ հոդվածով` Լեռնային Ղարաբաղի Հանրապետության կառավարությունը որոշում է.

1. Դադարեցնել «Լեռնային Ղարաբաղի Հանրապետության տնտեսական զարգացման նախարարության աշխատակազմ» պետական կառավարչական հիմնարկի գործունեությունը:

2. Սահմանել, որ գործունեությունը դադարեցրած «Լեռնային Ղարաբաղի Հանրապետության տնտեսական զարգացման նախարարության աշխատակազմ» պետական կառավարչական հիմնարկի քաղաքացիաիրավական իրավունքներն ու պարտականությունները փոխանցվում են Լեռնային Ղարաբաղի Հանրապետությանը` ի դեմս Լեռնային Ղարաբաղի Հանրապետության կառավարության:

3. Լեռնային Ղարաբաղի Հանրապետության կառավարության աշխատակազմի ղեկավարին, Լեռնային Ղարաբաղի Հանրապետության արտադրական ենթակառուցվածքների նախարարին, Լեռնային Ղարաբաղի Հանրապետության գյուղատնտեսության նախարարին, Լեռնային Ղարաբաղի Հանրապետության ֆինանսների և էկոնոմիկայի նախարարին, Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչության պետին` սահմանված կարգով Լեռնային Ղարաբաղի Հանրապետության կառավարություն ներկայացնել առաջարկություններ`

1) մինչև 2012 թվականի հոկտեմբերի 15-ը` համապատասխան պետական կառավարչական հիմնարկների կանոնադրություններում և կառուցվածքներում փոփոխություններ և լրացումներ կատարելու վերաբերյալ.

2) մինչև 2012 թվականի նոյեմբերի 1-ը` սույն որոշման 1-ին կետից բխող` այլ իրավական ակտերում փոփոխություններ և լրացումներ կատարելու վերաբերյալ:

4. «Լեռնային Ղարաբաղի Հանրապետության տնտեսական զարգացման նախարարության աշխատակազմ» պետական կառավարչական հիմնարկի ղեկավարին`

1) ապահովել գործունեությունը դադարեցրած «Լեռնային Ղարաբաղի Հանրապետության տնտեսական զարգացման նախարարության աշխատակազմ» պետական կառավարչական հիմնարկի աշխատողների` օրենքով սահմանված աշխատանքային իրավունքներն ու երաշխիքները.

2) Լեռնային Ղարաբաղի Հանրապետության օրենսդրությամբ սահմանված կարգով ապահովել «Լեռնային Ղարաբաղի Հանրապետության տնտեսական զարգացման նախարարության աշխատակազմ» պետական կառավարչական հիմնարկի գործունեության դադարեցմամբ պայմանավորված պետական հաշվառման աշխատանքները:

5. Լեռնային Ղարաբաղի Հանրապետության ֆինանսների և էկոնոմիկայի նախարարին` սույն որոշման 1-ին կետում նշված աշխատանքներն ավարտելուց հետո տասնօրյա ժամկետում Լեռնային Ղարաբաղի Հանրապետության կառավարություն ներկայացնել առաջարկություն Լեռնային Ղարաբաղի Հանրապետության 2012 թվականի պետական բյուջեում սույն որոշումից բխող վերաբաշխումներ կատարելու վերաբերյալ:

6. Ուժը կորցրած ճանաչել Լեռնային Ղարաբաղի Հանրապետության կառավարության 2007 թվականի հոկտեմբերի 31-ի «Լեռնային Ղարաբաղի Հանրապետության տնտեսական զարգացման նախարարության կանոնադրությունն ու աշխատակազմի կառուցվածքը, գույքի կազմը և չափը հաստատելու մասին» N 480 որոշումը:

7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: