ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2004 թվականի

 ապրիլի 14-ին

Հոդված 1. «Հեռուստատեսության և ռադիոյի մասին» Լեռնային Ղարաբաղի Հանրապետության օրենքի (այսուհետ` օրենք) 29-րդ հոդվածը լրացնել հետ ևյալ բովանդակությամբ 6-րդ մասով, ըստ այդմ էլ նախկին 6-րդ մասը համարել 7-րդ մաս.

«Խորհուրդը մշակում և Լեռնային Ղարաբաղի Հանրապետության կառավարություն է ներկայացնում Հանրային հեռուստառադիոընկերության կանոնակարգը, որը կառավարության կողմից Ազգային ժողովի քննարկմանն է ներկայացվում օրենսդրական նախաձեռնության կարգով: Ազգային ժողովը Հանրային հեռուստառադիոընկերության կանոնակարգը հաստատում է օրենքով:»:

Հոդված 2. Օրենքի 31-րդ հոդվածի 4-րդ մասը շարադրել հետևյալ խմբագրությամբ`

«Խորհրդում թափուր տեղի առկայության դեպքում Խորհրդի նախագահն այդ մասին գրավոր տեղեկացնում է Լեռնային Ղարաբաղի Հանրապետության Նախագահին, որը մեկշաբաթյա ժամկետում զանգվածային լրատվության միջոցներով հայտարարում է թափուր տեղի համալրման համար մրցույթ:

Խորհրդի անդամի թափուր տեղի համար թեկնածու կարող է առաջադրվել յուրաքանչյուր ոք՝ սույն օրենքի պահանջներին համաձայն:

Թեկնածուների առաջադրման համար սահմանվում է առնվազն 10-օրյա ժամկետ:

Թեկնածուների վերաբերյալ տվյալները հրապարակվում են զանգվածային լրատվության միջոցներով:

Լեռնային Ղարաբաղի Հանրապետության Նախագահը, իր կողմից հաստատված մրցութային կարգի համաձայն, մրցույթում հաղթողներից մեկին նշանակում է Խորհրդի անդամ: Այդ մասին տեղեկությունը` անհրաժեշտ հիմնավորմամբ, հրապարակվում է զանգվածային լրատվության միջոցներով:

Նույն անձը չի կարող ոչ ավելի, քան երկու անգամ անընդմեջ ընդգրկվել Խորհրդի կազմում:»:

Հոդված 3. Օրենքի 32-րդ հոդվածի «թ» ենթակետից հանել «հեռուստառադիոընկերության գլխավոր հաշվապահին» բառերը:

Հոդված 4. Սույն օրենքն ուժի մեջ է մտնում հրապարակման պահից: