ք. Ստեփանակերտ

Ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 11-րդ հոդվածի 1-ին կետի «բ» ենթակետով, «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածով և հիմք ընդունելով «Լեռնային Ղարաբաղի Հանրապետության կառավարության կառուցվածքի մասին» Լեռնային Ղարաբաղի Հանրապետության օրենքի 2-րդ հոդվածի 4-րդ կետը` Լեռնային Ղարաբաղի Հանրապետության կառավարությունը ո ր ո շ ու մ է.

1. «Լեռնային Ղարաբաղի Հանրապետության կառավարությանն առընթեր զբոսաշրջության վարչության աշխատակազմ» պետական կառավարչական հիմնարկը վերանվանել «Լեռնային Ղարաբաղի Հանրապետության կառավարությանն առընթեր զբոսաշրջության և պատմական միջավայրի պահպանության վարչության աշխատակազմ» պետական կառավարչական հիմնարկի:

2. Լեռնային Ղարաբաղի Հանրապետության կառավարության 2008 թվականի օգոստոսի 13-ի «Լեռնային Ղարաբաղի Հանրապետության կառավարությանն առընթեր զբոսաշրջության վարչության աշխատակազմ» պետական կառավարչական հիմնարկ ստեղծելու, Լեռնային Ղարաբաղի Հանրապետության զբոսաշրջության վարչության կանոնադրությունը և կառուցվածքը հաստատելու մասին» N 566 որոշման մեջ կատարել հետևյալ փոփոխությունները.

1) որոշման վերնագրում, տեքստում, թիվ 1, թիվ 2 հավելվածներում «Լեռնային Ղարաբաղի Հանրապետության կառավարությանն առընթեր զբոսաշրջության վարչություն» բառերը և դրա բոլոր հոլովաձևերը փոխարինել «Լեռնային Ղարաբաղի Հանրապետության կառավարությանն առընթեր զբոսաշրջության և պատմական միջավայրի պահպանության վարչություն» բառերով.

2) որոշմամբ հաստատված թիվ 1 հավելվածում`

ա. 1-ին կետից հանել «թանգարանների և թանգարանային ֆոնդի» բառերը,

բ.  ուժը կորցրած ճանաչել 7-րդ և 8-րդ կետերի 3-րդ ենթակետերը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ 2-րդ կետի 2-րդ ենթակետը` 2013 թվականի հունվարի 1-ից: