ք. Ստեփանակերտ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը և «Լեռնային Ղարաբաղի Հանրապետության կառավարության կառուցվածքի մասին» Լեռնային Ղարաբաղի Հանրապետության օրենքը` Լեռնային Ղարաբաղի Հանրապետության կառավարությունը ո ր ո շ ու մ է

1. «Լեռնային Ղարաբաղի Հանրապետության սոցիալական ապահովության նախարարության աշխատակազմ» պետական կառավարչական հիմնարկը վերանվանել «Լեռնային Ղարաբաղի Հանրապետության աշխատանքի և սոցիալական հարցերի նախարարության աշխատակազմ» պետական կառավարչական հիմնարկի:

2. Լեռնային Ղարաբաղի Հանրապետության կառավարության 2004 թվականի մարտի 16-ի «Լեռնային Ղարաբաղի Հանրապետության սոցիալական ապահովության նախարարության աշխատակազմ» պետական կառավարչական հիմնարկ ստեղծելու, Լեռնային Ղարաբաղի Հանրապետության սոցիալական ապահովության նախարարության կանոնադրությունը, նախարարության աշխատակազմի կառուցվածքը, նախարարության աշխատակազմին հանձնվող գույքի կազմը և չափը հաստատելու մասին» N 84 որոշման մեջ կատարել հետևյալ փոփոխությունները.

1) որոշման վերնագրում, տեքստում և հավելվածներում «սոցիալական ապահովության նախարարություն» բառերը համապատասխան հոլովաձևերով փոխարինել «աշխատանքի և սոցիալական հարցերի նախարարություն» բառերով, իսկ որոշման N 1 հավելվածի 9-րդ կետում «սոցիալական ապահովության» բառերը` «աշխատանքի և սոցիալական հարցերի» բառերով.

2) որոշման N 1 հավելվածի 6-րդ կետի երկրորդ պարբերությունը շարադրել հետևյալ խմբագրությամբ.

«Նախարարության համակարգում ոչ կառավարչական հիմնարկի կարգավիճակով գործում է նախարարության բժշկասոցիալական փորձաքննության կենտրոնը:».

3) ուժը կորցրած ճանաչել որոշման N 1 հավելվածի 7-րդ կետի 14-15-րդ և 8-րդ կետի 8-9-րդ ենթակետերը.

4) որոշման N 2 հավելվածից հանել «Միգրացիայի վարչություն» բառերը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ 2-րդ կետի 2-4-րդ ենթակետերը` 2013 թվականի հունվարի 1-ից: