ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ՍԵՊՏԵՄԲԵՐԻ 18-Ի N 662-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ո ւ մ է.

1. Լեռնային Ղարաբաղի Հանրապետության կառավարության 2012 թվականի սեպտեմբերի 18-ի «Նոտարի կողմից մատուցվող վճարովի ծառայությունների իրականացման կարգը և սակագները հաստատելու, Լեռնային Ղարաբաղի Հանրապետության արդարադատության նախարարության արտաբյուջետային հաշվի միջոցների օգտագործման կարգը հաստատելու և Լեռնային Ղարաբաղի Հանրապետության արդարադատության նախարարության համար արտաբյուջետային հաշիվ բացելու մասին» N 662-Ն որոշման N 3 հավելվածը լրացնել հետևյալ բովանդակությամբ նոր 4.1. կետով.

«4.1. Նոտարական գրասենյակի աշխատողի նյութական խրախուսման ամսական չափը չի կարող գերազանցել այդ աշխատողի պաշտոնային դրույքաչափը: Եթե նոտարական գրասենյակի աշխատողի` սույն կարգի 4-րդ կետով սահմանված կարգով հաշվարկված նյութական խրախուսման միջոցների ամսական չափը գերազանցում է տվյալ աշխատողի պաշտոնային դրույքաչափը, ապա դրանց տարբերությունը` գերազանցող մասով, ուղղվում է համակարգի զարգացմանը:»:

2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրվանից, իսկ դրա գործողությունը տարածվում է 2012 թվականի նոյեմբերի 1-ից հետո ծագած հարաբերությունների վրա: