ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՀՈԿՏԵՄԲԵՐԻ 23-Ի N 440 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Պետական կառավարչական հիմնարկների մասին» Լեռնային Ղարաբաղի Հանրապետության օրենքի 11-րդ և «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածներին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2007 թվականի հոկտեմբերի 23-ի «Լեռնային Ղարաբաղի Հանրապետության մշակույթի և երիտասարդության հարցերի նախարարության կանոնադրությունը և աշխատակազմի կառուցվածքը, գույքի կազմն ու չափը հաստատելու մասին» N 440 որոշման մեջ կատարել հետևյալ լրացումները և փոփոխությունները.

1) 1-ին կետի «ա» ենթակետով հաստատված N 1 հավելվածի 8-րդ կետում`

ա. «դ» ենթակետի «պետական» բառից հետո լրացնել «թանգարանային,» բառը.

բ. «ե» ենթակետի «արժեքների» բառից հետո լրացնել «թանգարանային,» բառը.

գ. «է» ենթակետի «պետական» բառից հետո լրացնել «թանգարաններում,» բառը.

դ. «ը» ենթակետի «պետական» բառից հետո լրացնել «թանգարաններում,» բառը, իսկ «սահմանում է» բառից հետո` «թանգարանային առարկաներին և թանգարանային հավաքածուներին,» բառերը.

ե. «ժթ» ենթակետի «պետական» բառից հետո լրացնել «թանգարանային,» բառը.

2) 1-ին կետի «ա» ենթակետով հաստատված N 1 հավելվածի 26-րդ կետը շարադրել հետևյալ խմբագրությամբ.

«26. Նախարարության աշխատակազմի գտնվելու վայրն է ք. Շուշի, Հախումյան փողոց, 7».

3) 1-ին կետի «բ» ենթակետով հաստատված N 2 հավելվածը շարադրել նոր խմբագրությամբ` համաձայն հավելվածի:

2. Սույն որոշումն ուժի մեջ է մտնում 2013 թվականի հունվարի 1-ից:

ԿԱՌՈՒՑՎԱԾՔ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ

ԿԱՌՈՒՑՎԱԾՔԱՅԻՆ ՍՏՈՐԱԲԱԺԱՆՈՒՄՆԵՐ

1.  Մշակութային ժառանգության և ժողովրդական արհեստների բաժին

2.  Ժամանակակից արվեստի բաժին

3.  Մշակութային ծրագրերի և մոնիթորինգի բաժին

4.  Միջոցառումների կազմակերպման և կապերի բաժին

5.  Երիտասարդության հարցերի բաժին

6.  Ֆինանսատնտեսագիտական բաժին

7.  Քարտուղարություն»