ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
"30" հունվարի 2003թ. |
N 30 |
ք.Ստեփանակերտ
Լեռնային Ղարաբաղի Հանրապետության կառավարության 1998թ. հուլիսի 14-ի թիվ 109 որոշման մեջ փոփոխություններ և լրացումներ կատարելու մասին
Լեռնային Ղարաբաղի Հանրապետության կառավարությունը ո ր ո շ ու մ է.
Լեռնային Ղարաբաղի Հանրապետության կառավարության 1998թ. հուլիսի 14-ի «Լեռնային Ղարաբաղի Հանրապետության հարկային պետական վարչության կանոնադրությունը, կենտրոնական աշխատակազմի և համակարգի կառուցվածքը հաստատելու մասին» թիվ 109 որոշման մեջ կատարել հետևյալ փոփոխությունները և լրացումները.
1. որոշման 1-ին կետով հաստատված հարկային պետական վարչության համակարգի կառուցվածքի «I.Կենտրոնական աշխատակազմ» մասը շարադրել հետևյալ խմբագրությամբ.
«I.Կենտրոնական ապարատ
1. Աշխատակազմ
2. Օպերատիվ հետախուզության վարչություն
3. Հարկային տեսչությունների աշխատանքների համակարգման բաժին
4. Հարկային հաշվառման և գանձումների հսկողության բաժին
5. Հարկային վարչարարության կատարելագործման բաժին
6. Խոշոր հարկ վճարողների սպասարկման բաժին
7. Հայտարարագրման բաժին
8. Իրավաբանական խումբ
9. Ձեռնարկատիրական գործունեության առարկաների հաշվառման և հսկիչ կետերի գործունեության համակարգման բաժին
10. Ֆինանսահաշվային բաժին»
2. որոշման 2-րդ կետը շարադրել.
«2. Սահմանել Լեռնային Ղարաբաղի Հանրապետության հարկային պետական վարչության համակարգի աշխատողների թվաքանակը` 135 հաստիքային միավոր:»:
3. Որոշմամբ հաստատված կանոնադրության`
ա) 7-րդ կետը լրացնել հետևյալ բովանդակությամբ նոր` «զ» ենթակետով.
«զ/ ԼՂՀ քաղաքացիների գույքի և եկամուտների հայտարարագրման համակարգի ներդրումը, կատարելագործումը և հսկողության ապահովումը:».
բ) 12-րդ կետը լրացնել հետևյալ բովանդակությամբ նոր` «Է» ենթակետով.
«է/ ԼՂՀ օրենսդրությամբ սահմանված գույքի և եկամուտների հայտարարագրման համակարգի ներդրման և կատարելագործման գործառույթների իրականացումը:»:
|
ԼՂՀ վարչապետ |
Ա. ԴԱՆԻԵԼՅԱՆ |