ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2004 թվականի

սեպտեմբերի 15-ին

Հոդված 1. «Բռնադատվածների մասին» Լեռնային Ղարաբաղի Հանրապետության օրենքի 1-ին հոդվածի առաջին մասի «Լեռնային Ղարաբաղի Հանրապետության տարածքում» բառակապակցությունը փոխարինել «նախկին ԽՍՀՄ տարածքում» բառակապակցությամբ:

Հոդվածի 2-րդ մասում «իշխանությունների կողմից» բառերից հետո ավելացնել «կամ հետաքննական և նախաքննական մարմինների կողմից պահվել է անազատության մեջ» բառերը:

Հոդվածը լրացնել հետևյալ բովանդակությամբ 3-րդ մասով.

«Սույն հոդվածով նախատեսված անձանց իրավիճակը հավաստող փաստաթղթերի բացակայության դեպքում, այդ փաստը հաստատվում է դատական կարգով:»:

Հոդված 2. Սույն օրենքն ուժի մեջ է մտնում 2005 թվականի հունվարի 1-ից: