ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 Ո Ր Ո Շ ՈՒ Մ

ք.Ստեփանակերտ

«Զենքի մասին» Լեռնային Ղարաբաղի Հանրապետության օրենքի 6-րդ հոդվածի 3-րդ կետին և Լեռնային Ղարաբաղի Հանրապետության կառավարության 2003թ. մարտի 11-ի «Լեռնային Ղարաբաղի Հանրապետության տարածքում քաղաքացիական ու ծառայողական զենքի և դրա փամփուշտների շրջանառությունը կարգավորելու մասին» թիվ 66 որոշման 7-րդ կետի «բ» ենթակետին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

Հաստատել Լեռնային Ղարաբաղի Հանրապետությունում որսորդության համար նախատեսված նշանառության հարմարանքների օգտագործման ու վաճառքի կարգը (կցվում է):

Կ Ա Ր Գ

1. Սույն կարգով սահմանվում է որսորդության համար նախատեսված նշանառության հարմարանքների (այսուհետև՝ նշանառության հարմարանքներ) օգտագործման ու վաճառքի կարգը:

2. Սույն կարգի գործողությունը տարածվում է այն օպտիկական և ոչ օպտիկական նշանառության հարմարանքների վրա, որոնց օգտագործման շնորհիվ բարելավվում է որսորդական զենքի դիպուկ նշանառությունը:

3. Օպտիկական նշանառության հարմարանքները չպետք է ունենան հեռաչափության և նշանառության սանդղակ, բացառությամբ զենքի հետ համալիր վաճառվողների:

4. Նշանառության հարմարանքները կարող են օգտագործվել նաև գիտահետազոտական կամ կանխարգելիչ աշխատանքներ կատարելու նպատակով, կենդանական աշխարհի օբյեկտների անշարժացման կամ ներարկումների համար:

5. Նշանառության հարմարանքները որսորդության ժամանակ կարող են օգտագործվել որսորդական օդաճնշիչ և ողորկափող զենքերի հետ միասին՝ այդ նպատակի համար Լեռնային Ղարաբաղի Հանրապետության օրենսդրությամբ սահմանված կարգով, իսկ որսորդական ակոսափող զենքի հետ միասին օգտագործման դեպքում բնակավայրերից 5 կմ հեռավորության վրա, սահմանված տարածքներում:

6. Նշանառության հարմարանքները վաճառքի են ենթակա առանձին կամ զենքի հետ համալիր, զենքի և դրա փամփուշտների առևտրի իրավունք ունեցող իրավաբանական անձանց վաճառասրահներում:

7. Նշանառության հարմարանքները զենքից առանձին վաճառելու դեպքում վաճառողը զենքի անձնագրում կատարում է համապատասխան նշում, որը հաստատվում է կնիքով: