ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարության 2002 թվականի հունիսի 25-ի թիվ 128 որոշման մեջ փոփոխություն կատարելու մասին

Լեռնային Ղարաբաղի Հանրապետության կառավարությունը որոշում է.

Լեռնային Ղարաբաղի Հանրապետության կառավարության 2002 թվականի հունիսի 25-ի «Լիցենզավորման մասին» Լեռնային Ղարաբաղի Հանրապետության օրենքի կիրարկումն ապահովելու մասին» թիվ 128 որոշման մեջ կատարել հետևյալ փոփոխությունը՝

որոշման 1-ին կետը շարադրել հետևյալ նոր խմբագրությամբ՝

«1. Սահմանել, որ «Լիցենզավորման մասին» Լեռնային Ղարաբաղի Հանրապետության օրենքի 43-րդ հոդվածի 2-րդ կետով սահմանված լիցենզավորման ենթակա գործունեության տեսակը լիցենզավորող Լեռնային Ղարաբաղի Հանրապետության կառավարության կողմից լիազորված պետական կառավարման մարմիններ են հանդիսանում համապատասխանաբար՝

ա) Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանությունը՝ աղյուսակի 1-ին բաժնի 3-րդ, 4-րդ, 5-րդ, 11-րդ կետերով.

բ) Լեռնային Ղարաբաղի Հանրապետության տարածքային կառավարման և ենթակառուցվածքների զարգացման նախարարությունը՝ աղյուսակի 1-ին բաժնի 12-րդ, 2-րդ բաժնի 1-ին, 8-րդ բաժնի 1-ին, 2-րդ, 3-րդ, 4-րդ, 5-րդ, 10-րդ բաժնի 1-ին, 2-րդ, 3-րդ, 4-րդ, 5-րդ, 6-րդ, 10¹-րդ բաժնի 1-ին, 13-րդ բաժնի 1-ին, 15-րդ բաժնի 1-ին, 2-րդ, 3-րդ, 16¹-րդ բաժնի 1-ին, 2-րդ կետերով.

գ) Լեռնային Ղարաբաղի Հանրապետության առողջապահության նախարարությունը՝ աղյուսակի 3-րդ բաժնի 1-ին, 4-րդ, 5-րդ, 7-րդ կետերով.

դ) Լեռնային Ղարաբաղի Հանրապետության գյուղատնտեսության նախարարությունը՝ 7-րդ բաժնի 2-րդ կետով.

ե) Լեռնային Ղարաբաղի Հանրապետության ֆինանսների և էկոնոմիկայի նախարարությունը՝ 5-րդ բաժնի 1-ին, 2-րդ, 6-րդ բաժնի 2-րդ, 3-րդ, 4-րդ, 4¹-րդ, 6-րդ, 14-րդ բաժնի 1-ին, 2-րդ, 3-րդ, 17-րդ բաժնի 8-րդ կետերով.

զ) Լեռնային Ղարաբաղի Հանրապետության կրթության, մշակույթի և սպորտի նախարարությունը՝ աղյուսակի 9-րդ բաժնի 1-ին, 2-րդ, 3-րդ, 4-րդ, 5-րդ կետերով.

է) Լեռնային Ղարաբաղի Հանրապետության կառավարությանն առընթեր հարկային պետական ծառայությունը՝ աղյուսակի 11-րդ բաժնի 1-ին, 2-րդ, 3-րդ, 5-րդ կետերով.

ը) Լեռնային Ղարաբաղի Հանրապետության քաղաքաշինության նախարարությունը՝ աղյուսակի 16-րդ բաժնի 1-ին, 2-րդ կետերով.

թ) Լեռնային Ղարաբաղի Հանրապետության արդարադատության նախարարությունը՝ աղյուսակի 17-րդ բաժնի 3-րդ կետով.

ժ) Լեռնային Ղարաբաղի Հանրապետության անշարժ գույքի կադաստրի պետական կոմիտեն՝ աղյուսակի 17-րդ բաժնի 4-րդ, 5-րդ, 6-րդ կետերով.

ժա) համապատասխան լիցենզավորող մարմինները՝ աղյուսակի 17-րդ բաժնի 1-ին կետով:»: