ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2004 թվականի

դեկտեմբերի 22-ին

«ՊԵՏԱԿԱՆ ԿԵՆՍԱԹՈՇԱԿՆԵՐԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Պետական կենսաթոշակների մասին» Լեռնային Ղարաբաղի Հանրապետության օրենքի (այսուհետ` օրենք) 41-րդ հոդվածի 1-ին կետում «գործատուների և ֆիզիկական անձանց կողմից» բառերը փոխարինել «գործատուների և ֆիզիկական անձանց կողմից` Լեռնային Ղարաբաղի Հանրապետության կառավարության սահմանած կարգով» բառերով:

Հոդված 2. Օրենքի 42-րդ հոդվածի վերջին պարբերությունում «կառավարող» բառը փոխարինել «ձևավորող» բառով:

Հոդված 3. Օրենքի 43-րդ հոդվածում`

ա) վերնագրից հանել «կառավարումը և» բառերը.

բ) առաջին պարբերությունում «կառավարում» բառը փոխարինել «վարում» բառով:

Հոդված 4. Օրենքի 65-րդ հոդվածում`

ա) 1-ին մասի 1-ին կետում «կազմակերպություններից և ֆիզիկական անձանցից օրենքով» բառերը փոխարինել «պարտադիր սոցիալական ապահովագրության վճարների հավաքագրումը, գանձումը և հսկողությունը ապահովող լիազորված մարմնից Լեռնային Ղարաբաղի Հանրապետության կառավարության կողմից» բառերով.

բ) ուժը կորցրած ճանաչել 1-ին մասի 3-րդ կետը և 2-րդ մասի 3-րդ կետը:

Հոդված 5. Սույն օրենքն ուժի մեջ է մտնում 2005 թվականի հունվարի 1-ից: