ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2015 թվականի

հունիսի 30-ին

Հոդված 1. «Հանրային ծառայության մասին» Լեռնային Ղարաբաղի Հանրապետության 2013 թվականի դեկտեմբերի 26-ի ՀՕ-111-Ն օրենքի (այսուհետ` Օրենք) 4-րդ հոդվածի 8-րդ մասը «Լեռնային Ղարաբաղի Հանրապետության Ազգային ժողովի աշխատակազմի ղեկավարի,» բառերից հետո լրացնել «նրա տեղակալի,» բառերով:

Հոդված 2. Օրենքի 5-րդ հոդվածի 1-ին մասի`

1) 15-րդ կետը «Ազգային ժողովի աշխատակազմի ղեկավարը» բառերից հետո լրացնել «և նրա տեղակալը» բառերով.

2) 18-րդ կետը «Լեռնային Ղարաբաղի Հանրապետության Նախագահի աշխատակազմի ղեկավարը,» բառերից հետո լրացնել «Լեռնային Ղարաբաղի Հանրապետության Ազգային ժողովի աշխատակազմի ղեկավարի տեղակալի համար` Լեռնային Ղարաբաղի Հանրապետության Ազգային ժողովի աշխատակազմի ղեկավարը,» բառերով:

Հոդված 3. Սույն օրենքն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է Լեռնային Ղարաբաղի Հանրապետության 6-րդ գումարման Ազգային ժողովի լիազորությունների սկսման օրվանից հետո ծագած հարաբերությունների նկատմամբ: