ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք. Ստեփանակերտ

ՈՍՏԻԿԱՆՈՒԹՅՈՒՆՈՒՄ ԾԱՌԱՅՈՂԻ ԶԻՆՎՈՐԱԿԱՆ ՀԱՇՎԱՌՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Համաձայն «Ոստիկանությունում ծառայության մասին» Լեռնային Ղարաբաղի Հանրապետության օրենքի 2-րդ հոդվածի չորրորդ մասի՝ Լեռնային Ղարաբաղի Հանրապետության կառավարությունը որոշում է.

Սահմանել ոստիկանությունում ծառայողի զինվորական հաշվառման կարգը՝ համաձայն հավելվածի:

1. Սույն կարգով սահմանվում է ոստիկանության ծառայողին զինված ուժերի հաշվառումից հանելու և ոստիկանությունում զինվորական հաշվառման վերցնելու կարգը:

2. Ոստիկանությունում ծառայության անցման և ոստիկանության գլխավոր, ավագ ու կրտսեր խմբերի պաշտոններում նշանակված Լեռնային Ղարաբաղի Հանրապետության քաղաքացիները հանվում են զինված ուժերի զինվորական հաշվառումից և վերցվում ոստիկանությունում զինվորական հաշառման:

3. Ոստիկանության գլխավոր, ավագ և կրտսեր խմբերի պաշտոններում նշանակված ոստիկանության ծառայողին զինված ուժերի զինվորական հաշվառումից հանելու և ոստիկանությունում զինվորական հաշվառման վերցնելու համար հիմք է հանդիսանում պետական կառավարման մարմնի ղեկավարի հրամանը:

4. Ոստիկանության համապատասխան կադրային մարմինները քաղաքացուն ոստիկանությունում պաշտոնի նշանակվելու մասին հրամանի արձակման օրվանից 7-օրյա ժամկետում ծառայողի զինվորական հաշվառման վայրի զինվորական կոմիսարիատ են ներկայացնում միջնորդություն՝ նրան զինված ուժերի զինվորական հաշվառումից հանելու և ոստիկանությունում զինվորական հաշվառման վերցնելու համար:

Միջնորդության հետ ներկայացվում են՝

ա) ծառայության նշանակվելու մասին հրամանից քաղվածք

բ) գլխավոր, ավագ և կրտսեր խմբերի պաշտոններում նշանակված ծառայողների համար՝ անվանական ցուցակ (N 1 ձևը կցվում է)

գ) զինվորական գրքույկ

5. Զինվորական կոմիսարիատն անվանական ցուցակների հիմնավորվածությունը ճշտելուց հետո զինվորական հաշվառման փաստաթղթերում կատարում է համապատասխան նշումներ զինված ուժերի հաշվառումից հանելու վերաբերյալ: Հաշվառման քարտը պահպանվում է զինվորական կոմիսարիատում՝ հատուկ հաշվառման վերցված զինապարտների քարտադարանում, իսկ զինվորական գրքույկը փոխանցվում է ոստիկանության համապատասխան կադրային մարմին, որտեղ այն պահվում է ծառայողի անձնական գործում՝ ոստիկանությունում ծառայության ամբողջ ընթացքում:

6. Ոստիկանությունում ծառայությունից ազատված անձի զինվորական գրքույկը (զորակոչային կցագրման վկայականը), զինված ուժերում զինվորական հաշվառման վերցնելու համար ազատման հրամանի արձակման օրվանից հետո 7-օրյա ժամկետում կադրային մարմնի կողմից համապատասխան տեղեկանքով (N 2 ձևը կցվում է) ուղարկվում է այն զինվորական կոմիսարիատը, որտեղից ծառայողը հանվել է հաշվառումից:

Ծառայության ընթացքում ծառայողի բնակության վայրը փոխվելու դեպքում նշված նյութերն ուղարկվում են նրա բնակության վայրի զինվորական կոմիսարիատ:

________________________ զինվորական կոմիսարիատում զինվորական հաշվառումից հանելու ենթակա՝ ոստիկանությունում ծառայության ընդունված պահեստազորի զինծառայողների

________________                                                                                      ________________

   (ելքի համարը)                                                                                           (ուր է ուղարկվում)

Տ Ե Ղ Ե Կ Ա Ն Ք

ոստիկանությունում ծառայությունից ազատված զինապարտի մասին

Տրվում է՝

__________________________________________________________________

                                                            (կոչումը)

__________________________________________________________________

                                           (անունը,հայրանունը,ազգանունը)

ծնված՝ 19____թ., առ այն, որ նա հաշվառման մեջ է գտնվել ԼՂՀ ոստիկանությունում

______19____թվականից մինչև _____________20_____թվականը:

Ազատված է __________20___թվականի N ____ հրամանով:

Բնակության վայրը __________________________________________________

Առդիր՝ զինգրքույկ ___________________________________________________

      Ստորաբաժանման ղեկավար  ________________    ____________________

                                                         (ստորագրությունը)      (անունը, ազգանունը)