ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության 2003թ. հուլիսի 8-ի «Բժշկասոցիալական փորձաքննության իրականացման կարգը հաստատելու և ԼՂՀ կառավարության 1999թ. մարտի 2-ի թիվ 26 որոշման մեջ փոփոխություններ կատարելու մասին» թիվ 207 որոշման մեջ կատարել հետևյալ փոփոխությունները`

Որոշմամբ հաստատված կարգի`

ա) 1-ին կետը շարադրել հետևյալ խմբագրությամբ.

«Լեռնային Ղարաբաղի Հանրապետությունում հաշմանդամների սոցիալական պաշտպանության մասին» Լեռնային Ղարաբաղի Հանրապետության օրենքին համապատասխան, սահմանվում է անձին հաշմանդամ ճանաչելու կարգը, որն իրականացնում են բժշկասոցիալական փորձաքննության ոլորտում իրավասու պետական մարմինները` Լեռնային Ղարաբաղի Հանրապետության սոցիալական ապահովության նախարարության Լեռնային Ղարաբաղի Հանրապետության բժշկասոցիալական փորձաքննության գործակալության (այսուհետ` գործակալություն) տարածքային մարմինները (բժշկասոցիալական փորձաքննական հանձնաժողովները) և կառուցվածքային ստորաբաժանումը (փորձաքննական բաժինը):,

բ) 3-րդ կետում «անհրաժեշտ» բառը փոխարինել «սահմանված» բառով,

գ) 13-րդ կետում «հանրապետական բժշկասոցիալական փորձաքննական հանձնաժողովի նախագահին» բառերը փոխարինել «գործակալության պետին» բառերով,

դ) 16 և 17-րդ կետերը շարադրել հետևյալ խմբագրությամբ.

«16. Բժշկասոցիալական փորձաքննության տարածքային մարմինները որոշում ընդունելիս դժվարանալու դեպքում անձի քննման ակտը մեկշաբթյա ժամկետում գրավոր հարցմամբ ներկայացնում են գործակալության համապատասխան կառուցվածքային ստորաբաժանում, որտեղ իրականացվում է խորհրդատվական փորձաքննություն` տալով խորհրդատվական եզրակացություն:

17. Գործակալության փորձաքննական բաժնի խորհրդատվական եզրակացության հետ տարածքային բժշկասոցիալական փորձաքննական հանձնաժողովի նախագահի կամ փորձագետներից մեկի համաձայն չլինելու դեպքում քննման ակտում կատարվում է համապատասխան գրառում (նշվում «Հատուկ կարծիք»), և գործը եռօրյա ժամկետում ներկայացվում է գործակալության պետին, որի հանձնարարությամբ գործակալության փորձաքննական բաժինը ընդունում է որոշում:»,

ե)18-րդ կետում «Հանրապետական բժշկասոցիալական փորձաքննական հանձնաժողովը» բառերը փոխարինել «Գործակալության փորձաքննական բաժինը» բառերով,

զ) 33-րդ կետը շարադրել հետևյալ խմբագրությամբ.

«Անձը կամ նրա օրինական ներկայացուցիչը բժշկասոցիալական փորձաքննության ոլորտում իրավասու պետական մարմնի որոշմանը չհամաձայնելու դեպքում կարող է այն բողոքարկվել վերադասության կամ դատկան կարգով: Վերադասության կարգով բողոքարկման մասին դիմումը ստանալիս բժշկասոցիալական փորձաքննության ոլորտում իրավասու պետական մարմնի ղեկավարը փորձաքննվողի փաստաթղթերը մեկ շաբաթվա ընթացքում դիմումի հետ միասին ներկայացնում է գործակալություն, որտեղ ոչ ուշ, քան մեկամսյա ժամկետում կազմակերպվում է բժշկասոցիալական վերափորձաքննություն և ընդունում որոշում:»:

2. Սույն որոշումն ուժի մեջ է մտնում 2005 հունվարի 1-ից: