ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ԱՍՏԻՃԱՆՆԵՐԻ ՄԱՍԻՆ

Հոդված 1

Լեռնային Ղարաբաղի Հանրապետության դիվանագիտական աստիճաններն են՝

- արտակարգ և լիազոր դեսպան,

- արտակարգ դեսպանորդ և լիազոր նախարար,

- խորհրդական,

- առաջին քարտուղար,

- երկրորդ քարտուղար,

- երրորդ քարտուղար,

- կցորդ:

Հոդված 2

Լեռնային Ղարաբաղի Հանրապետության արտակարգ և լիազոր դեսպանի, արտակարգ դեսպանորդ և լիազոր նախարարի աստիճանները շնորհում է Լեռնային Ղարաբաղի Հանրապետության նախագահը:

Խորհրդականի, առաջին քարտուղարի, երկրորդ քարտուղարի, երրորդ քարտուղարի և կցորդի աստիճանները շնորհում է Լեռնային Ղարաբաղի Հանրապետության արտաքին գործերի նախարարը:

Հոդված 3

Լեռնային Ղարաբաղի Հանրապետության արտակարգ և լիազոր դեսպանի, արտակարգ դեսպանորդ և լիազոր նախարարի աստիճաններ շնորհելու առաջարկը ներկայացնում է Լեռնային Ղարաբաղի Հանրապետության արտաքին գործերի նախարարը՝ արտաքին գործերի նախարարության որակավորման հանձնաժողովի եզրակացության հիման վրա:

Խորհրդականի, առաջին քարտուղարի, երկրորդ քարտուղարի, երրորդ քարտուղարի և կցորդի աստիճաններ շնորհելու առաջարկը ներկայացնում է Լեռնային Ղարաբաղի Հանրպետության արտաքին գործերի նախարարության որակավորման հանձնաժողովը:

Որակավորման հանձնաժողովի կազմն ու կանոնակարգը հաստատում է Լեռնային Ղարաբաղի Հանրապետության արտաքին գործերի նախարարը:

Հոդված 4

Հերթական դիվանագիտական աստիճան շնորհվում է դիվանագիտական ծառայության այն աշխատողներին, որոնք աշխատել են համապատասխանաբար ավելի ցածր դիվանագիտական աստիճաններով հետևյալ ժամկետներում՝ կցորդ, երրորդ քարտուղար, երկրորդ քարտուղար - առնվազն 3 տարի, առաջին քարտուղար, խորհրդական - առնվազն 4 տարի:

Դիվանագիտական ծառայության մեջ նշանակալից արդյունքների հասած աշխատողին կարող է նշված ժամկետից շուտ շնորհվել ավելի բարձր դիվանագիտական աստիճան:

Հոդված 5

Լեռնային Ղարաբաղի Հանրապետության արտակարգ և լիազոր դեսպանի, արտակարգ դեսպանորդ և լիազոր նախարարի աստիճանները շնորհվում են ցմահ:

Դիվանագիտական մյուս աստիճաններն ունեցող անձինք պահպանում են իրենց աստիճանները միայն այն դեպքում, եթե նրանք կենսաթոշակի են անցնում Լեռնային Ղարաբաղի Հանրապետության արտաքին գործերի նախարարության համակարգից:

Հոդված 6

Լեռնային Ղարաբաղի Հանրապետության նախագահը կարող է զրկել արտակարգ և լիազոր դեսպանի, արտակարգ դեսպանորդ և լիազոր նախարարի աստիճաններից:

Լեռնային Ղարաբաղի Հանրապետության արտաքին գործերի նախարարը կարող է զրկել խորհրդականի, առաջին քարտուղարի, երկրորդ քարտուղարի, երրորդ քարտուղարի և կցորդի աստիճաններից: