ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՆՇԱՐԺ
ԳՈՒՅՔԻ ՊԵՏԱԿԱՆ ՄԻԱՍՆԱԿԱՆ ԿԱԴԱՍՏՐԻ ՎԱՐՉՈՒԹՅՈՒՆ
УПРАВЛЕНИЕ ЕДИНОГО ГОСУДАРСТВЕННОГО КАДАСТРА
НЕДВИЖИМОСТИ НАГОРНО-КАРАБАХСКОЙ РЕСПУБЛИКИ
STETE DEPARTMENT OF UNIFIED REAL ESTETE CADASTRE
OF THE REPUBLIC OF NAGORNY KARABAKH
Հ Ր Ա Մ Ա Ն
|
,,27,, մայիսի 1999թ. |
№ 4-01/01 |
ք. Ստեփանակերտ
ԼՂՀ տարածքում հարկատուին սեփականության իրավունքով պատկանող բնակելի նպատակային նշանակության կառույցների գնահատման կարգի հրահանգը հաստատելու մասին
Համաձայն ,,Գույքահարկի մասին,, ԼՂՀ օրենքի 25-րդ հոդվածի և ԼՂՀ կառավարության 30 մարտի 1999 թվականի ,,Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիտորինգ) իրականացման մասին,, թիվ 63 որոշմամբ հաստատված ,,Անշարժ գույքի կադաստրային գնահատման իրականացման կարգի,,, ԼՂՀ տարածքում հարկատուին սեփականության իրավունքով պատկանող և հարկման օբյեկտ հանդիսացող բնակելի նպատակային նշանակության կառույցների գնահատման նպատակով
Հ Ր Ա Մ Ա Յ ՈՒ Մ Ե Մ
Հ ա ս տ ա տ ե լ հարկատուին սեփականության (օգտագործման, տնտեսավարման) իրավունքով պատկանող բազմաբնակարան բնակելի շենքի բնակարանի, բնակելի տան, այգետնակի ու դրանց կից տնտեսական և օժանդակ շինությունների կադաստրային գնահատման կարգի 27 մայիսի 1999թ. թիվ 1-01/04 հրահանգը:
|
Վարչության պետ |
Ա. Մ. Աբրահամյան |
|
,,ՀԱՄԱՁԱՅՆԵՑՎԱԾ Է,,
1. ԼՂՀ ֆինանսների նախարար
_____________Վ. Միքայելյան
,,27,, մայիսի 1999թ.
2. ԼՂՀ հարկային պետական
վարչության պետ
_____________Ս. Առուշանյան
,,27,, մայիսի 1999թ. |
,,ՀԱՍՏԱՏՎԱԾ Է,,
ԼՂՀ անշարժ գույքի
պետական միասնական
կադաստրի վարչության
,,27,, մայիսի 1999թ.
թիվ 4-01/01 հրամանով
Վարչության պետ
_________Ա. Աբրահամյան |
Հ Ր Ա Հ Ա Ն Գ
|
,,27,, մայիսի 1999թ. |
№ 1-01/04 |
ՀԱՐԿԱՏՈՒԻՆ ՍԵՓԱԿԱՆՈՒԹՅԱՆ (ՕԳՏԱԳՈՐԾՄԱՆ, ՏՆՏԵՍԱՎԱՐՄԱՆ) ԻՐԱՎՈՒՆՔՈՎ ՊԱՏԿԱՆՈՂ ԲԱԶՄԱԲՆԱԿԱՐԱՆ ԲՆԱԿԵԼԻ ՇԵՆՔԻ ԲՆԱԿԱՐԱՆԻ, ԲՆԱԿԵԼԻ ՏԱՆ, ԱՅԳԵՏՆԱԿԻ ՈՒ ԴՐԱՆՑ ԿԻՑ ՏՆՏԵՍԱԿԱՆ ԵՎ ՕԺԱՆԴԱԿ ՇԻՆՈՒԹՅՈՒՆՆԵՐԻ ԿԱԴԱՍՏՐԱՅԻՆ ԳՆԱՀԱՏՄԱՆ ԿԱՐԳԻ
I. ՆԱԽԱԲԱՆ
1.1. Սույն հրահանգը մշակվել է ԼՂՀ անշարժ գույքի պետական միասնական կադաստրի վարչությունը համաձայն 29 մարտի 1999 թվականի ,,Գույքահարկի մասին,, ԼՂՀ օրենքի 25-րդ հոդվածի և ԼՂՀ կառավարության 30 մարտի 1999 թվականի ,,Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիտորինգ) իրականացման մասին,, թիվ 63 որոշմամբ հաստատված ,,Անշարժ գույքի կադաստրային գնահատման իրականացման կարգի,,:
II. ԿԻՐԱՌՄԱՆ ՈԼՈՐՏԸ
2.1. Սույն հրահանգի գնահատման կարգով գնահատվում են հարկման օբյեկտ հանդիսացող ֆիզիկական և իրավաբանական անձանց, իրավաբանական անձի կարգավիճակ չունեցող ձեռնարկություններին ԼՂՀ-ի տարածքում սեփականության (օգտագործման, տնտեսավարման) իրավունքով (այսուհետև սեփականության իրավունքով) պատկանող բնակելի (բազմաբնակարան բնակելի շենքի բնակարանի, բնակելի տան, առանձնատան, այգետնակի, ամառանոցային ու դրանց կից տնտեսական և օժանդակ բակային կառույցների) նպատակային նշանակության շենքերը և շինությունները:
III. ԸՆԴՀԱՆՈՒՐ ԴՐՈՒՅԹՆԵՐ
3.1. Սույն հրահանգը մշակված է ԼՂՀ անշարժ գույքի պետական միասնական կադաստրի վարչության տարածքային մարմինների համար, որոնք սահմանված կարգով իրականացնում են ԼՂՀ տարածքում շենքերի և շինությունների գնահատումը, որով հաշվարկված կադաստրային արժեքը կիրառվում է միայն գույքահարկի հարկման բազայի որոշման համար, եթե ԼՂՀ օրենսդրությամբ այլ բան չի սահմանված:
3.2. Կադաստրային գնահատման ենթակա են ԼՂՀ տարածքում սահմանված կարգով հաշվառված անշարժ գույքը, այդ թվում անավարտ (կիսակառույց) շենքերը և շինությունները:
Քաղաքացիներին սեփականության իրավունքով պատկանող շենքերի և շինությունների կադաստրային գնահատումը կատարվում է հաշվառման տվյալների հիամնա վրա: Նշված տվյալների բացակայության դեպքում կադաստրային գնահատումը կատարվում է անհրաժեշտ տվյալները տեղում հավաքելուց ու անհրաժեշտության դեպքում չափագրումներ և կադաստրային հանույթներ կատարելուց հետո:
3.3. Մինչև (հարկման օբյեկտ հանդիսացող, հարկատուներին պատկանող) հասարակական, արդյունաբերական, գյուղատնտեսական և ինժիներական նպատակային նշանակության շենքերի և շինությունների գնահատման կարգը օրենքով սահմանելը՝
ա/ ԼՂՀ անշարժ գույքի պետական միասնական կադաստրի վարչության տարածքային մարմինները չեն կատարում նշված շենքերի և շինությունների գնահատումը (գույքահարկի հարկման բազայի որոշման համար), բայց կատարում են հաշվառման աշխատանքները ԼՂՀ օրենսդրությամբ սահմանված կարգով:
բ/ 1999 թվականի համար, հարկատու համարվող ձեռնարկությունները գույքահարկի հարկման բազան նշված կառույցների համար որոշում են ինքնուրույն, հիմք ընդունելով իրենց հաշվեկշիռներում (հաշվետվություններում) արժեքային արտահայտությամբ հաշվառված մնացորդային արժեքը, բայց ոչ պակաս քան սկզբնական (ձեռքբերման) արժեքի 20 տոկոսը:
գ/ 1999 թվականի համար, հարկատու համարվող ֆիզիկական անձինք նշված կառույցների մասով գույքահարկը վճարում են (անկախ հարկման բազայի արժեքից) հաստատագրված վճարի չափով:
3.4. Հարկվող օբյեկտ հանդիսացող շենքերի և շինությունների ստորաբաժանումը, դասակարգումը ըստ նպատակային նշանակության, օգտագործման նպատակի ու գործառնական նշանակության սահմանվում են ԼՂՀ քաղաքաշինության նախարարության և ԼՂՀ անշարժ գույքի պետական միասնական կադաստրի վարչության կողմից հաստատված, ԼՂՀ արդարադատության պետական վարչությունում գրանցված (22 մայիսի 1999թ. պետական գրանցման թիվը՝ 73) ,,Լեռնային Ղարաբաղի Հանրապետության տարածքում շենքերի և շինությունների դասակարգումը,, գերատեսչական նորմատիվ ակտով:
3.5. Հարկման բազան որոշելու նպատակով շենքերի և շինությունների կադաստրային գնահատումը (վերագնահատումը) կատարվում է երեք տարին մեկ անգամ՝ ԼՂՀ անշարժ գույքի պետական միասնական կադաստրի վարչության տարածքային մարմինների կողմից հուլիսի 1-ի դրությամբ հաշվառված տվյալների հիման վրա ,,Գույքահարկի մասին,, ԼՂՀ օրենքի հավելվածով սահմանված կարգով: Այդ կարգով հաշվարկված կադաստրային արժեքը հանդիսանում է տվյալ շենքի, շինության հարկման բազան՝ գնահատման (վերագնահատման) տարվան հաջորդող երեք տարիների համար, եթե այդ տարիների համար ԼՂՀ օրենքով չի սահմանվել հարկման բազայի ինդեքսավորման գործակից կամ գործակիցներ:
Բնակելի կառույցների առաջին գնահատումը կատարվում է 1999 թվականի հուլիսի 1-ի դրությամբ հաշվառված տվյալներով:
Գնահատման (վերագնահատման) տարիների միջև ընկած ժամանակահատվածում (2000-2001 թ.թ.) կառուցված կամ մասնավորեցված (սեփականաշնորհված) շենքերի և շինությունների հարկման բազան (որը հաշվարկվում է 1999 թվականի գնահատման կարգով) հիմք է ընդունվում մինչև շենքերի և շինությունների հաջորդ վերագնահատումը, այսինքն մինչև 2001 թվականի հուլիսի 1-ը, եթե այդ տարիների համար օրենքով չի սահմանվել հարկման բազայի ինդեքսավորման գործակից (գործակիցներ):
2001 թվականի հուլիսի 1-ի դրությամբ հաշվառված տվյալների հիման վրա, շենքերի և շինությունների վերագնահատմամբ որոշված կադաստրային արժեքը հարկման բազա է հանդիսանում 2002, 2003, 2004 թվականների համար:
3.6. Այգետնակների և առանձին կանգնած ավտոտնակների հաշվառումը ու կադաստրային արժեքների հաշվարկումը կատարվում է առանձին-առանձին, որովհետև այս կառույցների գույքահարկի դրույքաչափերը տարբերվում են բնակելի նպատակային նշանակության մյուս կառույցների հարկման դրույքաչափերից:
3.7. Գույքահարկից ազատված հարկվող օբյեկտներն են՝ (որոնց համար չի կատարվում կադաստրային գնահատում, հարկման բազայի որոշման համար).
- ինժիներական նպատակային նշանակության կառույցները, եթե դրանցից օգտվելու համար վճար չի գանձվում.
- ջրամբարները.
- ժամանակավոր տնակները.
- ԼՂՀ բյուջետային հիմնարկներին և տեղական ինքնակառավարման մարմիններին սեփականության իրավունքով պատկանող կառույցները.
- օրենսդրությամբ սահմանված կարգով պատմամշակութային նշանակության ճանաչված հարկվող օբյեկտ համարվող գույքը՝ ԼՂՀ կառավարության կողմից սահմանված ցանկին համապատասխան.
- ծառայության ողջ ընթացքում ԼՂՀ զինված ուժերում կամ ԼՂՀ միջազգային պայմանագրերով դաշնակից երկրների զինված ուժերում ժամկետային զինվորական ծառայության մեջ գտնվող անձանց պատկանող կառույցները՝ (եթե այդ ընթացքում այն չի տրվել վարձակալության).
ա/ միանձնյա սեփականության իրավունքով իրենց պատկանող կառույցի մասով.
բ/ ընդհանուր համատեղ սեփականության իրավունքով իրենց պատկանող կառույցի մասով, եթե մյուս սեփականատերերը անչափահաս կամ անաշխատունակ անձիք են.
գ/ ընդհանուր բաժնային սեփականության իրավունքով իրենց պատկանող կառույցի բաժնեմասով:
- առանձին հարկատուներին պատկանող կառույցները, համայնքի ավագանու կողմից սահմանված արտոնությունների սահմանում.
- ԼՂՀ հարկային օրենսդրությամբ նախատեսված այլ դեպքերում:
3.8. Հարկման օբյեկտ հանդիսացող, հարկատուներին ԼՂՀ տարածքում սեփականության իրավունքով պատկանող կառույցների կադաստրային գնահատումը (գույքահարկի հարկման բազայի որոշման համար) կատարվում է.
- հարկվող օբյեկտի կամ դրա մի մասի նկատմամբ սեփականության իրավունքի ծագման պահից.
- հարկվող օբյեկտի կամ դրա մի մասի օտարման պահից.
-հարկվող օբյեկտի կամ դրա մի մասի նոր սեփականատիրոջ տիրապետմանը, դատավճռի կամ իրավական ակտի հիման վրա, հանձնելու պահից;
3.9. Հարկման օբյեկտ հանդիսացող, հարկատուներին համատեղ սեփականության իրավունքով պատկանող կառույցների կադաստրային գնահատումը կատարվում է ամբողջությամբ.
ա/ ընդհանուր բաժնային սեփականության դեպքում նշվում է յուրաքանչյուր համասեփականատիրոջը պատկանող օբյեկտի իր բաժնեմասին համապատասխան կադաստրային արժեքը.
բ/ ընդհանուր համատեղ սեփականության դեպքում նշվում է համասեփականատերերից որևէ մեկը և տվյալներ մյուսների մասին.
գ/ ընդհանուր համատեղ սեփականության դեպքում, եթե կողմերից մեկը իրավաբանական անձ է, նշվում է իրավաբանական անձը և տվյալներ մյուսների մասին:
3.10. ԼՂՀ անշարժ գույքի պետական միասնական կադաստրի վարչության տարածքային մարմինները ԼՂՀ հարկային պետական վարչության համապատասխան տարածքային մարմիններ են ներկայացնում մինչև գնահատման (վերագնահատման) տարվա սեպտեմբերի 1-ը համայնքների (Ստեփանակերտ քաղաքի), շրջանների վարչական սահմաններում տվյալ տարվա հուլիսի 1-ի դրությամբ հարկատուներին սեփականության իրավունքով պատկանող՝ հաշվառված և գնահատված բնակելի, հասարակական, արդյունաբերական, գյուղատնտեսական և ինժիներական նպատակային նշանակության կառույցների (այդ թվում կիսակառույցների) ամփոփ ցուցակը և նշված կառույցների գնահատման (բացի հասարակական, արդյունաբերական, գյուղատնտեսական և ինժիներական կառույցների, 1999 թվականի համար) ամփոփ հաշարկը համաձայն՝ ԼՂՀ կառավարության 30 ապրիլի 1999թ. ,,Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիտորինգ) իրականացման մասին,, թիվ 63 որոշմամբ հաստատված ,,Անշարժ գույքի կադաստրային գնահատման իրականացման կարգի,, 24-րդ կետի ը, թ, ժ, ժա, ժբ, ժգ ենթակետերի:
IV. ՀԱՐԿԱՏՈՒԻՆ ՍԵՓԱԿԱՆՈՒԹՅԱՆ (օգտագործման, տնտեսավորման) ԻՐԱՎՈՒՆՔՈՎ ՊԱՏԿԱՆՈՂ ԲՆԱԿԵԼԻ ՆՊԱՏԱԿԱՅԻՆ ՆՇԱՆԱԿՈՒԹՅԱՆ ԿԱՌՈՒՅՑՆԵՐԻ ԳՆԱՀԱՏՈՒՄԸ
4.1. ԲԱԶՄԱԲՆԱԿԱՐԱՆ ԲՆԱԿԵԼԻ ՇԵՆՔԻ ԲՆԱԿԱՐԱՆԻ ԿԱԴԱՍՏՐԱՅԻՆ ԳՆԱՀԱՏՈՒՄԸ.
4.1.1. Բնակարանի կադաստրային արժեքը հաշվարկվում է հետևյալ բանաձևով
Ա = Մ x Ամ x Գծ x Գբ x Գհ x Գմ x Գվ x Գա x Գգ
որտեղ՝
Ա - բնակարանի գնահատված (հաշվարկված) կադաստրային արժեքն է (հազ. դրամ):
Մ - բնակարանի բնակելի և օժանդակ տարածքների ընդհանուր մակերեսն է (քառ. մ):
4.1.2. Բնակարանի կադաստրային արժեքի (Ա-ի) հաշվարկման համար սահմանվում է՝
Ամ - բնակարանի ընդհանուր տարածքի 1 քառ. մետրի միջին արժեքը՝
ա/ երկաթբետոնե շենքի համար -100,0 հազ .դրամ.
բ/ քարե շենքի համար -120,0 հազ. դրամ:
Գծ - բնակարանի միջհարկային ծածկը բնութագրող գործակիցը՝
ա/ երկաթբետոնե ծածկի համար -1,0.
բ/ փայտե ծածկի համար -0,9:
Գբ - բնակարանի հարկի (ընդունել սենյակների) բարձրությունը բնութագրող գործակիցը՝
ա/ մինչև 2,7 մետր բարձրություն ունեցող սենյակների համար - 0,9.
բ/ 2,7 մետրից մինչև 3,0 մետր բարձրություն ունեցող սենյակների համար - 1,0.
գ/ 3,0 մետր և ավելի բարձրություն ունեցող սենյակների համար - 1,1:
Գհ – բնակարանի հարկայնությունը բնութագրող գործակիցը՝
ա/ նկուղային հարկի համար - 0,5.
բ/ կիսանկուղային հարկի համար - 0,6.
գ/ առաջին հարկի համար - 0,9.
դ/ երկրորդից հինգերորդ հարկերի համար - 1,0.
ե/ վեցերորդից իններորդ հարկերի համար - 0,9.
զ/ տասներորդ և ավելի բարձր հարկերի համար - 0,7.
է/ տանիքային հարկի համար - 0,7.
ը/ վերջին հարկի համար՝ լրացուցիչ - 0,9:
Եթե բազմաբնակարան բնակելի շենքի վերջին հարկի տանիքում կառուցված է տանիքային հարկ (ձեղնահարկ), ապա վերջին հարկ է համարվում տանիքային հարկը (ձեղնահարկը) և վերջին հարկի համար լրացուցիչ 0,9 գործակիցը կիրառվում է միայն տանիքային հարկի (ձեղնահարկի) գնահատման համար:
Գմ - շենքի (բնակարանի) մաշվածությունը (շահագործման տևողությունը) բնութագրող գործակիցը՝
ա/ 1-ից 2 տարի շահագործման տևողության դեպքում - 1,0
բ/ 3-ից 5 տարի շահագործման տևողության դեպքում - 0,98.
գ/ 6-ից 10 տարի շահագործման տևողության դեպքում - 0,95.
դ/ 11-ից 15 տարի շահագործման տևողության դեպքում - 0,91.
ե/ 16-ից 20 տարի շահագործման տևողության դեպքում - 0,87.
զ/ 21-ից 25 տարի շահագործման տևողության դեպքում - 0,82.
է/ 26-ից 30 տարի շահագործման տևողության դեպքում - 0,75.
ը/ 31-ից 40 տարի շահագործման տևողության դեպքում - 0,68.
թ/ 41 տարի և ավելի շահագործման տևողության դեպքում - 0,6:
Եթե բազմաբնակարան բնակելի շենքը շահագործման է հանձնվել առանձին-առանձին մասերով (բլոկներով, կառույցամասերով, սեկցիաներով) կամ շահագործման հանձնելուց հետո սեփականատիրոջ կողմից կառուցվել է լրացուցիչ տարածք, բնակարանային պայմանների բարելավման նպատակով, ապա մաշվածությունը (շահագործման տևողությունը) բնութագրող գործակիցը սահմանվում է ըստ տվյալ բնակարանի (սենյակի) կառուցման (շահագործման) տարեթվի:
Գվ - շենքի (բնակարանի) վնասվածության աստիճանը բնութագրող գործակիցը՝
ա/ Օ կարգի վնասվածության դեպքում -1,0.
բ/ 1-ին կարգի վնասվածության դեպքում - 0,95.
գ/ 2-րդ կարգի վնասվածության դեպքում - 0,85.
դ/ 3-րդ կարգի վնասվածության դեպքում - 0,5.
ե/ 4-րդ կարգի վնասվածության դեպքում - 0,0:
Վնասվածության աստիճանը բնութագրող գործակիցը կիրառվում է վնասվածության կարգի մասին պետական կառավարման տարածքային մարմնի կողմից տրված տեխնիկական եզրակացության առկայության դեպքում:
Գա - բնակարանի ավարտվածության աստիճանը բնութագրող գործակիցը՝
ա/ մինչև 50 տոկոս ավարտվածության դեպքում - 0,2.
բ/ 50-ից մինչև 80 տոկոս ավարտվածության դեպքում - 0,5.
գ/ 80 տոկոս և ավելի ավարտվածության դեպքում - 1,0:
Շենքը (բնակարանը) համարվում է մինչև 50 տոկոս ավարտվածության աստիճան ունեցող, եթե կառուցված են պատերը և միջհարկային ծածկը:
Շենքը (բնակարանը) համարվում է մինչև 50 - ից մինչև 80 տոկոս ավարտվածության աստիճան ունեցող, եթե կառուցված են հիմնահարկը և տանիքը:
Շենքը (բնակարանը) համարվում է մինչև 80 տոկոս և ավելի ավարտվածության աստիճան ունեցող, եթե լիովին ավարտված չեն հարդարման և հարակից աշխատանքները:
Գգ - շենքի տեղադրության գործակիցն է բնակավայրի տարածագնահատման գոտիականությանը համապատասխան, որը բնութագրում է քաղաքաշինական գործոնների ազդեցությունը շինության արժեքի վրա, տրանսպորտային հաղորդակցության հնարավորությունը, կառուցապատման միջավայրը, տարածքային տեղադրումը:
Այս գործակցի մեծությունը ընդունել համաձայն ԼՂՀ կառավարության 18 մայիսի 1999 թվականի ,,Բազմաբնակարան բնակելի շենքի բնակարանի, բնակելի տան, այգետնակի ու դրանց կից տնտեսական և օժանդակ շինությունների գնահատման նպատակով դրանց տարածագնահատման գոտիականությունը և տեղադրության գործակիցները հաստատելու մասին,, թիվ 94 որոշման:
Օրինակ 1.
Բազմաբնակարան բնակելի շենքի բնակարանի գնահատում
Բազմաբնակարան բնակելի շենքի երեք սենյականոց բնակարան, ընդհանուր մակերեսը 57,2 քառ. մետր, հինգ հարկանի քարե շենքի երրորդ հարկում, կառուցված 1979 թվականին, սենյակի բարձրությունը 2,6 մ, միջհարկային ծածկը երկաթբետոնե, բնակարանի վնասվածության աստիճանը զրո կարգի, ավարտվածության աստիճանը 100%, բնակելի շենքը տեղակայված է 2-րդ տարածագնահատման գոտում:
Նկարագրված բնակարանը գնահատվում է հետևյալ բանաձևով՝
Ա = Մ x Ամ x Գծ x Գբ x Գհ x Գմ x Գվ x Գա x Գգ
Մ = 57,2 քառ. մ.
Ամ = 1 20,0 հազար դրամ
Գծ = 1,0
Գբ = 0,9
Գհ = 1,0
Գմ = 0,87 (1999թ -1979թ = 20 տարի)
Գվ = 1,0
Գա = 1,0
Գգ = 0,7
Նշված արժեքները տեղադրելով բանաձևում կստանանք՝
Ա = 57,2 x 120,0 x 1,0 x 0,9 x 1,0 x 0,87 x 1,0 x 1,0 x 0,7 = 3762,1 հազ. դրամ
Այսինքն բնակարանի կադաստրային արժեքը կազմում է 3762,1 հազար դրամ, որը տվյալ բնակարանի հարկման բազան է, գույքահարկի չափը որոշելու համար:
4.2. ԲՆԱԿԵԼԻ ՏԱՆ ՈՒ ՆՐԱՆ ԿԻՑ ՏՆՏԵՍԱԿԱՆ ԵՎ ՕԺԱՆԴԱԿ ՇԻՆՈՒԹՅՈՒՆՆԵՐԻ ԿԱԴԱՍՏՐԱՅԻՆ ԳՆԱՀԱՏՈՒՄԸ:
4.2.1. Բնակելի տան, առանձնատան, այգետնակի, ամառանոցատան (այսուհետև բնակելի տան) ու նրան կից տնտեսական և օժանդակ բակային կառույցների ընդհանուր (գումարային) կադաստրային արժեքը որոշվում է հետևյալ բանաձևով
1-n 1-n
Ա = Աբտ + Աբպ + Ատն (1-n) + Աօժ (1-n)
որտեղ՝
Ա - բնակելի տան ու նրան կից տնտեսական և օժանդակ բակային կառույցների (յուրաքանչյուր միավորի գնահատված արժեքի) ընդհանուր (գումարային) կադաստրային արժեքն է (հազ. դրամ)
1-n
Աբտ - բնակելի տան (առանց բաց պատշգամբի) 1-ին (Աբտ1), 2-րդ (Աբտ2) և հաջորդող (Աբտn) հարկերի (այդ թվում նկուղի, կիսանկուղի և ձեղնահարկի) ընդհանուր (գումարային) կադաստրային արժեքն է (հազ. դրամ)
1-n
Այսինքն՝ Աբտ = Աբտ1 + Աբտ2 + … + Աբտn
1-n
Աբպ - բնակելի տան բաց պատշգամբի 1-ին (Աբպ1), 2-րդ (Աբպ2) և հաջորդող (Աբտn) հարկերի ընդհանուր (գումարային) կադաստրային արժեքն է (հազ. դրամ)
1-n
Այսինքն՝ Աբպ = Աբպ1 + Աբպ2 + … + Աբպn
Ատն (1-n) - տնտեսական բակային կառույցների ընդհանուր (գումարային) կադաստրային (հարկայնության դեպքում նաև յուրաքանչյուր հարկի) արժեքն է (հազ. դրամ).
Այսինքն՝ Ատն(1-n) = Ատն1 + Ատն2 + … + Ատնn
Աօժ(1-n) - օժանդակ բակային կառույցների ընդհանուր (գումարային) կադաստրային արժեքն է (հազ. դրամ)
Այսինքն՝ Աօժ(1-n) = Աօժ1 + Աօժ2 + …+ Աօժn
4.2.2. Բնակելի տան յուրաքանչյուր հարկի (այդ թվում նկուղի, կիսանկուղի, ձեղնահարկի) կադաստրային արժեքը որոշվում է հետևյալ բանաձևով՝
Աբտ = Ծշ x Աշ x Գծ x Գհ x Գմ x Գվ x Գա x Գկ x Գն x Գահ x Գտ x Գգ
4.2.3. Բնակելի տան յուրաքանչյուր հարկում գտնվող (կցակառուցված կամ ներկառուցված) բաց պատշգամբի կադաստրային արժեքը որոշվում է հետևյալ բանաձևով՝
Աբպ = Մբ x Աբ x Գծ x Գմ x Գվ x Գա x Գահ x Գտ x Գգ
4.2.4. Տնտեսական բակային կառույցների (հարկայնության դեպքում նաև յուրաքանչյուր հարկի) կադաստրային արժեքը որոշվում է հետևյալ բանաձևով՝
Ատն = Ծտ x Աշ x Գծ x Գհ x Գմ x Գվ x Գա x Գն x Գահ x Գտ x Գգ
4.2.5. Օժանդակ բակային կառույցների (բացի պարսպից) կադաստրային արժեքը որոշվում է հետևյալ բանաձևով՝
Աօժ = Ծօ x Աշ x Գծ x Գմ x Գվ x Գա x Գն x Գահ x Գտ x Գգ
4.2.6. Պարսպի կադաստրային արժեքը որոշվում է հետևյալ բանաձևով՝
Ապր = Ծպ x Ապ x Գմ x Գվ x Գահ x Գգ
4.2.7. Այսպիսով, բնակելի տան ու նրան կից տնտեսական և օժանդակ բակային կառույցների ընդհանուր (գումարային) կադաստրային արժեքի որոշման բանաձևը ընդունում է հետևյալ տեսքը
Ա = Աբտ + Աբպ + Ատն +Աօժ + Ապր = [ { Ծշ x Գհ x Գկ + Ծտ x Գհ + Ծօ) x Աշ x Գն + Մբ x Աբ } x Գծ x Գա x Գտ + Ծպ x Ապ ] x Գմ x Գվ x Գահ x Գգ
որտեղ՝
Ծշ - բնակելի տան յուրաքանչյուր հարկի (այդ թվում նկուղի, կիսանկուղի, ձեղնահարկի, կցակառուցված կամ ներկառուցված փակ պատշգամբի) ծավալն է (խոր.մ)
Փակ պատշգամբը ընդգրկվում է բնակելի տան ծավալի մեջ: Բնակելի տան կադաստրային գնահատման ժամանակ բնակելի տան յուրաքանչյուր հարկի ծավալին գումարվում է համապատասխան հարկի փակ պատշգամբի ծավալը:
Ծտ - տնտեսական յուրաքանչյուր բակային կառույցի (հարկայնության դեպքում նաև յուրաքանչյուր հարկի) ծավալն է (խոր.մ).
Ծօ - օժանդակ յուրաքանչյուր բակային կառույցի (բացի պարսպից) ծավալն է (խոր.մ).
Ծպ - պարսպի ծավալն է (խոր.մ).
Մբ - բնակելի տան յուրաքանչյուր հարկի (կցակառուցված կամ ներկառուցված) բաց պատշգամբի մակերեսն է (հազ. դրամ).
4.2.8. Բնակելի տան ու նրան կից տնտեսական և օժանդակ բակային կառույցների կադաստրային արժեքի (Ա-ի) հաշվարկման համար սահմանվում է՝
Աշ - բնակելի տան (այդ թվում նկուղի, կիսանկուղի, ձեղնահարկի) ընդհանուր ծավալի 1 խոր. մետրի միջին արժեքը՝
ա/ տուֆից, կրաքարից (ուղղանկյունաձև) կառուցված - 40,0 հազ. դրամ.
բ/ բազալտից կառուցված - 45,0հազ. դրամ.
գ/ փայտից կառուցված - 25,0 հազ. դրամ
դ/ բետոնից կառուցված - 30,0 հազ. դրամ
ե/ աղյուսից կառուցված - 43,0 հազ. դրամ.
զ/ բուտքարից, բնական սալքարից կառուցված - 20,0 հազ. դրամ.
է/ սյուների վրա կառուցված (առանց պատերի) - 5,0 հազ. դրամ.
Ապ - պարիսպի մեկ խորանարդ մետրի արժեքը՝
ա/ տուֆից, կրաքարից (ուղղանկյունաձև) կառուցված - 7,5 հազ. դրամ.
բ/ բազալտից կառուցված -10,0 հազ. դրամ.
գ/ բետոնից կառուցված - 9,0 հազ. դրամ.
դ/ բուտքարից, բնական սալքարից կառուցված - 4,0 հազ. դրամ.
Աբ - բնակելի տան բաց պատշգամբի մեկ քառակուսի մետրի արժեքը - 5,0 հազ. դրամ:
Գծ - բնակելի տան, բաց պատշգամբի, տնտեսական և օժանդակ բակային կառույցների (բացի պարսպից) ծածկը բնութագրող գործակիցը՝
ա/ երկաթբետոնե ծածկի համար -1,0.
բ/ փայտե ծածկի համար - 0,9.
գ/ ծածկ չպահանջվող տնտեսական և օժանդակ բակային կառույցների համար -1,0.
Գհ - բնակելի տան և տնտեսական բակային կառույցների հարկայնությունը բնութագրող գործակիցը՝
ա/ նկուղային հարկի համար - 0,45.
բ/ կիսանկուղային հարկի համար - 0,65.
գ/ առաջին հարկի համար -1,0.
դ/ երկրորդ և հաջորդ հարկերի համար - 0,75.
ե/ ձեղնահարկի համար - 0,7.
Գմ - բնակելի տան, բաց պատշգամբի, տնտեսական և օժանդակ բակային կառույցների, պարսպի մաշվածությունը (շահագործման տևողությունը) բնութագրող գործակիցը՝
ա/ 1-ից 2 տարի շահագործման տևողության դեպքում -1,0.
բ/ 3-ից 5 տարի շահագործման տևողության դեպքում - 0,98.
գ/ 6-ից 10 տարի շահագործման տևողության դեքում - 0,95.
դ/ 11-ից 15 տարի շահագործման տևողության դեպքում - 0,91.
ե/ 16-ից 20 տարի շահագործման տևողության դեպքում - 0,87.
զ/ 21-ից 25 տարի շահագործման տևողության դեպքում - 0,82.
է/ 26-ից 30 տարի շահագործման տևողության դեպքում - 0,75.
ը/ 31-ից 40 տարի շահագործման տևողության դեպքում - 0,68.
թ/ 41 տարի և ավելի շահագործման տևողության դեպքում - 0,6.
Եթե բնակելի տան առանձին հարկեր կամ կցակառույցներ կառուցվել են տարբեր ժամանակահատվածներում, ապա մաշվածությունը (շահագործման տևողությունը) բնութագրող գործակիցը սահմանվում է տվյալ հարկի կամ կցակառույցի կառուցման տարեթվի: Նույնը վերաբերվում է նաև տնտեսական և օժանդակ բակային կառույցներին:
Գվ - բնակելի տան, բաց պատշգամբի, տնտեսական և օժանդակ բակային կառույցների, պարսպի վնասվածության աստիճանը բնութագրող գործակիցը՝
ա/ 0 կարգի վնասվածության դեպքում -1,0.
բ/ 1-ին կարգի վնասվածության դեպքում - 0,95.
գ/ 2-րդ կարգի վնասվածության դեպքում - 0,85.
դ/ 3-րդ կարգի վնասվածության դեպքում - 0,5.
ե/ 4-րդ կարգի վնասվածության դեպքում - 0,0:
Վնասվածության աստիճանը բնութագրող գործակիցը կիրառվում է վնասվածության կարգի մասին պետական կառավարման տարածքային մարմնի կողմից տրված տեխնիկական եզրակացության առկայության դեպքում:
Գա - բնակելի տան, բաց պատշգամբի, տնտեսական և օժանդակ բակային կառույցների (բացի պարսպից) ավարտվածության աստիճանը բնութագրող գործակիցը՝
ա/ մինչև 50 տոկոս ավարտվածության դեպքում - 0,2.
բ/ 50-ից մինչև 80 տոկոս ավարտվածության դեպքում - 0,5.
գ/ 80 տոկոս և ավելի ավարտվածության դեպքում -1,0.
Կառույցը համարվում է մինչև 50 տոկոս ավարտվածության աստիճան ունեցող, եթե կառուցված են պատերը և միջհարկային ծածկը:
Կառույցը համարվում է 50-ից մինչև 80 տոկոս ավարտվածության աստիճան ունեցող, եթե կառուցված են հիմնահարկը և տանիքը:
Կառույցը համարվում է 80 տոկոս և ավելի ավարտվածության աստիճան ունեցող, եթե լիովին ավարտված չեն հարդարման և հարակից աշխատանքները:
Գկ - բնակելի տան կոմունալ ապահովվածությունը բնութագրող գործակիցը՝
ա/ ջրով չապահովվածության դեպքում - 0,9.
բ/ կոյուղով չապահովվածության դեպքում - 0,9:
Այս գործակցի մեծությունը նկուղի, կիսանկուղի, ձեղնահարկի, (մանսարդի) համար ընդունվում է հավասար մեկի:
Գն - բնակելի տան, տնտեսական և օժանդակ բակային կառույցների (բացի բաց պատշգամբից և պարսպից) օգտագործման նպատակը բնութագրող գործակիցը՝
ա/ բնակելի տան, առանձնատան, այդ թվում նշված կառույցների նկուղի, կիսանկուղի, ձեղնահարկի համար -1,0.
բ/ այգետնակի, ամառանոցատան, այդ թվում նշված կառույցների նկուղի, կիսանկուղի, ձեղնահարկի համար - 0,65.
գ/ տնտեսական և օժանդակ բակային կառույցների, այդ թվում նշված կառույցների նկուղի կիսանկուղի համար - 0,5:
Գահ - բնակելի տան, բաց պատշգամբի, տնտեսական և օժանդակ բակային կառույցների, պարսպի, հարկայնության դեպքում՝ յուրաքանչյուր առանձին հարկի (այդ թվում նկուղի, կիսանկուղի) յուրաքանչյուր ճակատի արտաքին հարդարումը բնութագրող գործակիցը՝
ա/ անկանոն քարից (բուտ քար, սալաքար) կառուցված ու առանց արտաքին հարդարման դեպքում (անկախ ճակատների քանակից) - 0,8.
բ/ ուղղանկյունաձև քարից կառուցված ու առանց արտաքին հարդարման դեպքում (անկախ ճակատների քանակից) -1,0.
գ/ փայտից կամ մետաղից կառուցված (անկախ ճակատների քանակից) կամ փայտից (մետաղից) արտաքին հարդարման դեպքում -1,0.
դ/ սվաղած արտաքին հարդարման դեպքում՝ յուրաքանչյուր առանձին ճակատի համար -1,01.
ե/ երեսապատված արտաքին հարդարման դեպքում՝ յուրաքանչյուր առանձին ճակատի համար -1,025.
զ/ սրբատաշ արտաքին հարդարման դեպքում՝ յուրաքանչյուր առանձին ճակատի համար -1,05.
է/ փակ և բաց պատշգամբի համար ճակատ համարել՝ բազրիքը (բազրիքաճաղը) և կիրառել վերը նշված գործակիցները,
ը/ պարսպի համար ճակատ համարել՝ դրսի (արտաքին) և ներսի (բակի կողմից) ուղղահայաց մակերեսները և կիրառել վերը նշված գործակիցները.
թ/ նկուղի, կիսանկուղի համար ճակատ համարել ներսի կողմից պատերի մակերեսը և կիրառել վերը նշված գործակիցները:
Օրինակ 2.
Երկու հարկանի բնակելի տուն՝
Առաջին հարկի պատի նյութը, բուտ քար, կողքի երկու ճակատները երեսապատված, ունի ներկառուցված փակ պատշգամբ սրբատաշ բազրիքով:
Երկրորդ հարկի պատի նյութը ուղղանկյունաձև քար, առջևի ճակատը սրբատաշ, կողքի երկու ճակատները սվաղված, ունի ճակատի կողմից կցակառուցված բաց պատշգամբ մետաղյա բազրիքաճաղով:
Հողամասը շրջափակված է պարսպով, երեսապատված՝ ներսի և դրսի կողմից:
Այս պայմանների դեպքում բնակելի տան արտաքին հարդարումը բնութագրող գործակցի մեծությունը կկազմի.
- առաջին հարկի համար - Գ1ահ = 0,8 x 1,025 x 1,025 x 1,05 = 0,88.
- երկրորդ հարկի համար - Գ2ահ = 1,0 x 1,05 x 1,01 x 1,01 = 1,07.
- երկրորդ հարկի բաց պատշգամբի համար Գ2 բպ = 1,0.
- պարսպի համար Գահ = 1,025 x 1,025 = 1,05.
Գտ - բնակելի տան, բաց պատշգամբի, տնտեսական և օժանդակ բակային կառույցների (բացի պարսպից) տանիքի նյութը բնութագրող գործակիցը՝
ա/ թիթեղյա տանիքի դեպքում -1,0.
բ/ շիֆերից տանիքի դեպքում - 0,75.
գ/ կղմինդրե տանիքի դեպքում -1,05.
դ/ ռուբերոիդից տանիքի դեպքում - 0,85:
Այս գործակիցը կիրառվում է միայն վերջին հարկի կադաստրային արժեքը հաշվարկելիս, մնացած հարկերի համար ընդունվում է հավասար մեկի:
Գգ - բնակելի տան ու նրան կից տնտեսական և օժանդակ բակային կառույցների տեղադրության գործակիցը:
Այս գործակցի մեծությունը ընդունել համաձայն ԼՂՀ կառավարության 18 մայիսի 1999 թվականի ,,Բազմաբնակարան բնակելի շենքի բնակարանի, բնակելի տան, այգետնակի ու դրանց կից տնտեսական և օժանդակ շինությունների գնահատման նպատակով դրանց տարածագնահատման գոտիականությունը և տեղադրության գործակիցները հաստատելու մասին,, թիվ 94 որոշման:
Օրինակ 3.
Բնակելի մեկ հարկանի, նկուղով և ձեղնահարկով տուն՝
Առաջին հարկի պատերը ուղղանկյունաձև կրաքարից, երկու ճակատները սրբատաշ, մեկ ճակատը սվաղած, 1-ին հարկի բարձրությունը 3,3 մ, ծածկը երկաթբետոն, արտաքին չափերը 12,0 x 14,1 մ:
Նկուղային հարկը անկանոն քարից, բարձրությունը 2,7 մ, արտաքին չափերը 12,0 x 14,1 մ, ծածկը երկաթբետոն:
Ձեղնահարկը փայտյա պատերով, ծածկը փայտ, տանիքը թիթեղ, բարձրությունը 2,7 մ, արտաքին չափերը 12,0 x 10,0 մ:
Կցակառուցված բաց պատշգամբ 12,0 x 4,1 մ արտաքին չափերով, տանիքը շիֆեր, բազրիքը երեսապատված, ծածկը փայտ:
Բնակելի տան վնասվածության աստիճանը զրո կարգի, պատշգամբինը առաջին կարգի, ձեղնահարկինը երկրորդ կարգի:
Բնակելի տունը և պատշգամբը կառուցված է 1985թ., ավարտվածության աստիճանը 100%, իսկ ձեղնահարկը կառուցված է 1995թ., ավարտվածության աստիճանը 70%:
Բնակելի տունը ապահովված է ջրով, բացակայում է կոյուղին:
Բնակելի տան բակում 1990 թվականից տեղադրված է մետաղյա ավտոտնակ 3,5 x 7,0 x 2,4 մ չափերով, վնասվածությունը O կարգի:
Բնակելի տան հողամասը սահմանապատված է 40,0 x 3,0 x 0,2 մ չափերով, բուտ քարից 1997թ. կառուցված պարսպով, վնասվածությունը O կարգի:
Բոլոր նշված կառույցները գտնվում են տարածագնահատման I գոտում:
Նկարագրված բնակելի տունը կից կառույցներով գնահատվում է հետևյալ ձևով.
ա/ բնակելի տան նկուղի, առաջին հարկի և ձեղնահարկի կադաստրային արժեքը որոշվում է հետևյալ բանաձևով.
Աբտ = Ծշ x Աշ x Գձ x Գհ x Գմ x Գվ x Գա x Գկ x Գն x Գահ x Գտ x Գգ
- նկուղային հարկի համար (a).
Ծշ = 12 x 14,1 x 2,7 = 456,84 խոր. մ
Աշ = 20,0 հազ. դրամ
Գծ = 1,0
Գհ = 0,45
Գմ = (1999թ -1985թ = 14 տարի) = 0,91
Գվ = 1,0
Գա = 1,0
Գկ = 1,0
Գն = 1,0
Գահ = 0,8
Գտ = 1,0
Գգ = 0,8
Արժեքները տեղադրելով կստանանք
a = 456,84 x 20,0 x 1,0 x 0,45 x 0,91 x 1,0 x 1,0 x 1,0 x 1,0 x 0,8 x 1,0 x 0,8 = 2394,6 հազ. դրամ
- առաջին հարկի համար (b).
Ծշ = 12 x 14,1 x 3,3 = 558,36 խոր. մ
Աշ = 1,0
Գհ = 1,0
Գմ = (1999թ-1985թ = 14 տարի) 0,91
Գվ = 1,0
Գա = 1,0
Գկ = 0,9
Գն = 1,0
Գահ = 1,05 x 1,05 x 1,01 = 1,11
Գտ = 1,0
Գգ = 0,8
Արժեքները տեղադրելով կստանանք
b = 558,36 x 40,0 x 1,0 x 1,0 x 0,9 x 1,0 x 1,0 x 0,9 x 1,0 x 1,11 x 1,0 x 0,8 = 16243,2 հազ. դրամ
- Ձեղնահարկի համար (c).
Ծշ = 12,0 x 10,0 x 2,7 = 324,0 խոր. մ.
Աշ = 25,0 հազ. դրամ
Գձ = 0,9
Գհ = 0,7
Գմ = (1999թ -1995թ = 4 տարի) = 0,98
Գվ = 0,85
Գա = 0,5
Գկ = 1,0
Գն = 1,0
Գահ = 1,0
Գտ = 1,0
Գգ = 0,8
Արժեքները տեղադրելով կստանանք
c = 324,0 x 25,0 x 0,9 x 0,7 x 0,98 x 0,85 x 0,5 x 0,5 x 1,0 x 1,0 x 1,0 x 1,0 x 0,8 = 850,0 հազ. դրամ.
բ/ բնակելի տան բաց պատշգամբի կադաստրային արժեքը որոշվում է հետևյալ բանաձևով
Աբպ = Մբ x Աբ x Գձ x Գմ x Գվ x Գա x Գահ x Գտ x Գգ
Մբ= 12,0 x 4,1 = 49,2 քառ.մ
Աբ = 5,0 հազ. դրամ
Գծ = 0,9
Գմ = (1999թ-1985թ=14 տարի) = 0,91
Գվ = 0,95
Գա = 1,0
Գահ = 1,025
Գտ = 0,75
Գգ = 0,8
Արժեքները տեղադրելով կստանանք
Աբպ = 49,2 x 5,0 x 0,9 x 0,91 x 0,95 x 1,0 x 1,025 x 0,75 x 0,8 = 1 17,7 հազ. դրամ
Այսպիսով բնակելի տան կադաստրային արժեքը կկազմի
Աբտ = a+ b + c + Աբպ = 2394,6 + 16243,2 + 850,0 + 117,7 = 19605,5 հազ. դրամ
գ/ պարսպի կադաստրային արժեքը որոշվում է հետևյալ բանաձևով
Ապր = Ծպ x Ապ x Գմ x Գվ x Գահ x Գգ
Ծպ = 40,0 x ,0 x 0,2 x = 24 խոր.մ
Ապր = 4,0 հազ. դրամ
Գմ = (1999թ -1997թ = 2 տարի) = 1,0
Գվ =1 ,0
Գահ = 0,8
Գգ = 0,8
Արժեքները տեղադրելով կստանանք
Ապր = 24,0 x 4,0 x 1,0 x 1,0 x 0,8 x 0,8 = 61,4 հազ. դրամ.
դ/ Այսպիսով բնակելի տան կադաստրային արժեքը կից կառույցով (պարսպով) կկազմի՝
Ա = Աբտ + Ապր = 19605,5 + 61,4 = 19666,9 հազ.դրամ
որը և հանդիսանում է բնակելի տան հարկման բազան:
ե/ Մետաղյա ավտոտնակի կադաստրային արժեքը որոշվում է օժանդակ բակային կառույցների գնահատման կարգով և հաշվարկվում է հետևյալ բանաձևով
Աօժ = Ծօ x Աշ x Գծ x Գմ x Գվ x Գա x Գն x Գահ x Գտ x Գգ
Ծօժ = 3,5 x 7,0 x 2,4 = 58,8 խոր.մ
Աշ = 40,0 հազ. դրամ
Գձ = 1
Գմ = (1999թ -1990թ = 9 տարի) = 0,95
Գվ = 1,0
Գա = 1,0
Գն = 0,5
Գահ = 1,0
Գտ = 1,0
Գգ = 0,8
Արժեքները տեղադրելով կստանանք
Աօժ = 58,8 x 40,0 x 1,0 x 0,95 x 1,0 x 1,0 x 0,5 x 1,0 x 1,0 x 0,8 = 893,8 հազ. դրամ.
որը և հանդիսանում է առանձին կանգնած ավտոտնակի հարկման բազան:
V. ԵԶՐԱՓԱԿԻՉ ԴՐՈՒՅԹՆԵՐ
5.1. Կառույցների գնահատումը յուրաքանչյուր միավորի համար կատարվում է առանձին:
5.2. Ավտոտնակները գնահատվում են բնակելի տանը կից օժանդակ բակային կառույցների գնահատման կարգով:
5.3. Մետաղյա շինությունների գնահատման համար որպես ընդհանուր ծավալի 1,0 խոր. մետրի միջին արժեք է ընդունվում տուֆե շինության միավորի արժեքը, այսինքն 40,0 հազ. դրամ:
|
|
,,ԳՐԱՆՑՎԱԾ Է,,
ԼՂՀ արդարադատության պետական
վարչության կողմից
,,04,, հունիսի 1999թ. № 75
ԼՂՀ արդարադատության
պետվարչության պետ
______________Ռ. ՀԱՅՐԱՊԵՏՅԱՆ |