ք. Ստեփանակերտ

ԼՂՀ տարածքում շենքերի և շինությունների դասակարգման

Հրահանգը հաստատելու մասին

,,Գույքահարկի մասին,, ԼՂՀ օրենքի 5-րդ հոդվածի 2-րդ կետի և ԼՂՀ կառավարության 30 մարտի 1999թ-ի ,,Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիտորինգ) իրականացման մասին,, թիվ 63 որոշման համաձայն ԼՂՀ-ի տարածքում գտնվող շենքերի և շինությունների հաշվառման, կադաստրային գնահատման (հարկման բազան որոշելու համար) և պետական գրանցման նպատակով

Հ Ր Ա Մ Ա Յ ՈՒ Մ ԵՄ.

Հ ա ս տ ա տ ե լ  Լեռնային Ղարաբաղի Հանրապետության տարածքում շենքերի և շինությունների դասակարգման մասին 7 մայիսի 1999 թվականի թիվ 7-01/07 ՀՐԱՀԱՆԳԸ:

1. Սույնով սահմանվում է ԼՂՀ-ի տարածքում շենքերի և շինությունների ստորաբաժանումը, դասակարգումը ըստ նպատակային նշանակության և օգտագործման նպատակի ու գործառնական նշանակությունը:

2. Շենքերը և շինություններ ըստ նախասահմանման ստորաբաժանվում են.

    ՔԱՂԱՔԱՑԻԱԿԱՆ շենքերի և շինությունների.

    ԱՐՏԱԴՐԱԿԱՆ շենքերի և շինությունների.

    ԻՆԺԻՆԵՐԱԿԱՆ շենքերի և շինությունների.

3. Շենքերը և շինությունները կախված նպատակային նշանակությունից դասակարգվում են.

4. Շենքերը և շինությունները կախված նպատակային նշանակությունից և օգտագործման նպատակից դասակարգվում են.

5. Շենքերի և շինությունների գործառնական նշանակության անվանացանկը.

6. Հիմնական հասկացություններ

6.1. ՇԵՆՔ – վերգետնյա փակ ծավալ կազմող շինարարական կառույց, որի մեջ զետեղված (տեղավորված, տեղաբաշխված) են տարբեր նշանակության տարածքներ, նախատեսված մարդկանց բազմակողմանի գործունեության (բնակվելու, ժամանակավոր գտնվելու, աշխատանքներ կատարելու) համար, կախված օգտագործման նպատակից:

6.2. ՇԻՆՈՒԹՅՈՒՆ – ստորերկրյա կամ վերերկրյա ծավալային, հարթածավալային կամ գծային շինարարական կառույց, նախատեսված տարբեր տեսակի աշխատանքային պրոցեսների կատարման, նյութերի, շինվածքների ու սարքավորումների տեղադրման կամ պահեստավորման, մարդկանց ու բեռների տեղափոխման, պաշտպանական, տեխնիկական և այլ նպատակների համար:

6.3. ԿԱՌՈՒՅՑ – կառուցվածք (կառուցվող) շենք կամ շինություն:

6.4. ՔԱՂԱՔԱՑԻԱԿԱՆ շենք կամ շինություն - նախատեսված մարդկանց (բնակչության) բնակվելու, կենցաղային սպասարկման, սոցիալական, հասարակական, մշակույթային, տնտեսական և այլ պահանջմունքների բավարարման համար:

6.5. ԲՆԱԿԵԼԻ շենք կամ շինություն - նախատեսված մարդկանց (բնակչության) մշտական ապրելու համար, երկար ժամկետով:

6.6. ԲԱԶՄԱԲՆԱԿԱՐԱՆ ԲՆԱԿԵԼԻ ՇԵՆՔ – մեկից ավելի առանձին բնակարաններ ունեցող կառույց:

6.7. ԲՆԱԿԵԼԻ ՏՈՒՆ – նախատեսված բնակվելու համար, մեկ կամ մի քանի ընտանիքի պատկանող, բնակավայրի տարածքում առանձին հողամասի վրա կառուցված, առանձին փոստային համար ունեցող, բաղկացած բնակելի և օժանդակ մասերից, մեծամասամբ օժտված կոմունալ հարմարություններով և կից տնտեսական և օժանդակ բակային կառույցներով կառույց:

6.8. ԱՌԱՆՁՆԱՏՈՒՆ - նախատեսված բնակվելու համար, մի ընտանիքի պատկանող առանձին տուն (առավելապես հողամասով):

6.9. ԱՅԳԵՏՆԱԿ (ԱՄԱՌԱՆՈՑԱՏՈՒՆ) – այգեգործական զանգվածում, հիմնական բնակության վայրից դուրս, առանձին հողամասի վրա կառուցված, իր տնտեսական շինություններով կառույց:

6.10. ՏՆՏԵՍԱԿԱՆ ԵՎ ՕԺԱՆԴԱԿ բակային կառույցներ – նախատեսված տնտեսությունը վարելու (տնտեսության հետ կապված) կամ տնտեսությանն օժանդակելու համար այն շենքերը և շինությունները, որոնք նույն հողամասի վրա գտնվող հիմնական կառույցների նկատմամբ ունեն երկրորդական նշանակություն:

6.11. ՀԱՍԱՐԱԿԱԿԱՆ շենք կամ շինություն – նախատեսված տարբեր տեսակի հիմնարկությունների, ձեռնարկությունների և կազմակերպությունների գործունեության համար, նպատակաուղղված բնակչության սոցիալական, կենցաղային, կուլտուրայի և արվեստի, կոմունալ, կրթական և այլ պահանջմունքների բավարարման համար:

6.12. ԱՐԴՅՈՒՆԱԲԵՐԱԿԱՆ շենքեր և շինություններ – նախատեսված արդյունաբերական արտադրության ապրանքների նկատմամբ մարդկանց (բնակչության) պահանջմունքների բավարարման համար:

6.13. ԳՅՈՒՂԱՏՆՏԵՍԱԿԱՆ շենք կամ շինություն – նախատեսված գյուղատնտեսության պահանջների և գյուղատնտեսական արտադրության մթերքների նկատմամբ մարդկանց (բնակչության) պահանջմունքների բավարարման համար:

6.14. ՀԻՄՆԱԿԱՆ ԿԱՌՈՒՅՑ – այն կառույցը, որը նույն հողատարածքի վրա գտնվող այլ շինությունների կամ շենքերի շարքում հանդիսանում է իշխողը (գլխավորը) շինվածքի հիմնավորության, ճարտարապետական հորինվածքի և նպատակային նշանակության հատկանիշներից ելնելով:

Նույն հողատարածքի վրա կարող են տեղադրված լինել մեկից ավելի հիմնական կռույցներ:

6.15. ԿՑԱԿԱՌՈՒՅՑ – շինության արտաքին հիմնապատերի ուրվագծից դուրս գտնվող այն մասը, որը շինության նկատմամբ օժանդակ է, ունի վերջինիս հետ մեկ կամ ավելի ընդհանուր հիմնապատ և հիմնականում հաղորդակցվում են հիմնական շենքի հետ:

Կցակառույց կարող են լինել խոհանոցները, բնակելի սենյակները, նախասենյակները, փակ և բաց պատշգամբները:

Ջեռուցվող կցակառույցների մակերեսը հաշվառվում է բնակարանի ընդհանուր տարածքում:

6.16. ԱՎՏՈՏՆԱԿ – ավտոտրանսպորտային միջոցների կայանման համար նախատեսված շինություն:

7. Բնակելի կառույցները հիմնականում իրենց մեջ ընդգրկում են հետևյալ տարածքները.

- ԲՆԱԿԱՐԱՆ – որևէ շենքում մի ընտանիքի բնակվելուն հատկացված մաս:

- ԲՆԱԿԵԼԻ ՍԵՆՅԱԿ – բնակարանի կամ կառույցի մեջ ամեն մի առանձին բաժանմունք, մյուսներից անջատված խուլ պատերով կամ միջնորումներով, դռնով և պատուհանով ու նախատեսված աշխատելու, բնակվելու, ճաշելու, քնելու, հանգստի համար:

- ԲՆԱԿԱՐԱՆԻ ՕԺԱՆԴԱԿ ՄԱԿԵՐԵՍ – օժանդակ տարածքների (նախասենյակ, միջանցք, խոհանոց, լողարան, զուգարան, բաց պատշգամբ և այլն) մակերեսների գումարը:

- ԲՆԱԿԱՐԱՆԻ ԸՆԴՀԱՆՈՒՐ ՄԱԿԵՐԵՍ – բնակելի և օժանդակ մակերեսների գումարը:

- ՆԱԽԱՍԵՆՅԱԿ – բնակարանի առջևում գտնվող փոքր սենյակ, որտեղից մտնում են մյուս սենյակները, որն ունի անմիջական ելք դեպի աստիճանավանդակ կամ ընդհանուր օգտագործման միջանցք:

- ՄԻՋԱՆՑՔ – շենքի ներսում երկար տարածություն նույն հարկի բնակարանները իրար հետ կապելու համար կամ սենյակների միջև հաղորդակցության միջոց:

- ՆԿՈՒՂ – գետնի մեջ խորացող կառույց, որի հատակի նիշը ցածր է հողի հատակագծային նիշից, հարկի բարձրության կեսից ավելի չափով:

- ԿԻՍԱՆԿՈՒՂ – գետնի մեջ խորացող կառույց, որի հատակի նիշը ցածր է հողի հատակագծային նիշից, հարկի բարձրության կեսից ոչ աավելի չափով:

- ՎԵՐԳԵՏՆՅԱ – գետնից վերև գտնվող կառույց, որի հատակի նիշը բարձր կամ հավասար է հողի հատակագծային նիշից:

- ՏԵԽՆԻԿԱԿԱՆ ՀԱՐԿ – նախատեսվում է սարքավորումների և ինժիներական հաղորդակցման ուղիների տեղադրման համար: Կարող է գտնվել շենքի ստորին (հիմնականում նկուղային կամ կիսանկուղային), վերին (տեխնիկական վերնահարկ) մասում կամ միջնամասում:

- ՎԵՐՆԱՀԱՐԿ – տան վերևի հարկը (վերնատուն), տանիքի ծածկույթի, արտաքին պատերի և նախավերջին հարկի ծածկի միջև պարփակված տարածությունը:

- ԿԻՍԱՎԵՐՆԱՀԱՐԿ – այն է, ինչ վերնահարկը, բայց մակերեսը փոքր է ստորին հարկի մակերեսից:

- ՁԵՂՆԱՀԱՐԿ – տան ամենավերին, տանիքի տակ եղած հարկը:

- ՄԱՆՍԱՐԴ – ձեղնահարկի տարածության մեջ տեղադրվող օգտագործելի տարածք, նախատեսված բնակության, ծառայողական, ստեղծագործական և այլ նպատակների համար:

- ԼՈՒՍԱՍԵՆՅԱԿ – ձեղնահարկի ուրվագծային չափերի մեջ ներկառուցված տարածություն, որը չի փոփոխում տանիքի շրջագիծը:

- ՍՐԱՀ – ընդարձակ սենյակ, դահլիճ:

- ՎԵՐՆԱՍՐԱՀ – տան վերնամասը գրավող մի հարթակ է, որը նախատեսված է նրա մակերեսի մեծացմանը:

- ՊԱՏՇԳԱՄԲ – տանը կցակառուցված (պատերի արտաքին կողմից կառուցված) կամ ներկառուցված բաց (որոշ դեպքերում վանդակապատ) կամ փակ (ապակեպատ) տարածություն (սրահակ):

- ՏԵՐԱՍԱ – բաց կամ ծածկված, հանգստի համար նախատեսված հարթակի տեսքով կցակառույց, որը տեղադրվում է գետնին կամ ստորին հարկի վրա և հաղորդակցվում է տան հետ դռան միջոցով:

- ՍՅՈՒՆԱՍՐԱՀ – կառույցի ծավալի մեջ մեկ կողմից բաց (արտաքին պատի փոխարեն սյունաշար, կամարաշար) պատշգամբ կամ նախամուտք:

- ԷՐԿԵՐ – շենքի ճակատի հարթությունից դուրս եկած (մասամբ կամ ամբողջությամբ ապակեպատ, կիսաբոլոր, եռանկյունի կամ բազմանիստ) ելուստ:

- ՆԱԽԱՍՐԱՀ – շինության մուտքին հարող տարածք:

- ՆԱԽԱՄՈՒՏՔ – դռների միջև ընկած միջանցիկ տարածք, որը պաշտպանում է շինության մուտքը, աստիճանավանդակը և ներքին տարածությունը արտաքին սառն օդից և այլն:

8. Բնակելի ֆոնդում ներառվում են նաև բարաքները, որը բնակության համար նախատեսված շինություն է, մեկ կամ երկու հարկանի, ընդհանուր խոհանոցով, սանհանգույցով, որպես կանոն փայտաշեն և նախատեսված կարճատև (10-20 տարի) ծառայության համար:

9. Սույն հրահանգը կազմված է ,,Գույքահարկի մասին,, ԼՂՀ օրենքի 5-րդ հոդվածի 2-րդ կետի և ԼՂՀ կառավարության 30 մարտի 1999թ-ի ,,Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիտորինգ) իրականացման մասին,, թիվ 63 որոշման համաձայն ԼՂՀ-ի տարածքում գտնվող շենքերի և շինությունների հաշվառման, կադաստրային գնահատման (հարկման բազան որոշելու համար) և պետական գրանցման նպատակով: