ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2008 թվականի մարտի 18-ի «Երեխաների խնամք և պաշտպանություն իրականացնող հաստատությունում (մանկատուն, գիշերօթիկ) երեխաների տեղավորման կարգը հաստատելու մասին» N 224 որոշման մեջ կատարել հետևյալ փոփոխությունները.

1) որոշման N 1 հավելվածի 9-րդ կետում և N 2 հավելվածի 7-րդ կետում «սոցիալական ապահովության նախարարություն» բառերը փոխարինել «աշխատանքի և սոցիալական հարցերի նախարարություն» բառերով.

2) որոշման N 2 հավելվածի 13-րդ կետը շարադրել հետևյալ խմբագրությամբ`

«13. Գիշերօթիկ հաստատությունում տեղավորված երեխան գիշերօթիկ հաստատությունից դուրս է գրվում ծնողների դիմումի և երեխայի տեղավորման պայմանների և հանգամանքների վերացումը հաստատող փաստաթղթերի հիման վրա` ծնողների բնակության վայրի շրջանի վարչակազմի (Ստեփանակերտի քաղաքապետարանի) դրական եզրակացությամբ և նախարարության համաձայնությամբ:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: