ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՀԱՐԿԱՅԻՆ ՊԵՏԱԿԱՆ ՎԱՐՉՈՒԹՅՈՒՆ
Հ Ր Ա Մ Ա Ն
|
«19» ապրիլի 1999թ. |
թիվ 04 |
«Շահութահարկի մասին» Լեռնային Ղարաբաղի Հանրապետության օրենքին համաձայն հարկի հաշվարկման և վճարման որոշ հարցերի վերաբերյալ հրահանգչական նամակը հաստատելու մասին
Ի կատարումն «Շահութահարկի մասին» Լեռնային Ղարաբաղի Հանրապետության օրենքի 69 հոդվածի
Հ Ր Ա Մ Ա Յ ՈՒ Մ Ե Մ
Հաստատել «Շահութահարկի մասին» Լեռնային Ղարաբաղի Հանրապետության օրենքին համաձայն հարկի հաշվարկման և վճարման որոշ հարցերի վերաբերյալ հրահանգչական նամակը:
|
Հարկային պետական
վարչության պետ |
Ս. ԱՌՈՒՇԱՆՅԱՆ |
| |
Հաստատված է
ԼՂՀ հարկային պետական վարչության
«19» ապրիլի 1999թ.
թիվ 04 հրամանով |
Հ Ր Ա Հ Ա Ն Գ Չ Ա Կ Ա Ն Ն Ա Մ Ա Կ
«Շահութահարկի մասին» Լեռնային Ղարաբաղի Հանրապետության օրենքին համաձայն հարկի հաշվարկման և վճարման որոշ հարցերի վերաբերյալ
Սույն հրահանգչական նամակը մշակված է «Շահութահարկի մասին» ԼՂՀ օրենքի 69 հոդվածով և նպատակ ունի պարզաբանել ռեզիդենտների կողմից շահութահարկի հաշվարկման և վճարման կարգին վերաբերող որոշ հարցեր:
1. Շահութահարկ վճարող Լեռնային Ղարաբաղի Հանրապետության ռեզիդենտներն (այսուհետ` հարկատուներ) իրենց հաշվառման վայրի շրջանային (քաղաքային) հարկային տեսչությանը յուրաքանչյուր եռամսյակի արդյունքներով մինչև հաշվետու եռամսյակին հաջորդող ամսվա 25-ը ներկայացնում են շահութահարկի հաշվարկներ:
Հաշվարկված շահութահարկի գումարների վճարումը պետական բյուջե հարկատուները կատարում են մինչև հաշվետու եռամսյակին հաջորդող ամսվա 25-ը ներառյալ:
2. Օրենսդրությամբ սահմանված ձևերով տարեկան հաշվապահական ֆինանսական հաշվետվությունները և հարկերի հաշվարկները հարկատուները իրենց հաշվառման վայրի շրջանային (քաղաքային) հարկային տեսչություններ են ներկայացնում մինչև հաշվետու տարվան հաջորդող տարվա մարտի 25-ը: Հարկատուն տարվա որդյունքներով վճարման ենթակա շահութահարկի գումարը պետական բյուջե է վճարում մինչև տվյալ տարվան հաջորդող տարվա ապրիլի 25-ը ներառյալ:
|
ԼՂՀ հարկային պետական
վարչության պետի տեղակալ |
Հ. ՂԱՀՐԱՄԱՆՅԱՆ |
|
Գրանցված է ԼՂՀ արդարադատության
պետական վարչությունում «15» մայիսի 2000թ.
Պետական գրանցման թիվ 89 |
|