Հիմք ընդունելով «Ավելացված արժեքի հարկի մասին» ԼՂՀ օրենքի 24 հոդվածը, «Շահութահարկի մասին» ԼՂՀ օրենքի 39 հոդվածը և ղեկավարվելով «Ավելացված արժեքի հարկի մասին» ԼՂՀ օրենքի 45 հոդվածով ու «Շահութահարկի մասին» ԼՂՀ օրենքի 69 հոդվածով`       

1. Հաստատել «Ավելացված արժեքի հարկի մասին» ԼՂՀ օրենքի 24 հոդվածի և «Շահութահարկի մասին» ԼՂՀ օրենքի 39 հոդվածի վերաբերյալ» հրահանգը: 

2. Սույն հրահանգի կատարման վերահսկողությունը դնել հարկային պետական վարչության կազմվերահսկողական, հարկերի հաշվառման և գանձումների վարչության պետի վրա:

Համաձայն «Ավելացված արժեքի հարկի մասին» ԼՂՀ օրենքի 24 հոդվածի և «Շահութահարկի մասին» ԼՂՀ օրենքի 39 հոդվածի`

Բնական գազի, էլեկտրական և ջերմային էներգիայի, խմելու և ոռոգման ջրի արտադրության, տեղափոխման և վաճառքի գործարքների, կեղտաջրերի հեռացման և մաքրման, աղբահանության և սանմաքրման ծառայությունների, լարային ռադիոհաղորդումների ծառայությունների, երկաթուղային փոխադրումների, ինչպես նաև պետական գնումները և պետական պատվերը կարգավորող օրենքներին կամ իրավական այլ ակտերին համապատասխան ապրանքների մատակարարման և ծառայությունների մատուցման գծով ԱԱՀ-ի պարտավորության ծագման (բյուջեի օգտին ԱԱՀ հաշվարկման) պահը որոշվում է ապրանքների (աշխատանքների, ծառայությունների) դիմաց վճարման պահով` անկախ իրացման հասույթի որոշման մեթոդներից:

Նշված գործարքների, գործառնությունների և ծառայությունների իրացման դիմաց մասնակի վճարումների դեպքում վճարման հաշվետու ժամանակաշրջանում ԱԱՀ-ի, շահութահարկի վճարումը կատարվում է ստացված գումարներին համամասնորեն:

I կետում նշված գործարքների, գործառնությունների և ծառայությունների գծով ԱԱՀ-ի գծով հաշվապահական հաշվառումը տարվում է 66 «հաշվարկներ բյուջեի հետ հետաձգված հարկերի գծով» հաշվի համապատասխան ենթահաշվով: Այդ հաշվի «բյուջե վճարման ենթակա հետաձգված ԱԱՀ» ենթահաշվի կրեդիտում ընդհանրացվում են իրացված ապրանքների և մատուցված ծառայությունների համար հաշվարկված բյուջե վճարման ենթակա ԱԱՀ-ի գումարները: Դրանց ստացմանը զուգընթաց` դեբետագրվում է 66 հաշվի համապատասխան ենթահաշիվը, թղթակցելով 68 «հաշվարկներ բյուջեի հետ» հաշվի «հաշվարկներ ԱԱՀ-ի գծով» ենթահաշվի կրեդիտի հետ:

Արտադրական և առևտրային նպատակով հանրապետության ներքին տարածքում ձեռք բերված ապրանքների (ներառյալ` հիմնական միջոցների), ոչ նյութական ակտիվների և մատուցված ծառայությունների դիմաց մատակարարների հարկային հաշիվներում առանձնացված ԱԱՀ-ի գումարների հաշվառումը վարում են ընդհանուր սահմանված կարգով` 66 հաշվով: Մատակարարների հարկային հաշիվների վճարմանը զուգընթաց կրեդիտագրվում է 66 հաշիվը` թղթակցելով 68 հաշվի դեբետի հետ: Բյուջե վճարման ենթակա է 68 հաշվի կրեդիտային մնացորդը:

Օրինակ (պայմանական) «Էլեկտրացանց» ձեռնարկությունը հաշվետու եռամսյակում առաքել է էլեկտրաէներգիա` 100 մլն դրամ գումարով, որի նկատմամբ հաշվարկվել է ԱԱՀ` 20 մլն դրամ: Իրացված (առաքված) էլեկտրաէներգիայի դիմաց փաստացի ստացվել է 108 մլն դրամ` այդ թվում ԱԱՀ 18 մլն դրամ: Հաշվետու եռամսյակում մատակարարների հարկային հաշիվներում առանձնացված ԱԱՀ-ի գումարը կազմել է 17 մլն դրամ, որից փաստացի վճարվել է 12.4 մլն դրամ բյուջե վճարման ենթակա է 5.6 մլն դրամ (18.0-12.4):

Ձեռնարկությունը հաշվետու եռամսյակում ԱԱՀ-ի գծով կատարում է հետևյալ հաշվապահական ձևակերպումները`

1. Դտ  46       Կտ 66                            20 մլն դրամ

2. Դտ  66       Կտ 68                           18 մլն դրամ

3. Դտ  66       Կտ 60 (76 և այլն)         17.0 մլն դրամ

4. Դտ  68       Կտ 66                           12.4 մլն դրամ:

I կետում նշված գործարքների, գործառնությունների և ծառայությունների գծով` մինչև դրանց դիմաց վճարման հաշվետու ժամանակաշրջանը հետաձգված հաշվետու տարվա արդյունքներով հաշվարկված շահութահարկի գումարի մասով տրվում է հետևյալ հաշվապահական ձևակերպումը`

Դտ  81                           - «Շահույթի օգտագործում»

Կտ  66/3                        - «Հաշվարկներ բյուջեի հետ հետաձգված հարկերի գծով» հաշվի` «Բյուջե վճարման ենթակա հետաձգված շահութահարկ» ենթահաշիվ

Նշված գործարքների, գործառնությունների և ծառայությունների գծով` իրացման դիմաց վճարման հաշվետու ժամանակաշրջանում (իրացման դիմաց ստացված գումարներին համամասնական մասով) տրվում է հետևյալ հաշվապահական ձևակերպումը`

Դտ 66/3                        - «Հաշվարկներ բյուջեի հետ հետաձգված հարկերի գծով. հաշվի «Բյուջե վճարման ենթակա հետաձգված շահութահարկ» ենթահաշիվը

Կտ  68                          - «Հաշվարկներ բյուջեի հետ»

Նշված գործարքների, գործառնությունների և ծառայությունների գծով հաշվարկված շահութահարկի վճարման ժամանակ տրվում է հետևյալ ձևակերպումը`

Դտ  68                           - «Հաշվարկներ բյուջեի հետ»

Կտ  51 (50, 52 և այլն)   - «Հաշվարկային հաշիվ» («Դրամարկղ», «Արտարժույթային հաշիվ» և այլն)

1999թ. հունվարի 1-ից վերը նշված գործարքներ, գործառնություններ և ծառայություններ իրականացնող տնտեսավարող սուբյեկտները ազատվում են ԱԱՀ-ի և շահութահարկի գծով հաշվարկված, բայց մինչև 2000թ. հուլիսի 1-ը չվճարված տույժերից:

Հարկային մարմնում տույժերից ազատման համար հիմք է ընդունվում ԼՂՀ կառավարության 2000թ. հուլիսի 11-ի թիվ 139 որոշմամբ սահմանված կարգով ներկայացված տեղեկանքը:

Նշված գործարքների, գործառնությունների և ծառայությունների իրացման դիմաց մասնակի վճարումների դեպքում տույժերից ազատվում է միայն չստացված գումարներին համապատասխանող մասի համար:

Հարկային մարմնում ձեռնարկությունների անձնական հաշվի վարման քարտերում կատարվում են համապատասխան ճշգրտումներ` չստացված գումարներին համամասնորեն պակասեցնելով հաշվարկված, բայց մինչև 2000 թ. հուլիսի 1-ը չվճարված տույժերի չափով: