ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ՀՈՒՆՎԱՐԻ 19-Ի N 11-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի համաձայն՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2012 թվականի հունվարի 19-ի «Հիմնական կենսաթոշակի չափը, աշխատանքային ստաժի մեկ տարվա արժեքը և թաղման նպաստի չափը սահմանելու մասին» N 11-Ն որոշման մեջ կատարել հետևյալ փոփոխությունները.

1) 1-ին կետի 1-ին ենթակետում «13000» թիվը փոխարինել «14000» թվով.

2) 1-ին կետի 2-րդ ենթակետում «450 դրամ» բառերը փոխարինել «առաջին տասը տարվա համար՝ 700 դրամ, տասը տարին գերազանցող յուրաքանչյուր տարվա համար՝ 450 դրամ» բառերով:

2. Սույն որոշումն ուժի մեջ է մտնում 2014 թվականի հունվարի 1-ից: