Ո Ր Ո Շ ՈՒ Մ

ք. Ստեփանակերտ

Ղեկավարվելով «Քաղաքացիական ծառայության մասին» ԼՂՀ օրենքի 30-րդ հոդվածի 3-րդ մասով՝ ԼՂՀ քաղաքացիական ծառայության խորհուրդը ո ր ո շ ու մ է.

ԼՂՀ քաղաքացիական ծառայության խորհրդի 2004թ. ապրիլի 26-ի «Քաղաքացիական ծառայողների անձնական գործերը և գրանցամատյանը վարելու կարգը հաստատելու մասին» թիվ 11 որոշմամբ հաստատված հավելվածում կատարել հետևյալ լրացումները և փոփոխությունները.

1/ 5-րդ կետի «նշանակվելիս» բառից հետո լրացնել «կամ քաղաքացիական ծառայության ժամանակավոր թափուր պաշտոն քաղաքացիական ծառայողի կողմից զբաղեցնելիս» բառերը.

2/ 7-րդ կետի՝

ա/ «գ» ենթակետի երկրորդ պարբերության «համապատասխան մարմնի աշխատակազմի ղեկավարի միջոցով տեղյակ է պահում տվյալ մարմնի ղեկավարին» բառերը փոխարինել «տեղյակ է պահում տվյալ պաշտոնում նշանակելու իրավասություն ունեցող պաշտոնատար անձին (մարմնին)» բառերով.

բ/ «է» ենթակետի «համարվող» բառից հետո լրացնել «, ինչպես նաև քաղաքացիական ծառայության ժամանակավոր թափուր պաշտոն զբաղեցնող» բառերը.

գ/ «իզ» ենթակետի «պարտադիր գործուղման, քաղաքացիական ծառայության կադրերի ռեզերվում գրանցելու և ռեզերվից» բառերը փոխարինել «քաղաքացիական ծառայության կադրերի կարճաժամկետ ռեզերվում գրանցելու և կադրերի կարճաժամկետ ռեզերվից» բառերով.

3/ 17-րդ կետի, 27-րդ կետի և 29-րդ կետի «գ» ենթակետի «կադրերի» բառից հետո լրացնել «կարճաժամկետ» բառը.

4/ 23-րդ կետի «, «բ» և «ը» բառերը փոխարինել «և «բ» բառերով.

5/ հավելվածը լրացնել հետևյալ բովանդակությամբ նոր 23¹-րդ կետով.

«23¹. Քաղաքացիական ծառայության ժամանակավոր թափուր պաշտոն ժամկետային աշխատանքային պայմանագրով զբաղեցնող անձանց անձնական գործերի վարումը համապատասխան մարմինների կադրային ստորաբաժանումներն իրականացնում են սույն կարգի պահանջներին (բացառությամբ սույն կարգի 7-րդ կետի «ա», «բ», «թ», «ժ», «ի» և «իզ» (բացի ժամկետային աշխատանքային պայմանագրի դրույթի) ենթակետերի) համապատասխան:».

6/ 24-րդ կետի երկրորդ պարբերության և 31-րդ կետի «կադրերի» բառից հետո լրացնել «կարճաժամկետ», իսկ «ռեզերվից» բառից առաջ՝ «կադրերի կարճաժամկետ» բառերը: