ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2002 թվականի հունիսի 25-ի ««Լիցենզավորման մասին» Լեռնային Ղարաբաղի Հանրապետության օրենքի կիրարկումն ապահովելու մասին» N 128 որոշման (այսուհետ` Որոշում) մեջ կատարել հետևյալ փոփոխությունները և լրացումները.

1) Որոշման 1-ին կետի 3-րդ ենթակետից հանել «2-րդ,», 4-րդ ենթակետից` «և 9-րդ» և 7-րդ ենթակետից` «13-րդ բաժնի 1-ին,» բառերը.

2) ուժը կորցրած ճանաչել Որոշման 1-ին կետի 5-րդ, 8-րդ, 11-րդ, 12-րդ և 14-րդ ենթակետերը.

3) Որոշման 1-ին կետի 9-րդ ենթակետը «կետերով» բառից հետո լրացնել «և 16² -րդ բաժնի 1-ին և 2-րդ կետերով» բառերով.

4) Որոշման 6-րդ կետից հետո լրացնել հետևյալ բովանդակությամբ 6¹-ին կետ.

«6¹. «Լիցենզավորման մասին» ԼՂՀ օրենքով նախատեսված լիցենզավորող մարմիններին` մինչև յուրաքանչյուր եռամսյակին հաջորդող ամսվա 15-ը Լեռնային Ղարաբաղի Հանրապետության ֆինանսների և էկոնոմիկայի նախարարություն ներկայացնել տեղեկատվություն լիցենզիաների տրման, գործողության երկարաձգման, վերաձևակերպման, գործունեության իրականացման վայրի փոփոխության վերաբերյալ` նշելով`

ա) լիցենզավորված իրավաբանական անձի դեպքում` անվանումը, գտնվելու վայրը, լիցենզավորված անհատ ձեռնարկատիրոջ դեպքում` անունը, ազգանունը և բնակության վայրը,

բ) լիցենզավորման ենթակա գործունեության իրականացման վայրը (նշվում է, եթե սահմանված կարգով լիցենզավորման ենթակա գործունեությունը պետք է իրականացվի միայն համապատասխան վայրում),

գ) լիցենզավորման ենթակա գործունեության տեսակը,

դ) լիցենզիայի համարը և այն տալու ամսաթիվը:»:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: