| |
Գրանցված է
Լեռնային Ղարաբաղի Հանրապետության արդարադատության նախարարության կողմից
«12» մարտի 2005թ.
Պետական գրանցման թիվ 367
ԼՂՀ արդարադատության նախարար
______________ Ռ. Հայրապետյան |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
|
«4» մարտի 2005թ. |
Թիվ 4/34 |
ք.Ստեփանակերտ
Ո Ր Ո Շ ՈՒ Մ
ԶԱՆԳՎԱԾԱՅԻՆ ԼՐԱՏՎՈՒԹՅԱՆ ՄԻՋՈՑՆԵՐԻ ՆԵՐԿԱՅԱՑՈՒՑԻՉՆԵՐԻՆ ՀԱՎԱՏԱՐՄԱԳՐԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով Լեռնային Ղարաբաղի Հանրապետության ընտրական օրենսգրքի 42-րդ հոդվածի 1-ին մասի 13-րդ կետով՝ Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ո ւ մ է.
Սահմանել զանգվածային լրատվության միջոցների ներկայացուցիչներին հավատարմագրելու կարգը՝ համաձայն հավելվածի:
|
ԼՂՀ կենտրոնական ընտրական
հանձնաժողովի նախագահ՝ |
Ս. Նասիբյան |
| |
Հավելված
ԼՂՀ ԿԸՀ 2005թ.
մարտի 4-ի
թիվ 4/34 որոշման |
Կ Ա Ր Գ
Զանգվածային լրատվության միջոցների ներկայացուցիչներին հավատարմագրելու
1. Սույնով սահմանվում է կենտրոնական և ընտրատարածքային ընտրական հանձնաժողովներում զանգվածային լրատվության միջոցների ներկայացուցիչներին հավատարմագրելու կարգը:
2. Ընտրական հանձնաժողովների աշխատանքները լուսաբանելու իրավունք ունեն ԼՂՀ արդարադատության նախարարության համակարգում գործող ԼՂՀ լրատվության միջոցների վարչական ռեգիստրում հաշվառված (արտասահմանյան ԶԼՄ-ների համար՝ ԼՂՀ արտաքին գործերի նախարարությունում հաշվառված) զանգվածային լրատվության միջոցների ներկայացուցիչները՝ կենտրոնական և ընտրատարածքային ընտրական հանձնաժողովներում հավատարմագրվելուց հետո:
3. Յուրաքանչյուր հեռուստաընկերություն կարող է հավատարմագրման ներկայացնել երկու լրագրողի և մեկ օպերատորի:
4. Յուրաքանչյուր ռադիոընկերություն կարող է հավատարմագրման ներկայացնել երկու լրագրողի և մեկ լուսանկարչի:
5. Թերթերի խմբագրությունները կարող են հավատարմագրման ներկայացնել երկու լրագրողի և մեկ լուսանկարչի:
6. Զանգվածային լրատվության միջոցների ներկայացուցիչները կենտրոնական և ընտրատարածքային ընտրական հանձնաժողովներում հավատարմագրվելու համար ներկայացնում են՝
ա) ԼՂՀ արդարադատության նախարարության համակարգում գործող ԼՂՀ լրատվության միջոցների վարչական ռեգիստրում հաշվառված լինելու մասին տեղեկանքի պատճենը,
բ) հավատարմագրվող լրատվամիջոցի ղեկավարի ստորագրությամբ և կնիքով գրություն, որտեղ պետք է նշվի հավատարմագրվող ներկայացուցիչների անունը, հայրանունը, ազգանունը, պաշտոնը և մեկ լուսանկար:
Արտասահմանյան զանգվածային լրատվության միջոցների ներկայացուցիչները կենտրոնական ընտրական հանձնաժողովում հավատարմագրվելու համար ներկայացնում են ԼՂՀ արտաքին գործերի նախարարության կողմից տվյալ զանգվածային լրատվության միջոցի հաշվառման վերցնելու մասին փաստաթղթի պատճենը:
7. Հավատարմագիրը տրվում է մեկ տարի ժամկետով:
|
ԼՂՀ կենտրոնական ընտրական
հանձնաժողովի քարտուղար՝ |
Ռ. Նազարյան |