ք.Ստեփանակերտ

Համաձայն «Դատական ակտերի հարկադիր կատարումն ապահովող ծառայության մասին» Լեռնային Ղարաբաղի Հանրապետության օրենքի 28-րդ հոդվածի

1. Հաստատել հարկադիր կատարողի համազգեստի, տարբերանշանների, խորհրդանշանի նկարագիրը, դրանք կրելու և հատկացնելու կարգը` համաձայն հավելվածի:

1.1. Գլխարկը սև կտորից է, սև թավշյա գլխարկաբոլորքով, գլխարկագագաթի և գլխարկաբոլորքի եզրով ոսկեգույն /դեղնավուն/, 2,5մմ եզրաշերտով: Գլխարկաբոլորքի վրա երկու ոսկեգույն կոճակներով ամրացվում է ցանցահյուսազարդով երկշերտ հյուսված կապը /քուղը/ և ոսկեզօծված գլխարկանշանը: Գլխարկանշանը` ոսկեգույն, կաղնու տերևներով երիզված Լեռնային Ղարաբաղի Հանրապետության զինանշանի պատկերով, ամրացվում է գլխարկի կենտրոնում:

Գլխարկահովհարը սև է, լաքապատ: Բարձրագույն խմբի հատուկ կոչում ունեցող աշխատակիցների գլխարկահովհարից վերև գլխարկաբոլորքի վրա, բացի ոսկեզօծ լարահյուսից և Լեռնային Ղարաբաղի Հանրապետության զինանշանից, ամրացվում /ասեղնագործվում/ է կաղնու ճյուղերի տեսքով երկու համաչափ ոսկեկար զարդ:

1.2. Բաճկոնը առաջատար խմբի պաշտոններ զբաղեցնող աշխատակիցների կամ արդարադատության լեյտենանտից-կապիտան հատուկ կոչում ունեցող աշխատակիցների համար միակոճկուն է` Լեռնային Ղարաբաղի Հանրապետության զինանշանի պատկերով 4 ոսկեզօծ կոճակներով, մարմինը կիսագրկող, հարթ մակերեսներով, հետծալված օձիքով և սովորական երկկարանի թևքերով, թիկնամասի ներքևում կտրվածքով: Բաճկոնը կողքերից ունենում է կափույրով ծածկվող կտրվածքով գրպաններ, իսկ կրծքի մասում` կտրվածքով գրպան: Բարձրագույն և գլխավոր խմբի արդարադատության մայորից-գեներալ-լեյտենանտ հատուկ կոչում ունեցող աշխատակիցների համար` երկփեղկանի բաճկոն, թիկնամասի ներքևում առանց կտրվածքի: Բարձրագույն և գլխավոր խմբի կամ արդարադատության գնդապետ և բարձր հատուկ կոչում ունեցող աշխատակիցների համազգեստը կարվում է սև գույնի գաբարդինից, գլխավոր և առաջատար խմբի հատուկ կոչում ունեցող մնացած աշխատակիցներինը` սև կոստյումի կտորից: Բաճկոնի օձիքը և թևածալքերը` ոսկեգույն /դեղնավուն/ եզրաշերտով է` 2,5մմ լայնությամբ: Բարձրագույն խմբի հատուկ կոչում ունեցող աշխատակիցների համար կարվում է նաև տոնական բաճկոն` սպիտակադեղնավուն գաբարդինից, որի բաճկոնի օձիքը և թևածալքերը մուգ կարմրավուն եզրաշերտով է` 2,55մմ լայնությամբ:

1.3. Տաբատը սև կտորից է, ուղիղ, առանց ծալքերի: Բարձրագույն, գլխավոր և առաջատար խմբի հատուկ կոչում ունեցող աշխատակիցների համար ոսկեգույն /դեղնավուն/ եզրաշերտով: Բարձրագույն խմբի հատուկ կոչում ունեցող աշխտակիցների համար տաբատի վրա եզրաշերտից 5մմ հեռավորությամբ կարվում է մուգ կարմրավուն վրակարվածք` 22մմ լայնությամբ շերտով, տաբատի ողջ երկայնքով: Բարձրագույն խմբի հատուկ կոչում ունեցող աշխատակիցների տոնական տաբատի վրա եզրաշերտը մուգ կարմրավուն է:

1.4. Կոշիկները /կիսակոշիկները/ սև են, բարձրագույն և գլխավոր խմբի հատուկ կոչում ունեցող աշխատակիցներինը` այծակաշվե /շևրոյե/, իսկ առաջատար խմբի հատուկ կոչում ունեցող աշխատակիցների համար` քրոմակաշվե:

1.5. Վերնաշապիկը սպիտակ է, փափուկ կամ կոշտ օձիքով: Որպես ամառային համազգեստ բաճկոնի փոխարեն վրադիր վերնաշապիկ` երկար և կարճ թևքերով: Փողկապը սև է: Կարճ թևքերով վերնաշապիկը կրվում է առանց փողկապի:

1.6. Կիսավերարկուն միակոճկուն է` 4 կոճակներով` արհեստական մորթուց օձիքով, սև գույնի դրապից: Բարձրագույն խումբը կրում է երկփեղկանի վերարկու` 3 կոճակներով, կարակուլե օձիքով, թիկնամասի ներքևում` կտրվածքով, սև գույնի դրապից:

1.7. Ուսադիրները կրում են վերնաշապիկի, բաճկոնի, կիսավերարկուի և վերարկուի վրա: Օձիքների անկյունում /բացի վերնաշապիկից/ տեղադրվում է ծառայության խորհրդանշանը /վահան, հետևի պլանում պատկերված սուր, կաղնու տերևներով երիզված/ 30մմ բարձրությամբ, 20մմ լայնությամբ: Բարձրագույն խմբի հատուկ կոչում ունեցող աշխատակիցների բաճկոնի օձիքի անկյունները եզրազարդվում են ոսկեզօծ ասեղնագործված դափնու տերևներով:

Կանանց համար բաչկոնի ձևը նույնն է, կոճկվում է դեպի ձախ, տրվում են կիսաշրջազգեստ և կոշիկներ:

Ծառայության խորհրդանշանը էլիպսաձև է, բարձրությունը` 97մմ, լայնությունը` 85մմ, կարվում է վերնաշապիկի, բաճկոնի, կիսավերարկուի և վերարկուի ձախ թևքին` ուսակարից 70մմ ներքև /Ձև 5 կցվում է/:

Խորհրդանշանը` ոսկեգույն արծիվ, որի մագիլների մեջ տեղադրված է կապտավուն գիրք բացված վիճակում, կշեռքի նժարների սպիտակ պատկերով: Արծվի հետևի պլանում պատկերված է սպիտակ սուր: Պատկերը եզրազարդված է ստորին մասի ժապավենից մինչև արծվի թևերի միջնամասը հասնող ոսկեգույն կաղնու տերևներով: Արտաքին շրջագծում ոսկեգույն տառերով գրված. /Հարկադիր կատարման ծառայություն-Լեռնային Ղարաբաղ/ բառերը:

Հատուկ կոչումների տարբերանշաններ են ծառայում ուսադիրները:

Կիսափափուկ ուսադիրն իրենից ներկայացնում է ձգված վեցանկյուն, երկարավուն զուգահեռ կողմերով, որի ներքևի վերջնամասում ուղղանկյուն է, իսկ վերևինը վերջանում է ստորին եզրին զուգահեռ բութանկյուն կտրվածքով: Ուսադրի երկարությունը 110-120մմ է, լայնությունը` բարձրագույն խմբի հատուկ կոչում ունեցող անձանց համար 45մմ է, իսկ գլխավոր և առաջատար խմբերի հատուկ կոչումներ ունեցողներինը` 40մմ: Ուսադիրների եզրերը, բացի ստորինից, երիզվում են 2,5մմ լայնությամբ, ոսկեգույն /դեղնավուն/ մահուդե աստառի վրա: Ուսադիրները պատրաստվում են սև գույնի գործվածքից, մահուդի աստառի վրա: Արդարադատության գնդապետի, փոխգնդապետի, մայորի ուսադիրները 2 ոսկեգույն /դեղնավուն/ լուսաշերտով է, իսկ կապիտանի, ավագ լեյտենանտի և լեյտենանտի ուսադիրները` 1 ոսկեգույն /դեղնավուն/ լուսաշերտով:

Ուսադիրներն ամրացվում են մեկական ոսկեգույն կոճակով:

3.1. Արդարադատության գնդապետի, փոխգնդապետի, մայորի, կապիտանի, ավագ լեյտենանտի և լեյտենանտի ուսադիրները.

3.1.1. Արդարադատության գնդապետի ուսադիրներին ամրացվում է 3 ոսկեզօծ հնգաթև աստղ` 20մմ տրամագծով /որոնցից 2-ը լուսաշերտերի վրա, 1-ը` լուսաշերտերի մեջտեղում/: Հեռավորությունը ներքևի եզրագծից մինչև 2 աստղերի կենտրոնները` 30մմ, 2 աստղերի կենտրոնները միացնող գծից մինչև 3-րդ աստղի կենտրոնը` 25մմ:

3.1.2. Արդարադատության փոխգնդապետի ուսադիրներին ամրացվում է լուսաշերտերի վրա 2 ոսկեզօծ հնգաթև աստղ` 20մմ տրամագծով, հեռավորությունը ներքևի եզրագծից մինչև աստղերի կենտրոնները` 30մմ, աստղերի հեռավորությունը` 25մմ:

3.1.3. Արդարադատության մայորի ուսադիրներին ամրացվում է 1 ոսկեզօծ հնգաթև աստղ` 20մմ տրամագծով լուսաշերտերի մեջտեղում, ներքևի եզրագծից մինչև աստղերի կենտրոնը` 45մմ հեռավորությամբ:

3.1.4. Արդարադատության կապիտանի ուսադիրներին ամրացվում են 4 ոսկեզօծ հնգաթև աստղ` 13մմ տրամագծով, /որոնցից 2-ը` ներքևի եզրագծից 30մմ, լուսաշերտի 2 կողմերում` աստղերի կենտրոնների մինչև 25մմ հեռավորությամբ, 2-ը լուսաշերտերի վրա, աստղերի կենտրոնները միացնող գծից 25-ական մմ հեռավորության վրա/:

3.1.5. Արդարադատության ավագ լեյտենանտի ուսադիրներին` 3 ոսկեզօծ աստղ` 13մմ տրամագծով, /որոնցից 2-ը` ներքևի եզրագծից 30մմ, աստղերի կենտրոնների մինչև 25մմ հեռավորությամբ, 3-ը լուսաշերտի վրա, աստղերի կենտրոնները միացնող գծից 25մմ հեռավորության վրա/:

3.1.6. Արդարադատության լեյտենանտի ուսադիրներին` 2 ոսկեզօծ աստղ` 13մմ տրամագծով, ներքևի եզրագծից 30մմ, մինչև աստղերի կենտրոնների միջև 25մմ հեռավորությամբ:

Ուսադիրներն ամրացվում են մեկական ոսկեգույն կոճակով: Հանովի ուսադիրների վրա տեղադրվում է նաև ծառայության խորհրդանիշը:

Համազգեստի ձևերը, տրման նորմաները և օգտագործման ժամկետները հաստատված են Լեռնային Ղարաբաղի Հանրապետության կառավարության 2004թ. նոյեմբերի 26-ի թիվ 461 որոշմամբ: