ԼՂՀ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ

ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն  №  122

ՀԱՄԱՊԱՏԱՍԽԱՆՈՒԹՅԱՆ ՍԵՐՏԻՖԻԿԱՏԻ ԵՎ ՀԱՄԱՊԱՏԱՍԽԱՆՈՒԹՅԱՆ ՀԱՅՏԱՐԱԳՐԻ ՁԵՎԵՐԸ ԵՎ ԴՐԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Համապատասխանության գնահատման մասին» Լեռնային Ղարաբաղի Հանրապետության օրենքի 11 -րդ հոդվածի 1-ին մասով

Հ Ր Ա  Մ Ա Յ Ո Ւ Մ  Ե Մ `

1. Սահմանել`

ա/ արտադրանքի համապատասխանության սերտիֆիկատի և դրա մաքսային օրինակի ձևերը համաձայն Ձև 1 և Ձև 2-ի,

բ/ արտադրանքի համապատասխանության հայտարագրի և դրա մաքսային օրինակի ձևերը համաձայն Ձև 3 և Ձև 4-ի,

գ/ արտադրանքի համապատասխանության սերտիֆիկատի և համապատասխանության հայտարագրի հավելվածների ձևերը համաձայն Ձև 5 և Ձև 6-ի,

դ/ ծառայության համապատասխանության սերտիֆիկատի և դրա հավելվածի ձևերը համաձայն Ձև 7 և Ձև 8-ի,

ե/ որակի կառավարման համակարգի համապատասխանության սերտիֆիկատի ձևը համաձայն Ձև 9-ի:

2. Սույն հրամանի 1-ին կետով սահմանված ձևերը պետք է պատրաստվեն A 4 (210 x 974 մմ) ձևաչափի թղթի վրա` հայերենով:

Թույլատրվում է արտադրանքի, ծառայության և որակի կառավարման համակարգի համապատասխանության սերտիֆիկատները և դրանց հավելվածները ձևակերպել այլ լեզուներով հայտատուների պահանջով:

Համապատասխանության սերտիֆիկատները, համապատասխանության հայտարագրերը և դրանց հավելվածները պետք է լրացվեն համապատասխանության հավաստման համակարգի ստանդարտներով սահմանված պահանջներին համապատասխան:

3. Սույն հրամանի 1-ին կետով սահմանված ձևերի բլանկների պատվիրման, հրատարակման, պահպանման և Լեռնային Ղարաբաղի Հանրապետության համապատասխանության հավաստման համակարգում հավատարմագրված սերտիֆիկացման մարմիններին բլանկներով ապահովման իրավունքը Ստանդարտների ազգային ինստիտուտ փակ բաժնետիրական ընկերությանը:

4. Սույն հրամանի հսկողությունը վերապահել Լեռնային Ղարաբաղի Հանրապետության տարածքային կառավարման և ենթակառուցվածքների զարգացման նախարարի տեղակալ Ա. Աբրահամյանին:

Արտադրանքի համապապասխանության սերտիֆիկատի ձևը

Արտադրանքի համապատասխանության հայտարարագրի հավելվածի ձևը

Ծառայության համապատասխանության սերտիֆիկատի ձևը