ք. Ստեփանակերտ

Համաձայն «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի՝ Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2000 թվականի մարտի 21-ի «Հայրենական մեծ պատերազմի վետերանների մասին» Լեռնային Ղարաբաղի Հանրապետության օրենքի կիրարկումն ապահովող միջոցառումների մասին» N 45 որոշման մեջ կատարել հետևյալ փոփոխությունները.

1) որոշման 1-ին կետում «25000» թիվը փոխարինել «35000» թվով.

2) որոշման 2-րդ կետում «սոցիալական ապահովության» բառերը փոխարինել «աշխատանքի և սոցիալական հարցերի» բառերով.

3) որոշման 3-րդ կետով հաստատված կարգի՝

ա. 1-ին կետում «մասնակիցներին» բառը փոխարինել «մասնակիցներին, պատերազմի տարիներին Լենինգրադի բլոկադայի մասնակիցներին, ֆաշիստական համակենտրոնացման ճամբարների նախկին անչափահաս գերիներին, նախկին ԽՍՀՄ ներքին գործերի ու պետական անվտանգության մարմինների ղեկավար և շարքային կազմի այն անձանց, ովքեր հաշմանդամ են դարձել ծառայողական պարտականությունները կատարելիս վիրավորվելու, կոնտուզիաների և ստացած վնասվածքների հետևանքով (այսուհետ՝ վետերան)» բառերով,

բ. 6-րդ և 7-րդ կետերը շարադրել հետևյալ խմբագրությամբ.

«6. Լիազորագրով, անցած ժամանակահատվածի համար, բնակության վայրը փոխելու դեպքում, ինչպես նաև վետերանի մահվան պատճառով չստացած պատվովճարի վճարումն իրականացվում է «Պետական կենսաթոշակների մասին» Լեռնային Ղարաբաղի Հանրապետության օրենքով աշխատանքային կենսաթոշակների համար սահմանված կարգով:

7. Պատվովճար ստանալու իրավունքը դադարեցվում և վերականգնվում է, պատվովճար վճարելը դադարեցվում և վերսկսվում է, պատվովճարի գումարից պահումներ և բռնագանձում կատարվում է «Պետական կենսաթոշակների մասին» Լեռնային Ղարաբաղի Հանրապետության օրենքով աշխատանքային կենսաթոշակների համար սահմանված դեպքերում և կարգով:

Պատվովճար վճարելը դադարեցվում է նաև պետության լրիվ խնամքի տակ անցնելու դեպքում՝ հաջորդ ամսվա 1-ից:»,

գ. 8-րդ և 9-րդ կետերն ուժը կորցրած ճանաչել։

2. Սույն որոշումն ուժի մեջ է մտնում 2015 թվականի հունվարի 1-ից։