ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2008 թվականի հուլիսի 15-ի «Ծեր և հաշմանդամ քաղաքացիներին խնամքի տրամադրման կարգն ու ծեր և հաշմանդամ քաղաքացիներին խնամքի տրամադրումը մերժելու հիմք հանդիսացող հիվանդությունների ցանկը հաստատելու մասին» N 500-Ն որոշման մեջ կատարել հետևյալ փոփոխությունները և լրացումը.

1) որոշման 2-րդ կետում «սոցիալական ապահովության» բառերը փոխարինել «աշխատանքի և սոցիալական հարցերի» բառերով.

2) որոշման թիվ 1 հավելվածում՝

ա. 11-րդ կետը շարադրել հետևյալ խմբագրությամբ.

«11. Տարածքային մարմնի ղեկավարը հաճախորդին բնակչության սոցիալական պաշտպանության ընդհանուր կամ հատուկ հաստատություններում խնամք տրամադրելու մասին որոշումը երեք աշխատանքային օրվա ընթացքում ներկայացնում է համապատասխան հաստատություն՝ հաճախորդի ընդունելությունը կազմակերպելու համար, իսկ սոցիալ-վերականգնողական ցերեկային կենտրոնում կամ տնային պայմաններում խնամք տրամադրելու մասին որոշումը՝ համապատասխան կազմակերպություն:»,

բ. ուժը կորցրած ճանաչել 12-րդ կետը,

գ. լրացնել հետևյալ բովանդակությամբ 17.1.-ին կետ.

«17.1. Բնակչության սոցիալական պաշտպանության հաստատությունը մինչև յուրաքանչյուր ամսվա 5-ը Լեռնային Ղարաբաղի Հանրապետության աշխատանքի և սոցիալական հարցերի նախարարություն (այսուհետ՝ նախարարություն) է ներկայացնում տեղեկատվություն՝ նախորդ ամսում հաստատություն ընդունված, իսկ համապատասխան կազմակերպությունը՝ տնային պայմաններում խնամք ստացած հաճախորդների մասին:»:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: