ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2005 թվականի դեկտեմբերի 20-ի «Պետության կողմից երաշխավորված անվճար բժշկական օգնության և սպասարկման մասին» N 556 որոշմամբ հաստատված N 2 հավելվածում կատարել հետևյալ լրացումները.

1) IV գլխի 27-րդ կետը լրացնել հետևյալ բովանդակությամբ նոր 10-րդ և 11-րդ ենթակետերով.

«10) օրթեզավորման մատուցման ծառայությունների համար բյուջետային ծախսերի հաշվարկը կազմվում է գրանցված 0-18 տարեկան երեխաների և 18 տարեկանից բարձր տարիքի բնակչության խմբերի համար: Այն իր մեջ ներառում է՝ օրթեզավորում (ծնկից վերև, ծնկից ներքև) և կորսետավորում.

11) անգիոգրաֆիայի անցկացման ծառայությունների բյուջետային ծախսերը հաշվարկվում են պետության կողմից երաշխավորված անվճար բժշկական օգնության և սպասարկման շրջանակներում՝ անհետաձգելի սրտի վիրահատություն (մեկ ոչ դեղապատ ստենտի տեղադրում):».

2) V գլխի 31-րդ կետը լրացնել հետևյալ բովանդակությամբ նոր 10-րդ և 11-րդ ենթակետերով.

«10) «Օրթեզավորման մատուցման ծառայություններ» ծրագրի համար կազմակերպության պայմանագրային գումարը որոշվում է նախարարի կողմից՝ օրթեզավորում և կորսետավորում իրականացնող կազմակերպության համար հաստատված հիվանդների թվի և մեկ հիվանդի համար նախատեսված օրթեզավորման կամ կորսետավորման միջինացված գնի արտադրյալով.

11) «Անգիոգրաֆիայի անցկացման ծառայություններ» ծրագրի համար կազմակերպության պայմանագրային գումարը որոշվում է նախարարի կողմից՝ կորոնարոգրաֆիա և ստենտավորում իրականացնող կազմակերպության համար հաստատված հիվանդների թվի և մեկ հիվանդի համար նախատեսված ստենտավորման կամ կորոնարոգրաֆիայի միջինացված գնի արտադրյալով:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2015 թվականի հունվարի 1-ից հետո ծագած հարաբերությունների վրա: