ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2012 թվականի հունվարի 19-ի «Զինծառայողներին և նրանց ընտանիքների անդամներին տրվող ամենամսյա պարգևավճարի չափերը՝ ըստ պարգևավճար ստանալու իրավունք ունեցող անձանց կատեգորիաների, պարգևավճար նշանակելու և վճարելու կարգը սահմանելու մասին» N 10-Ն որոշմամբ սահմանված N 1 հավելվածում կատարել հետևյալ լրացումը և փոփոխությունները`

1) 4-րդ կետի 2-րդ պարբերությունը «1-ին» բառից հետո լրացնել «, 1.1-ին» բառով.

2) 5-րդ կետում «աշխատանքային կամ սոցիալական կենսաթոշակ (բացառությամբ կերակրողին կորցնելու դեպքում աշխատանքային կամ սոցիալական կենսաթոշակի)» բառերը փոխարինել «տարիքային աշխատանքային կենսաթոշակ կամ հաշմանդամության աշխատանքային կենսաթոշակ կամ ծերության սոցիալական կենսաթոշակ կամ հաշմանդամության սոցիալական կենսաթոշակ» բառերով.

3) 5.1-ին կետում «աշխատանքային կամ սոցիալական կենսաթոշակ (բացառությամբ մասնակի, արտոնյալ պայմաններով և երկարամյա ծառայության աշխատանքային կենսաթոշակի, ինչպես նաև կերակրողին կորցնելու դեպքում աշխատանքային կամ սոցիալական կենսաթոշակի)» բառերը փոխարինել «տարիքային աշխատանքային կենսաթոշակ կամ հաշմանդամության աշխատանքային կենսաթոշակ կամ ծերության սոցիալական կենսաթոշակ կամ հաշմանդամության սոցիալական կենսաթոշակ» բառերով, իսկ «եթե չեն աշխատում`» բառերը հանել.

4) 16-րդ կետը շարադրել հետևյալ խմբագրությամբ.

«16. Պարգևավճարը նշանակվում, վճարվում, պարգևավճարի գործը (փաստաթղթերը) վարվում է Լեռնային Ղարաբաղի Հանրապետության կառավարության 2012 թվականի հունվարի 19-ի N 9-Ն որոշմամբ զինվորական կենսաթոշակների համար սահմանված կարգով:».

5) ուժը կորցրած ճանաչել 20-րդ և 21-րդ կետերը:

2. Սույն որոշման 1-ին կետի 1-ին և 4-րդ ենթակետերի գործողությունը տարածվում է 2015 թվականի հունվարի 1-ից ծագած հարաբերությունների վրա, իսկ 1‑ին կետի 2-րդ, 3-րդ և 5-րդ ենթակետերի գործողությունը՝ 2015 թվականի հունիսի 1-ից ծագած հարաբերությունների վրա: