ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2015 թվականի հուլիսի 3-ի ««Լեռնային Ղարաբաղի Հանրապետության արտադրական ենթակառուցվածքների նախարարության աշխատակազմ» պետական կառավարչական հիմնարկի գործունեությունը դադարեցնելու մասին» N 416-Ն որոշման.

1) 2-րդ կետում «և Լեռնային Ղարաբաղի Հանրապետության քաղաքաշինության նախարարության» բառերը փոխարինել «Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչության» բառերով.

2) 3-րդ կետից հանել «և Լեռնային Ղարաբաղի Հանրապետության քաղաքաշինության նախարարին» բառերը.

3) 3-րդ կետի 1-ին ենթակետի «հիմնարկների» բառը փոխարինել «հիմնարկի» բառով։

2. Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչության պետին՝ սահմանված կարգով տասնհինգօրյա ժամկետում Լեռնային Ղարաբաղի Հանրապետության կառավարություն ներկայացնել պետական կառավարչական հիմնարկի կանոնադրությունն ու կառուցվածքը փոփոխելու, ինչպես նաև սույն որոշմամբ պայմանավորված այլ իրավական ակտերում փոփոխություններ և լրացումներ կատարելու վերաբերյալ առաջարկություն:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: