ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2006 թվականի

մարտի 22 -ին

«ԱՎԵԼԱՑՎԱԾ ԱՐԺԵՔԻ ՀԱՐԿԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Ավելացված արժեքի հարկի մասին» Լեռնային Ղարաբաղի Հանրապետության օրենքի (այսուհետ` օրենք) 14-րդ հոդվածը լրացնել հետևյալ բովանդակությամբ նոր պարբերությունով.

«Սույն օրենքի գործողությունը չի տարածվում օտարերկրյա անձանց կողմից հեռուստառադիոընկերություններին մատուցվող հեռուստառադիոհեռարձակման ծառայությունների վրա:»:

Հոդված 2. Օրենքի 15-րդ հոդվածի 17-րդ կետի.

 - առաջին մասում «անձանց» բառից հետո ավելացնել «,վճարահաշվարկային կազմակերպությունների (բացառապես սույն կետով նախատեսված վճարահաշվային ծառայությունների մասով)» բառերը.

- իններորդ մասում «բանկերի» բառից հետո ավելացնել «և վարկային կազմակերպությունների» բառերը.

- տասնհինգերորդ մասում «բանկի» բառից հետո ավելացնել «և վարկային կազմակերպության» բառերը.

- տասնվեցերորդ մասից հետո ավելացնել հետևյալ բովանդակությամբ նոր մասեր.

«-բանկերի և վարկային կազմակերպությունների կողմից ներմուծված այն ապրանքների ֆինանսական վարձակալությամբ (լիզինգով) տրամադրումը, որոնց ներմուծման ժամանակ ավելացված արժեքի հարկը օրենսդրությամբ սահմանված կարգով մաքսային մարմինների կողմից չի հաշվարկվել և չի գանձվել.

- բանկերի և վարկային կազմակերպությունների կողմից ֆինանսական վարձակալությունից (լիզինգից) ստացված տոկոսագումարները:»:

Հոդված 3. Օրենքի 20-րդ հոդվածում՝

ա) ուժը կորցրած ճանաչել երկրորդ մասը.

բ) հինգերորդ մասի «ամսվա 25-ը» բառերը փոխարինել «ամսվա 20-ը» բառերով:

Հոդված 4. Օրենքի 24¹-րդ հոդվածում «2006 թվականի» բառերը փոխարինել «2009 թվականի» բառերով:

Հոդված 5. Օրենքի 26-րդ հոդվածի չորրորդ մասում «բացասական տարբերությունը» բառերից հետո ավելացնել «, բացառությամբ այն դեպքերի, երբ բացասական տարբերությունն առաջանում է օրենսդրությամբ սահմանված կարգով պետական կարգավորող մարմնի կողմից հաստատված սակագների կիրառման արդյունքում» բառերը:

Հոդված 6. Օրենքի 44² -րդ հոդվածում.

ա) ուժը կորցրած ճանաչել առաջին մասը.

բ) երկրորդ մասից հանել «, առանց ապրանքների մատակարարման և ծառայությունների մատուցման դուրս գրված հարկային հաշիվներում, ինչպես նաև «Հարկերի մասին» Լեռնային Ղարաբաղի Հանրապետության օրենքով սահմանված կարգով հարկային մարմնի հրապարակած ցանկերում ընդգրկված անձանց կողմից դուրս գրված` հարկերի հաշվարկման կամ հաշվանցումների համար հիմք չհանդիսացող հարկային հաշիվներում» բառերը, իսկ «Առանց ապրանքների մատակարարման և ծառայությունների մատուցման դուրս գրված» բառերը փոխարինել «Անապրանք փաստաթղթերի օգտագործման միջոցով» բառերով:

Հոդված 7. Սույն օրենքն ուժի մեջ է մտնում հրապարակման պահից: